4. Mose 26
26
Wäajen de Endeelunk von daut Launt Kanaan, woaren de Mana jetalt
1Doa räd de Har too Moses un to Eleasar, Aaron sienem Sän, däm Priesta, un säd: 2Nemm de Zol de gaunze Jemeent de Kjinja Israel, von 20 Joa un doaräwa, no äare Vodahiesa, eenen jiedren, dee en Israel toom Häa uttrakjen kaun. 3Un Moses un Eleasar, de Priesta, räden to an enne Läacht Moab, aum Jordan, Jericho jäajenäwa, un säden: 4Von 20 Joa un doaräwa ..., soo aus de Har däm Moses jeboden haud. - Un daut wieren de Kjinja Israel, dee ut däm Ägiptenlaunt utjegonen wieren:
5Ruben, de Ieeschtjebuarna Israels; de Sän Ruben: von Hanok daut Jeschlajcht de Hanokita; von Pallu daut Jeschlajcht de Palluita; 6von Hezron daut Jeschlajcht de Hezronita; von Karmi daut Jeschlajcht de Karmita. 7Daut sent de Jeschlajchta de Rubenita; un äare Jemostade wieren 43730. 8Un de Säns Pallu: Eliab. 9Un de Säns Eliab: Nemuel un Dathan un Abiram; daut es de Dathan un de Abiram, dee Väanämen de Jemeent, dee sikj jäajen Moses un jäajen Aaron stalden met de Aunhenja Korah, aus see jäajen Gott (Jahwe) streeden. 10Un de Ieed deed äa Mul op un veschlukt an un Korah, aus de Aunhenja storwen, endäm daut Fia de 250 Mana freet, un see to eenem Tieekjen worden. 11Oba de Säns Korah storwen nich.
12De Säns Simeon no äare Jeschlajchta: von Nemuel daut Jeschlajcht de Nemuelita; von Jamin daut Jeschlajcht de Jaminita; von Jakin daut Jeschlajcht de Jakinita; 13von Serach daut Jeschlajcht de Serahita; von Saul daut Jeschlajcht de Saulita. 14Daut sent de Jeschlajchta de Simeonita, 22 200.
15De Säns Gad no äare Jeschlajchta: von Zefon daut Jeschlajcht de Zefonita; von Haggi daut Jeschlajcht de Haggita; von Schuni daut Jeschlajcht de Schunita; 16von Osni daut Jeschlajcht de Osnita; von Eri daut Jeschlajcht de Erita; 17von Arod daut Jeschlajcht de Arodita; von Areli daut Jeschlajcht de Arelita. 18Daut sent de Jeschlajchta de Säns Gad, no äare Jemostade, 40 500.
19De Säns Juda: Gher un Onan; oba Gehr un Onan storwen em Launt Kanaan. 20Un daut wieren de Säns Juda no äare Jeschlajchta: von Schela daut Jeschlajcht de Schelanita; von Perez daut Jeschlajcht de Perezita; von Serach daut Jeschlajcht de Serachita. 21un de Säns Perez wieren: von Hezron daut Jeschlajcht de Hezronita; von Hamul daut Jeschlajcht de Hamulita. 22Daut sent de Jeschlajchta Juda no äare Jemostade, 76 500.
23De Säns Isachar no äare Jeschlajchta: von Tola daut Jeschlajcht de Tolaita; von Puwa daut Jeschlajcht de Puwanita; 24von Jaschub daut Jeschlajcht de Jaschubita; von Schimron daut Jeschlajcht de Schimronita. 25Daut sent de Jeschlajchta Isachar, no äare Jeschlajchta, 64300. 26De Säns Sebulon no äare Jeschlajchta: von Sered daut Jeschlajcht de Seredita; von Elon daut Jeschlajcht de Elonita; von Jachleel daut Jeschlajcht de Jachleelita. 27Daut sent de Jeschlajchta de Sebulonita, no äare Jemostade, 60 500.
28De Säns Josef no äare Jeschlajchta: Manasse un Efraim. 29De Säns Manasse: von Makir daut Jeschlajcht de Makirita, (un Makir jebua Gilead; von Gilead) daut Jeschlajcht de Gileadita. 30Dit sent de Säns Gilead: von Jieser daut Jeschlajcht de Jieserita; von Helek daut Jeschlajcht de Helekita; 31un von Asriel daut Jeschlajcht de Asrielita; un von Sichem daut Jeschlajcht de Sichemita; 32un von Semida daut Jeschlajcht de Semidaita; un von Hefer daut Jeschlajcht de Heferita. 33Un Zelofchad, de Sän Hefer, haud kjeene Säns, sonda blooss Dajchta; un de Nomes de Dajchta Zelofchad wieren; Machla un Noa, Hogla, Milka un Tirza. 34Daut sent de Jeschlajchta Manasse; un äare Jemostade, 52 700.
