Jesaja 20
20
Norecht vom Siech de Assiera äwa Ägipten un Kusch (Ätiopien)
1En däm Joa, doa de Tartan no Aschdod kaum, aus Sargon, de Kjennich von Assur, am jeschekjt haud, un hee jäajen Aschdod street un daut enneem: 2En dise Tiet räd de Har derch Jesaja, däm Sän Amoz, un säd: Go un lees daut Sakduak von diene Lenden un trakj diene Schoo von diene Feet ut. Un hee deed aulsoo, jinkj noaktich un boaft. 3Un de Har säd: Soo aus mien Kjnajcht Jesaja noaktich un boaft jegonen es, dree Joa lank - een Tieekjen un Väabilt betrafs Ägipten un betrafs Ätiopien: 4Aulsoo woat de Kjennich von Assur de Jefangne von Ägipten un de Wajchjefieede von Ätiopien wajchjoagen, Jinjlinje un Jreisen, noaktich un boaft un met ne noaktje Sett, too eene Schaund fa Ägipten. 5Un see woaren sikj vefieren un beschämt sennen wäajen Ätiopien, äa Velot, un wäajen Ägipten, äa Riem. 6Un de Bewona von disem Eewalaunt (Palestina) woaren aun janem Dach sajen: Kjikj, aulsoo es daut met onsem Velot, wuahan wie om Help randen, om von däm Kjennich von Assur jerat to woaren! Un woo sell wie wajchranen?
Currently Selected:
Jesaja 20: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
