Jesaja 62
62
Gott sien bemieejen Israel wada häatostalen
1Om Zions wellen well ekj nich stell sennen, un om Jerusalems wellen well ekj nich stell sennen, bat äare Jerajchtichkjeit väakjemt aus een Lichtglauns un äa Heil aus een brennenda Fiastock. 2Un de Nazionen woaren diene Jerajchtichkjeit seenen, un aule Kjennichs diene Harlichkjeit; un du woascht met eenem nieen Nomen jenant woaren, däm daut Mul Gottes bestemmen woat. 3Un du woascht eene prachtvolle Kroon sennen en de Haunt Gottes un een kjennichlicha Stearnbaund en dienem Gott siene Haunt. 4Maun woat nich mea die «Velotne» nanen, un dien Launt nich mea «Wieste» jenant; sonda maun woat die «Miene Lost aun äa» nanen, un dien Launt «Befriede»; dan de Har woat Lost aun die haben, un dien Launt woat befriet woaren. 5Dan aus een Jinjlinkj sikj met eene Junkfru befriet, soo woaren sikj diene Kjinja met die befrieen; un aus de Briegaum sikj aun siene Brut freit, soo woat dien Gott sikj äwa die freien.
6Opp diene Mia, Jerusalem, ha ekj Wajchta bestalt; däm gaunzen Dach un de gaunze Nacht woaren see kjeenen Uagenblekj stell sennen. Jie, dee jie däm Harn jedenkjen sellen, jennt junt kjeene Ru - 7un lot am kjeene Ru, bat hee Jerusalem faust jemoakt un bat hee daut toom Riem opp de Ieed moakt! 8De Har haft jeschwuaren bie siene Rajchte un bie sienem stoakjem Oarm: Wan ekj wiedahan diene Fiend dien Jeträajd toom Äten jäw, un wan de Säns de Framde dienen jungen Wien drinkjen woaren, om däm du die aufjemieecht hast! 9Sonda dee daut ensaumlen, sellen daut äten un däm Harn danken; un dee daut ennbrinjen, sellen am drinkjen enne Väahäw von mienem Heilichtum.
10Got, got derch de Dooasch, moakt däm Wajch fa daut Volkj reed; moakt Bon, moakt de Gaussen reed, reinicht dee von Steena; häft een Tieekjen äwa de Velkja! 11Kjikj, de Har haft eene Norecht schaule loten bat aun daut Enj de Ieed: Sajcht de Dochta Zion: Kjikj, dien Heil kjemt; kjikj sien Loon es bie am, un siene Vejeltunk jeit ver am häa. 12Un maun woat an nanen: Daut heilje Volkj, dee Erleeste Gottes; un die woat maun nanen: Dee Jesochte, Staut, dee nich mea veloten woaren woat.
Currently Selected:
Jesaja 62: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
