Lɛnu Ƒui Ɔnu 6
6
1Begblebi ƒui ugblebi,
su-bu kesii kani na
ƒula ɔyɔne úsie,
na bɔsia-nwu kama bute-ɔ.
2Mina ɔyɔne úsie nwuna kutu akyala ƒɛƒɛɛ kevoma kemo.
Mmɔ na úsie útéte nwuna baƒonu adila
na ɔƒɛ egyii anwula ƒɛƒɛɛ ƒuala ƒuala adi lɛnɔ.
3Anwu ɔdi na ndi na anwu lɛnɔ ɔdi mina ɔdi
uwi ɔni na ɔkya mmɔ ƒui.
4Mina kayi, Tirsa ku Yerusalem lɛma linengudi ƒui
liládia bɔnu aani awɔ.
Na kalɛ na ƒula bɔdia bɔɔda-mi kayi
utulo ayabi ani nkya katɔ ƒui bukeye.
5Na si áda ƒula anumi édie-mi lɛlɔ uwi klukwii ɔdi kani
na use-mi aani ogya lɛlɔ na básia-mi na mɔɔyɛlɛ.
Ƒula lili linwini liibó ɔƒɛƒɛɛ ku lɛlɔyɔ
aani bese pii badi náyu bási Gilead kɔbi lɛlɔ badubo ku ebiti.
6Ƒula kenye anyi ása-a kenye na eekeye
aani koƒonu kɔni na bákpila-ku ntu ɔƒɛni kani.
7Mɔɔnu kalɛ na ƒula akpu munu munu ani na ábɛla
ákya lɛduni lɛni mbi-ɔ anumi mmɔ kemmo eekeye.
8Ina beleku baga liti ku leevu iye basɔnɔ liti ku avlaatɛ
iye begblebi bani na balakana-ma bɔka
nébo benye-mi anumi muedi ni,
neeeti bana ɔdi naaakɔku-ɔ!
9Awɔ kani na ndubo bɔƒuna.
Awɔ ndi mina lɛmangbɛ lɛni na lɛla lɛdi lítebie-ɔ kesii kadi.
Ƒula uwele ɔ́ƒuna-a ɔ́wɔ geen.
Ƒula bɔdia búnwini ɔnu na begblebi ku beleku baga
ku bakladi ƒui beedie teemwi kalɛ na ese.
10Ése álɛ ligblebi ku bukeye aani kalɛ na ɔtanta kayaa kese.
Na eekeye aani kɔbuli.
Na aatu anumi aani ɔƒɛ bukeye!
Na ƒula bɔdia bɔɔda kayi
teetulo ayabi ani nkya
kayaa ƒui.
11Líse adingyii kemo kadi na ɔkwalɛ nnii
ntánu si egyii ammɔ
aata evete
iye adi adaku anwula buwi.
12Nsu kawɔlɔkɔ ni,
mina kasusu kéti-mi
kátɔlɔku késienku ɔgyu,
na ɔ́bla aani si bapɔnkɔ kɛɛkɛ
ɔni muukeye ɔdi kemmo
na nlie.
13Begblebi ƒui ugblebi, awɔ ɔni nási Sulam,
bimi lɛlɔ na atɔ atina-bu
na bɔnu!
Bi ɔsu na bɛɛyɔ́ bɛnu ami Sulam uleku bɔtɔ na bakpana akɔ?
Currently Selected:
Lɛnu Ƒui Ɔnu 6: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
