Lɛnu Ƒui Ɔnu 2
2
1Buse na mina ligblebi lise aani eveteli ku anwula gyie gyie
ani nálɛ enye sɛsɛɛ na Saron kalɔ lɛlɔ,
na nsɔ nse aani eveteli ku anwula ƒuala ƒuala
na ɔkwalɛ ɔdi kemmo.
2Ɔbuni, si banii beti-ɔ bakɔku begblebi bamba ni,
ese aani eveteli ku anwula ƒuala ƒuala
ani nédie lɛlɔ sɛsɛɛ na liyu alakpi akɔ.
3Na awɔ ni, mina Ɔyɔne, lɛni na álɛ salalaa
aani kɔdingyii na lɛku kemmo egyii akɔ
si béti-ɔ bákɔku banana bamba.
Na ƒula ɔyuli ɔni na ákya-mi ɔ́ya na lɛ́nwuna buɛɛ.
Na ƒula ebi ani na éte-mi na lɛ́di áyu-mi emini geen.
4Átɔnku-mi éduoku ƒula ɔtɔ bonwu
ɔni kemmo na aadi ƒula limeyi bɔdi adila.
Na mmɔ nédie ƒula bɔyɔ átina-mi.
5Te-mi ƒula egyiibi buni lidu lidu lɛmmɔ
na asɔku-mi abla ɔwɔdi na lɛkɛ ɔyikun ɔwɔdi,
ɔsika ƒula bɔyɔ kɔka kɔɔda-mi na lɛ́bla kpɛtɛ kpɛtɛ.
6Ti ƒula kɔmiinu kɔnu kya-mi
lili kalɔ
na eti ƒula kɔdianu kɔnu abala-mi kayi.
7Yerusalem begblebi,
muubó-mii ɔda
ɔkɛnku bakwa ku bete
ɔyikun lɛlɔ,
na bise-mi kenye ka bɛɛɛdubo busie butágyila tɔ bɔyɔ
wetédu ka uwi údu ka ulu ɔ́lɛmi úte bɔyɔ bɔmmɔ alati.
8Muunú mina ɔyɔne kɔku ka ɔ́si ɔdubo
na ɔkɛ ɔɔba agyu taavia abi ku abinkpo.
9Ɔkɛ aani akwa iye kete ɔdubo.
Na ɔƒaani ni, unye kowodu kama na ɔɔnu taavinku ƒansili.
10Na ɔɔtɛmiku-mi ɔnini,
“Ɔbuni, ta na asiaku-mi.
11Nu, ɔƒɛƒɛɛ ku ɔnantu uwi ɔ́ɔvi,
12na egyii anwula lidu áƒɔ kayawi ƒui,
na ɔdi lɛlɔyɔ uwi ute ala ƒui ku lɛnu budie.
Na beenú bamangbɛ kudu bɔbla na aku kemmo.
13Anwingyie eesé kalɔ ku bɔnwu
na egyiibi anwula ɔnyi ɔmmɔ ɔɔƒɔ́ kayaa ƒui aani ugyulo ƒɛƒɛɛ.
Ɔbuni, mɔɔyɔ́-ɔ geen! Anwuɔsu ya na bula inyɔ bɔtɔlɔ.”
14Ese ete-mi aani mina lɛmangbɛ lɛni nábɛla lɛlɔ
ɔkya atabi ubu kemmo na lɛtakpɛ bonwu lɛni nƒa kemmo.
Nwini na aya na lɛsɔ lɛnu ƒula bɔdia!
Na aya na linu ƒula lɛdi mini mini lɛmmɔ.
15Bula adingyii ebi kemo kani na búse éwi anwula,
anwuɔsu ɔlɛka buƒie beƒukutu
bani nkya muubile kemo kammɔ edula.
16Mina Ɔyɔne, awɔ ɔni mɔɔnyuɛ ƒula baƒonu
na eveteli ani nédie
anwula akɔ,
awɔ mbo-mi na ami lɛnɔ
mbo-ɔ.
17Bla lɛlɔ aani akwa ɔkɔdi ɔni nnye abi lɛlɔ ɔɔƒulu ku lɛlɔyɔ
úti útédu uwi ɔni na kadi kadubugye na ala ɔyuli ɔ́yii ɔkya.
Currently Selected:
Lɛnu Ƒui Ɔnu 2: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
