Spricha 17
17
1Bäta een drieeja Haups Broot un Ru doabie, aus een Hus voll Opfafleesch met Zank.
2Een ensechtsvolla Kjnajcht woat äwa däm schenteljen Sän harschen, un enne Medd de Breeda daut Oawgoot deelen.
3De Schmeltgrope fa daut Selwa, un de Owen fa daut Golt; oba de Hoaten prooft de Har.
4Een Iebeldoonenda hieet oppe Leppen vom Onheil, een Läajna jeft Jehia de Tung vom Vedoawnis.
5Wäa äwa däm Oamen spott, veheent däm, dee am jemoakt haft; wäa sikj äwa Onjlekj freit, woat nich fa schultloos jehoolen woaren.
6De Kjinja vonne Kjinja sent de Kroon de Oole, un de Schmuck de Kjinja sent äare Vodasch.
7Toom Noa paust kjeene scheene Räd; wooväl weinja Läajesräden fa eenem Adeljen!
8Daut Jeschenkj es een Adelsteen en däm Uag vom Emfanga; wuahan hee sikj dreit, jelinjt daut am.
9Wäa Leew sieekjt, dakjt de Äwaträdunk too; oba wäa eene Sach emma wada aunräacht, trant Vetruen.
10 Daut Schellen drinjt deepa en eenem Vestendjen nenn, aus 100 Schläaj opp eenem Noa.
11De Beese sieekjt blooss Wadaspanskjeit; oba een grausoma Bootschofta woat jäajen am jeschekjt woaren.
12Eenem Boa, däm de Junge wajch jenomen sent, bejäajent eenem Maun, oba nich een Noa en siene Noaheit!
13Wäa Beeset fa Goodet vejelt, von däm sien Hus woat daut Beese nich gonen.
14De Aunfank von eenem Striet es, aus wan eena Wota ranen lat; soo lot däm Striet, ea hee kjraftich woat.
15Wäa däm Jesazloosen rajchtfoadicht, un wäa däm Jerajchten vedaumt, see aule beid sent däm Harn een Aufschu.
16Toowaut Jelt en eenem Noa siene Haunt, om Weisheit to kjeepen, doa am doch de Vestaunt fält?
17De Frint leeft too aula Tiet, un aus Brooda fa de Noot woat hee jebuaren.
18Een onvestendja Mensch es, wäa enne Haunt ennschleit, wäa Birjschoft deit sienem Näakjsten jäajenäwa.
19Wäa Zank leeft, leeft Äwaträdunk; wäa siene Däa huach moakt, sieekjt daut Toopfaule.
20Wäa vekjieedem Hoaten es, woat daut Goode nich finjen; un wäa sikj met siene Tung dreit, woat em Onjlekj faulen.
21Wäa eenen Noa groot moakt, däm woat daut toom Kumma, un de Voda von eenem Noa haft kjeene Freid.
22Een frooet Hoat brinjt goode Heelunk, oba een veschloagna Jeist drieecht de Knoakes ut.
23De Gottloosa nemt een Jeschenkj ut däm Bossem, om de Stiej de Rajchte too bieejen.
24Ver däm Aunjesecht de Vestendje es Weisheit, oba de Uagen de Noaren sent aum Enj de Ieed.
25Een onweisa Sän es een Oajanis fa sienem Voda, un Bettanis fa dee, dee am jebuaren haft.
26Uk däm Jerajchten too bestrofen, es nich goot, Adelje too schlonen om de Jerajchtichkjeit wellen.
27Wäa siene Wieed trigj helt, besett Erkjantnis; un wäa bestendjen Jeistes es, es een vestendja Maun.
28Uk een Noa, dee stell es, woat fa weis jehoolen, fa vestendich, wäa siene Leppen veschlit.
Currently Selected:
Spricha 17: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
