Lɛnu Ƒui Ɔnu 1
1
Ɔnu Ute Ɔyɔne
1Salomo lɛnu ƒui ɔnu ɔni na ɔ́nwi na bɔdubo bunu mɛni.
2Bo na abakya-mi kɔgbu na ada-mi amana lɛlɔ.
Ɔsika ƒula bɔyɔ bɔɔyɔ́ kayi teetulo ntɛ.
3Ebo ɔnyi ƒɛƒɛɛ ɔdi ɔni na si línu ka ɔdi ɔ́kpali-ɔ lɛnyi ni,
na ɔnyi ɔmmɔ kani na muunú.
Na unyeƒi ɔdi uuubo-nwu kemmo
ka ɔmmɔ ɔsu geen na begblebi ƒui baayɔ́-ɔ!
4Kpanku-mi da na bɔtɔlɔ pla!
Na awɔ ɔga eti-mi eduoku ƒula kɔtɔma.
Lɛlɔ lɛɛyɔ́-bu na ƒula lɛlɔ.
Na kalɛ na aayɔ́ bekyuli ubo emini utulo ntɛ mini mini.
Ɔdia geen ka bemwi-ɔ.
5Yerusalem beleku, ɔlɔgyii otondi na ɔdi-mi,
nsu mɔɔdia bɔnu geen.
Na nse aani kevo kani na bátu
bényene Kedar ketele kalɔ kakwiidi kemmo
iye Salomo kayakun aduni abuni ammɔ adi.
6Bitanu-mi ɔnusɛ bɛnii
lɛ́sɔ ka ɔƒɛ ɔ́ya na
mina ɔlɔgyii ɔdi otondi ɔsu.
Mina benibi bananabi béti kɔnyi bákya-mi
na báya na mɔɔbla kabla na adingyii kemo
na lídie mina ɔlɔna atu na nsɔ lɛɛɛdaku-nwu lɛda.
7Ɔyɔne, su-mi kesii kani na adubuti ƒula bebuo esienku
na batádi ku kesii kani na badubɔtɛ banwuna ɔƒiiwi.
8Beleku babuni ƒui ɔbuni,
bɔsu na ada anii aaagyi kesii kammɔ?
Amu ni, Ɔyɔne, siaku baƒonu bammɔ agyobi kanyakɔ
na etiku ƒula bese na batádi na baƒonu badane nvo anumi.
9Aanya kalɔ ligblebi kemmo aani ɔpɔnkɔ
ɔni mɔɔní Ɔga Ƒarao kɛɛkɛ.
10Asɛɛ ebi ani nkya-a atu ku kɔsɛɛ kɔni na akya ɔkwɛ
áya na ƒula litugya liikeye na aadia bɔnu geen.
11Nsu bɔdubɔvɔ sika ugyiedi asɛɛ ebi ani na akya atu bute-ɔ
na bɔkya-nwu bɔdia ku sika ɔƒualadi.
12Mina ɔga, uwi ɔni na elie kadikɔ na ƒula liboku kemmo ni,
mina ugyulo ƒɛƒɛɛ ɔmmɔ ɔnyi ɔ́ƒɔ ntɛ mmɔ ƒui.
13Mina ɔyɔne use ute-mi aani ugyulo ɔni baalɔ nard ɔsii
na ɔtɛ-mi anyii lɛlɔ.
14Na úlieku egyii anwula abuni ani muudie ɔnyi ƒɛƒɛɛ
taasiku egyiibi kemo na kesii kani baalɔ En-Gedi.
15Ɔbuni, ése álɛ ligblebi na aadia bɔnu geen.
Na ƒula anumi eekeyi aani lɛmangbɛ.
16Ɔyɔne, lɛni na álɛ lɛkloƒu geen ɔni na balásu.
Livo lɛwɔdi lɛni mɔɔlɛ́ wɔwɔɔwɔ,
mmɔ ndubɔbla bula katɛnkɔ si búti lɛlɔ.
17Kesii kani na bɔkya ni, egyii enengudi
ani nnye mmɔ ákya ɔyuli.
Currently Selected:
Lɛnu Ƒui Ɔnu 1: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
