2. Mose 38
38
Heilichtum: Väahoff un Jereetschoft
1Un hee muak däm Brauntopfaaultoa von Akozjeholt: Siene lenj fief Ellen, un siene breed fief Ellen, veakauntich, un huach 3 Ellen; 2un hee muak de Hieena aun siene vea Akjen; ut am wieren siene vea Hieena; un hee äwatrock dee met Koppa. 3Un hee muak aul daut Aultoa Jereetschoft; de Tap un de Schefflen un de Sprenjschiewe, un de Gauflen un de Kolepaune; aul sien Jereetschoft muak hee von Koppa. 4Un hee muak aum Aultoa een Fiarost aus een Nat ut Koppa, unja de Spunj vom Aultoa, von unjen, bat to siene Halft vom Aultoa. 5Un hee goot 4 Rinj aun de vea Akjen aum koppanen Nat om de Stangen too hoolen. 6Un hee muak de Stangen von Akozjeholt un äwatrock dee met Koppa. 7Un hee deed de Stangen en de Rinj, aune Sieden vom Aultoa, om am doamet too droagen; holl, von Bräda muak hee am.
8Un hee muak de Komm toom wauschen von Koppa un sien Jestal von Koppa; von de Späjels de deenende Frues, dee doa aum Engank vom Zelt de Bejäajnunk deenden.
9Un hee muak däm Väahoff; aun de Meddachsied, siedlich, Väahenjen vom Väahoff von fien jewäwden witte Boomwoll, 100 Ellen; 10äare 20 Stendasch un äare 20 Feet von Koppa, de Stendahoakes un äare dedwäa Stangen von Selwa. 11Un aune Nuadsied 100 Ellen; un äare 20 Stendasch un äare 20 Feet von Koppa, de Stendahoakes un äare dedwäa Stangen von Selwa. 12Un aune Wastsied 50 Ellen Väahenjen, äare 10 Stendasch un äare 10 Feet, de Stendahoakes un äare dedwäa Stangen von Selwa. 13Un aune Oostsied, jäajen Sonnenoppgank, 50 Ellen: 1450 Ellen Väahenjen opp eene Sied, äare dree Stendasch un äare dree Feet; 15un aun de aundre Sied – von dise Sied un von jane Sied vom Väahoffdooa 15 Ellen Väahenjen, äare dree Stendasch un äare dree Feet. 16Aule Väahenjen vom Väahoff runtom wieren von fien jewäwden witte Boomwoll; 17un de Feet vonne Stendasch von Koppa, de Stendahoakes un äare dedwäa Stangen von Selwa un äare Kjap met Selwa äwatrocken; un de Stendasch vom Väahoff wieren aula met dedwäa Stangen von Selwa. 18Un däm Väahank vom Väahoffdooa muak hee en bunt jewäwden Oabeit, von blauen un rooden Purpur un Karmesin un fien jewäwden witte Boomwoll; zwoa 20 Ellen de Lenj; un de Hecht, en de Breed, fief Ellen, soo aus de Väahenjen vom Väahoff; 19un äare vea Stendasch un äare vea Feet wieren von Koppa, äare Stendahoakes von Selwa un äare Kjap un äare dedwäa Stangen von Selwa. 20Un aule Näajel fa de Wonunk un runtom fa däm Väahoff wieren von Koppa.
Heilichtum: Beräakjnunk von Golt, Selwa un Koppa fa daut Heilichtum
21Dit sent de beräakjende Kosten de Wonunk, de Zeichniswonunk, dee beräakjent wort opp Moses sien Befäl, derch däm Deenst de Leviten – unja Ithamar siene Haunt, Aaron sienem Sän, däm Priesta; 22un Bezalel, däm Sän Uri, vom Sän Hur, vom Staum Juda, muak aules, waut de Har Moses befoolen haud; 23un met am Oholiab, de Sän Achisamak, vom Staum Dan, een Kjensla un Konst- un Buntwäwa en blauen un rooden Purpur un Karmesin un fien jewäwden witte Boomwoll: 24Aulet Golt daut toom Woakj veoabeit wort aun disem Heilichtumswoakj, daut Wäwopfagold, wia 29 Talent un 730 Schekel, nodäm Schekel vom Heilichtum. 25Un daut Selwa von de Jetalde de Jemeent wia 100 Talent un 1775 Schekel, nodäm Schekel vom Heilichtum: 26Een Beka oppem Kopp, de halft vom Schekel, nodäm Schekel vom Heilichtum, von eenem jiedren, dee no de Jetalde äwajinkj, von 20 Joa un doaräwa, von 603 550 Maun. 27Un de 100 Talent Selwa wieren toom jeeten de Feet vom Heilichtum un de Feet vom Väahank, 100 Feet opp 100 Talent, een Talent opp eenen Foot. 28Un von de 1775 Schekel muak hee de Hoakes fa de Stendasch un äwatrock äare Kjap un vebung an met de dedwäa Stangen. 29Un daut Koppa vom Wäwopfa wia 70 Talent un 2400 Schekel. 30Un hee muak doa rut de Feet toom Engank vom Zelt de Bejäajnunk un däm koppanen Aultoa un sien koppanet Nat un aulet Jereetschoft fa däm Aultoa; 31un runtom de Feet fa däm Väahoff un de Feet toom Dooa vom Väahoff un aule Näajel de Wonunk un aule Näajel runtom fa däm Väahoff.
Currently Selected:
2. Mose 38: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
