Lɛnu Ƒui Ɔnu 8
8
1Si banii mina ɔnwani ɔnanabi
na adi ni,
nka ndubɔkana na lɛkya-a kɔgbu uwi biala
na ukyuli ɔdi ulasu ɔnii lɛ́ƒiɔ.
2Na ndubɔkana na lɛkpanku-ɔ lisienku mina uni
ɔni nátina-mi lɛla biala lɛni na ngyi kesii.
Na ndubute-ɔ ntɛ bɔni mbo emini geen
ku adingyii ebi ntu lɛnɔ
na ani.
3Ti ƒula kɔmii kɔnu kya-mi
lili kalɔ
na eti ƒula kɔdianu kɔnu
abala-mi kayi.
4Yerusalem begblebi,
muubó-mii ɔda
ɔkɛnku bakwa ku bete ɔ
yikun lɛlɔ,
na bise-mi kenye ka
bɛɛɛdubo busie
butágyila tɔ bɔyɔ wetédu ka
uwi údu ka ulu ɔ́lɛmi úte bɔyɔ bɔmmɔ alati.
5Ukyuli ɔmani ndi uleku ɔni nási kalɔ kakwiidi lɛlɔ
ɔdubo mɛni na ɔ́kada úkpo nwuna ɔyɔne lɛmangba lɛlɔ lɛni?
Lɛ́gyila mina bɔyɔ na kɔdingyii
kɔni kalɔ na báda-a kaƒɔ
na báwɔ-ɔ mmɔ.
6Mɔɔwia ka ami kani mina
lɛlɔ litemi
lɛkya-a kayi kemmo
uwi ndi uwi,
na akya kakwɛnimi kamɛni
kɔnu na eti eteenyimo-mi.
Bɔyɔ kogyulo bukpo kɔni mɔɔda ogya kubo ɔkplu
kutulo kukpi na kutulo kaƒiɔtɔ.
7Ɛpu muedi iye ketu kadi buyi bulakana bɔyɔ buƒie
na wanyina-mu wakya
ntu kalɔ
na ɔɔɔdi lɛla lɛni na beye lɛnɔ
si ina bi kayu na ukyuli ɔdi ɔnii waƒɔ.
8Bubo ɔnwani ulekubi ɔni anyibɛɛ nátalɛ tɔ.
Na si ukyuli ɔdi ɔnii ɔɔwia-nwu uti ni,
bi na ɔlɛka bɔbla?
9Si banii kowodu na kɔdi ni,
nka badubɔtu sika ɔƒualadi kɔgyumanakɔ
bunyene-nwu lɛlɔ.
Na si kayakun na kadi lɛnɔ ni,
nka sida kugyii kpakplaa na bɔdubɔnwi bɔbala-ka.
10Nse aani kowodu na lɛ́ka lɛ́mana ɔma unengudi.
Na mina kayi anyii adi kagumanakɔ kete-nwu.
Na mina bɔnu kplu kplu muedi búdu-nwu ɔkwɛ.
11Salomo ubo adingyii kemo kadi
na kesii kani baalɔ banii Baal-Hamon.
Na uusé-ka ɔkpa teete bekyuli taaƒɔ sika ɔƒualadi ebi apim unwi
taasiku ukyuli biala kudɔ.
12Nsu mina adingyii kemo ni, ami lɛti kadi na kadi.
O Salomo, nwuna sika ɔƒualadi apim unwi
ɔdi ƒula ɔdi.
Na bani mɔɔnu-ka lɛlɔ ni,
bana ɔdi ndi sika ɔƒualadi koƒo kunwi.
13Mina kayi, awɔ ku ƒula bakpana
nkya adingyii kemo kammɔ kemmo,
ya na lɛsɔ linu-ɔ lɛdi!
14Ɔyɔne, babla na ebo-mi
kudɔ mɛni!
Keli momoomo tulo kalɛ na akwa uukeli bo kɔbi lɛlɔ
kesii kani na kutu akyala ƒɛƒɛɛ akya mɛni.
Currently Selected:
Lɛnu Ƒui Ɔnu 8: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
