Lɛnu Ƒui Ɔnu 7
7
1Uleku ɔga ubi na adi, na ƒula lɛgba lɛɛdia bɔnu
na ƒula lɛgbanvuo kemmo.
Na ƒula ebuli aadia bɔnu aani si ɔvɔne ɔdi néti sika ugyiedi
na ɔ́nwi-nya ɔ́lɛku-nwu kemmo.
2Ƒula lɛkun lise aani ntɛ ɔɔƒɛɛ ɔni na béyile ku ntɛ.
Na ƒula ɔlɔgyii úyi ɔ́lɛ munu munu
na use salalaa aani ɔmukɔ
ɔni na bényimi ku anwula ƒuala ƒuala limu lɛdi.
3Na ƒula anyii ani nnye-ɔ kayi ese aani bakwa inyɔ
bani nnye básala kesii kadi.
4Na ƒula limɔ lise aani atu ɔtunkpɛ.
Na ƒula anumi ebi eekeye aani Hesbon libiɔ ntu
na Bat-Rabin ɔma ɔban kenye.
Na ƒula enwu aadia bɔnu aani Lebanon Kɔbi
kɔni nákɔ kɔ́lɛ na Damasko ɔma unengudi.
5Ƒula lili linye ligeen katɔ katɔ aani Karmel Kɔbi.
Na ƒula lili linwini lɛɛdia bɔnu geen,
na ɔmmɔ lɛti muedi ɔkana na uƒie ɔga umodi
unwini ƒula kabla ɔblane.
6Ése álɛ ligblebi na aadia bɔnu
na aada ukyuli biala ɔkwɛ!
7Ákuku na ese salalaa aani kubo,
na ƒula kayi anyii ani nlɛ-ɔ kayi éyi álɛ munu munu.
8Ndubɔkɔ kugyii kɔmmɔ na ntébo lɛda nwuna kɔgba kɔmmɔ.
Na liƒie anyii ammɔ lɛda na lɛnu kalɛ na ese aani akutu lɛboyo.
Na ƒula ɔƒɛƒɛɛ ɔni na aanwuna taalɛku enwu kemmo
ɔnyi use ƒɛƒɛɛ aani adingyii ebi abuni ɔƒɛƒɛɛ ɔni na eedie.
9Si ukyuli ɔ́kya-a kɔgbu ni, ɔɔyu kayi
teetulo si áni ntɛ bɔni ndia ntulo ƒui.
Bi nsɔ nse mini mini na ɔdia lɛni?
10Mina Ɔyɔne, awɔ ɔdi na ndi, na mɔɔnu
kalɛ na mɔɔda-a ɔkwɛ geen.
11Ya na bɔvi ɔgbami busie kemo
na butátɛ akpaklɔ ammɔ kemmo.
12Na aya na buyile bɔlɛ ɔtanta tutuutu
butánu si adingyii ammɔ éewi anwula.
Na si uwi ɔni na búdu mmɔ ni, ndubudie mina kayi bɔyɔ
lɛtina-a na mmɔ.
13Egyii anwula ani ɔnyi ƒɛƒɛɛ mɔɔda ukyuli enwu
aani kuvo áƒɔ kayaa ƒui.
Ɔyɔne, lɛ́ɛsala adingyii ebi abuni lidu lidu
líse bula ɔtɔ kayakun líse-ɔ.
Currently Selected:
Lɛnu Ƒui Ɔnu 7: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