35Dit sent de Säns Efraim no äare Jeschlajchta: von Schuthelach daut Jeschlajcht de Schuthelachita; von Beker daut Jeschlajcht de Bekerita; von Tachan daut Jeschlajcht de Tachanita. 36Un dit sent de Säns Schuthelach: von Eran daut Jeschlajcht de Eranita. 37Daut sent de Jeschlajchta de Säns Efraim, no äare Jemostade; 32 500. Daut sent de Säns Josef no äare Jeschlajchta.
38De Säns Benjamin no äare Jeschlajchta: von Bela daut Jeschlajcht de Belaita; von Aschbel daut Jeschlajcht de Aschbelita; von Achiram daut Jeschlajcht de Achiramita; 39von Schephupham daut Jeschlajcht de Schephuphamita; von Hufam daut Jeschlajcht de Hufamita. 40Un de Säns Bela wieren: Ard un Naeman; von Ard daut Jeschlajcht de Ardita, von Naeman daut Jeschlajcht de Naemanita. 41Daut sent de Säns Benjamin no äare Jeschlajchta; un äare Jemostade, 45 600.
42Dit sent de Säns Dan no äare Jeschlajchta: von Schucham daut Jeschlajcht de Schuchamita; 26, 43daut sent de Jeschlajchta Dan no äare Jeschlajchta. Aule Jeschlajchta de Schuchamita, no äare Jemostade, 64 400.
44De Säns Aser no äare Jeschlajchta: von Jimna daut Jeschlajcht de Jimnaita; von Jischwi daut Jeschlajcht de Jischwita; von Beria daut Jeschlajcht de Beriita. 45Von de Säns Beria: von Heber daut Jeschlajcht de Heberita; von Malkiel daut Jeschlacht de Malkielita. 46Un de Nomen de Dochta von Aser wia Serach. 47Daut sent de Jeschlajchta de Säns Aser, no äare Jemostade, 53 400.
48De Säns Naftali no äare Jeschlajchta: von Jachzeel daut Jeschlajcht de Jachzeelita; von Guni daut Jeschlajcht de Gunita; 49von Jezer daut Jeschlajcht de Jezerita; von Schillem daut Jeschlajcht de Schillemita. 50Daut sent de Jeschlajchta Naftali no äare Jeschlajchta; un äare Jemostade, 45 400.
51Daut sent de Jemostade de Kjinja Israel, 601 730.
52Un de Har räd too Moses un säd: 53Dise saul daut Launt no de Zol de Nomes aus Oawgoot vedeelt woaren. 54Dan väle von an saust du väl toom Oawgoot jäwen, un weinje von an saust du weinich jäwen; eenem jiedrem saul no sienem Verhältnis de Jemostade sien Oawgoot jejäft woaren. 55Doch daut Launt saul derch daut Loss vedeelt woaren; nom Nomen de Stam äare Vodasch, sellen see oawen; 56nom Loss saul jiedrem Staum sien Oawgoot toojedeelt woaren, soo aus de Väle, aus uk de Weinje.
57Un dit sent de Jemostade Levi no äare Jeschlajchta: von Gerson daut Jeschlajcht de Gersonita; von Kehat daut Jeschlajcht de Kehatita; von Merari daut Jeschlajcht de Merarita. 58Dit sent de Jeschlajchta Levi: Daut Jeschlajcht de Libnita, daut Jeschlajcht de Hebronita, daut Jeschlajcht de Machlita, daut Jeschlajcht de Muchita, daut Jeschlajcht de Korhita. Un Kehat jebua Amram. 59Un de Nomen von Amram siene Fru wia Jokebed, eene Dochta Levi, dee see däm Levi en Ägipten jebuaren haud; un see jebua däm Amram Aaron un Moses un Mirjam, äare Sesta. 60Un däm Aaron wudden Nadab un Abihu, Eleasar un Ithamar jebuaren. 61Un Nadab un Abihu storwen, aus see framdet Fia ver däm Harn brochten. 62Un äare Jemostade, aulet Menliche von eenem Moonat un doaräwa, wieren 23 000; dan see worden nich unja de Kjinja Israel jemostat, wiels an kjeen Oawgoot unja de Kjinja Israel jejäft wort.
63Daut sent dee derch Moses un Eleasar, däm Priesta, Jemostade, dee de Kjinja Israel enne Läacht Moab, aum Jordan, jäajenäwa Jericho, mostade. 64Un unja dise wia kjeen Maun von dän, dee derch Moses un Aaron, däm Priesta, jemostat jeworden wieren, dee de Kjinja Israel enne Wieste Sinai mostade. 65Dan de Har haud von an jesajcht: See sellen jewess enne Wieste stoawen! Un kjeen Maun von an wia äwajebläwen buta Kaleb, Jefunnes sien Sän, un Josua, Nuns sien Sän.
Currently Selected:
4. Mose 26: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
