Camba 36

Ɓi rimkoh ŋ Esaaw

1Inii weɗ naandsuku ŋ Esaaw, yi teeku Edom, na ɓi rimkoh nga ɗe. 2Esaaw ɓayeen ɓitiɓ ŋ cafaƴ caŋ Kanaan ; ɓeem ɓa nikee Aada na Ohlibaama. Aada nikee kuɓu Eloon ya ɓaahee ŋ cuuɓiŋ Hit ci. Ohlibaama nikee kuɓu Aana, Aana nikka kuɓu Sibeyon ya ɓaahee ŋ cuuɓiŋ Hiw ci. 3Taambɗoh Nebayot, Baasmat yi kuɓu Ismaayla namee ɓaah ŋ ɓitiɓ ciŋ ɗe. 4Aada a yi rim Elifaas, Baasmat rimmba Rewyel, 5Ohlibaama rimmba Yewus na Yalaam na Koorah. Ɓii ɓeɗ kuɓuuci ƴaar ci Esaaw raakoh Kanaan. 6Wa raakka mbeh, Esaaw ɓayya ɓitiɓ ciŋ ɗe na kuɓuuciŋ ɗe, ƴaar na ɓitiɓ, na ɓooɓaŋ ɗe, a ɓayndohha ɗoopaat caŋ ɗe na in ca a raakoh Kanaan jen, a yongsukka kur wiiriis, a ussa taambɗoh ce Yaŋhooɓa. 7Raak-raakaŋ ɓa laayee laay po ɓa haɓisseeɗi ŋ kur ka sagu ɗoopaat caŋ ɓa. 8Esaaw yi teeku Edom, kaɗoh yipa ɗaa ŋ tangoocaŋ Seyiir.

9Inii weɗ naandsuku ŋ Esaaw na ɓi rimkoh nga ɗe. A yi caaciŋ Edom ca genee ŋ tangoocaŋ Seyiir. 10Tiik ciŋ kuɓuuciŋ Esaaw ƴaar ci ceɗi cii : Elifaas yi a raak na ɓitiice Aada, na Rewyel yi a raak na Baasmat.

11Kuɓuuciŋ Elifaas ƴaar ci nikka Teemaan, Omaar, Sefoo, Gataam na Kenas. 12Elifaas raakeen ɓitiɓ ñaam na woyse Timna ; a raakeen na ɗe kuɓu teeku Amalek. Ɓeem ɓeɗ set ciŋ Aada, ɓiti Esaaw.

13Kuɓuuciŋ Rewyel ƴaar ci nikee Nahat, Seerah, Samaa na Misaa. Ɓeem ɓeɗ set ciŋ Baasmat, ɓiti Esaaw.

14Kuɓuuci ƴaar ciŋ ɓiti Esaaw yi na woyse Ohlibaama, kuɓkiŋ Aana yiŋ Sibeyon, ɓeɗ Yewus, Yalaam na Koorah.

15Kilifaaciŋ ɓi rimkoh ŋ Esaaw ɓa ɗi ɓii : Ɓi rimkoh ŋ saawiŋ ɗe Elifaas nikee Teemaan, Omaar, Sefoo, Kenas, 16Koorah, Gataam na Amalek ; ɓeem ɓeɗ nikee kilifa ŋ kur kaŋ Edom ɓi rimkoh ŋ Elifaas kuɓkiŋ Aada. 17Ɓi rimkoh ŋ Rewyel, kuɓu Esaaw, nikee Nahat, Seerah, Samaa na Misaa ; ɓeem ɓeɗ nikee kilifa ŋ kur kaŋ Edom ɓi rimkoh ŋ Rewyel kuɓu Baasmat, ɓiti Esaaw. 18Ɓi rimkoh ŋ Ohlibaama nikee Yewus, Yalaam na Koorah ; ɓeem ɓeɗ kilifaaca rimkoh ŋ kuɓkiŋ Aana, Ohlibaama yi ɓiti Esaaw. 19Ɓeem ɓeɗ rimkoh ŋ Esaaw, ɓa nikka kilifa ŋ Edom.

Ɓi rimkoh ŋ Seyiir

20-21Ɓii ɓeɗ rimkoh ŋ Seyiir yi ɓaah ŋ cuuɓaŋ Hoor ca te ɓi Edom raakka ɓa geniɗ nga : Lootaan, Sobaal, Sibeyon, Aana, Disoon, Eeser na Disaan. Ɓeem ɓeɗ nikee ɓi rimkoh ŋ Seyiir, kilifaacaŋ cuuɓaŋ Hoor ca genee ngaŋ kur kaŋ Edom.

22Kuɓuuciŋ Lootaan ƴaar ci nikka Hoori na Hemaam ; taambɗoh ce ɓitiɓ teeksee Timna.

23Kuɓuuciŋ Sobaal ƴaar ci nikka Alwaan, Manahat, Eebal, Sefoo na Onaam.

24Kuɓuuciŋ Sibeyon ƴaar ci nikee Ayaa na Aana. Aana yeem a yi koc hot masma dohɗa balɗee ŋ kehƴi ngaŋ bilaf fa, waam raak ɗe niiɗee mbaam caŋ baab ɓa Sibeyon.

25Kuɓuuciŋ Aana nikee Disoon na taambɗoh ce ɓitiɓ Ohlibaama.

26Kuɓuuci ƴaar ciŋ Disoon nikee Hemdaan, Esbaan, Yitraan na Keraan.

27Kuɓuuci ƴaar ciŋ Eeser nikka Bilhaan, Sawaan na Akaan.

28Ɓiŋ Disaan nikka Uus na Araan.

29-30Kon, ɓii ɓeɗ nikee kilifaacaŋ cuuɓaŋ Hoor ca ŋ kur kaŋ Seyiir : Lootaan, Sobaal, Sibeyon, Aana, Disoon, Eeser na Disaan.

Buur ca nikee ŋ Edom

31Bala buur raakan ŋ Israayel ɗah, ɓii ɓeɗ nikee buur caŋ kur kaŋ Edom :

32Bela kuɓu Beyoor, a yi nikee ŋ Dinaaba.

33Wa Bela kaan, Yoobaab kuɓu Seerah, ya nikee ŋ Bosra a yi namsiɗ ɗe.

34Wa Yoobaab kaan, Husaam ya ŋ kur kaŋ Teemaan-Teemaan ca, a yi namsiɗ ɗe.

35Wa Husaam kaan, Hadad, ya nikee ŋ Awit, kuɓu Bedad, namsiɗta ɗe ; a yi laɓee Majaan-Majaan ca ŋ kur kaŋ Mowab.

36Wa Hadad kaan, Samla ya ŋ Masreeka namsiɗta ɗe.

37Wa Samla kaan, Sawul ya ŋ Rehobot-Hanahar namsiɗta ɗe.

38Wa Sawul kaan, Ba'al-Hanan kuɓkiŋ Akboor namsiɗta ɗe.

39Wa Ba'al-Hanan kuɓkiŋ Akboor kaan, Hadar ya ŋ Pawu namsiɗta ɗe. Ɓitiice teeksee Mehtabeel kuɓu Matareed yi kuɓkiŋ Mesaahab.

40-43Ɓii ɓeɗ nikee kilifaacaŋ cuuɓiŋ Edom ci puloh ŋ Esaaw, yaa nu nga ɗah, na kur kaŋ ɗa : Timna, Alwaah, Yetet, Ohlibaama, Eela, Pinoon, Kenas, Teemaan, Mibsaar, Magdiyel na Iraam.

Currently Selected:

Camba 36: YM

Highlight

Copy

Compare