Liera 6

Nutzloos es daut Rikjtum un Iea

1Daut jeft een Iebel, daut ekj unja de Sonn jeseenen ha, un schwoa licht daut opp däm Mensch. 2Eena, däm Gott Rikjtum un Jeeda un Iea jejäft, un dee nuscht fa siene Seel aufsajcht von aulem, waut hee wenscht; oba Gott jeft am nich de Macht, doavon too jeneeten, sonda een Framda jeneet daut. Daut es Eitelkjeit un een schlemmet Iebel. 3Wan eena 100 Säns haft un väl Joaren läwd, un de Doag von siene Joaren wieren väl, un siene Seel wort nich saut aun Goodem, un wort am uk kjeen Bejrafnis toom deel, soo saj ekj: Eene Väljeburt es bäta draun aus hee. 4Dan en Onbediedinj kjemt see, un en Diestanis jeit see doahan, un met Diestanis woat äa Nomen bedakjt; 5uk haft see de Sonn nich jeseenen noch jekjant. Dise haft mea Ru aus jana. 6Un wan hee uk twee Mol 1000 Joaren jeläft, un Goodet nich jeseenen haud: Jeit nich aules aun eenem Uat?

7Aule Mieej de Menschen es fa sienem Mul, un de Seel woat nich saut (jestellt). 8Dan waut haft de Weisa mea aus de Noa, waut halpt daut däm Oamen, dee ver däm Läwendjen too waundlen vesteit? 9Bäta daut Aunseenen de Uagen aus daut Omhäaschweife de Bejia. Uk daut es Eitelkjeit un utholen nom Wint.

10Waut entsteit, aul lenjst wia sien Nomen jenant; un daut es bekaunt, waut een Mensch sennen woat, un hee kaun nich met däm rechten, dee stoakja es aus hee. 11Dan daut jeft väl Wieed dee de Eitelkjeit vemieren; waut fa eenen Nutzen haft de Mensch doavon? 12Dan wäa weet, waut fa däm Mensch em Läwen goot es, de Zol de Doag en sienem iedlen Läwen, dee hee aus een Schauten vebrinjt? Dan wäa kaun däm Mensch daut to weeten doonen, waut no am sennen woat unja de Sonn?

Currently Selected:

Liera 6: PBJHF

Highlight

Copy

Compare