Lɛnu Ƒui Ɔnu 3
3
1Uwi ɔni na bɔtɛ usien ni, lísienku kɔnu
nnii muutúku mina ɔyɔne
ɔni na mɔɔyɔ́ ku mina kayi ku kɔyu ƒui.
Nsu ɔɔɔtɛ, anwuɔsu líbo kɔnu lɛ́nɔ na ńtanu-nwu.
2Anwuɔsu lɛ́ta ńtávi ɔma kemmo
lɛ́wia-nwu na lɛblɔnu ƒui lɛlɔ, nsu ńtanu-nwu.
3Líye bagyumane bani nkɛ mɔɔkɔ́ taayu
na ɔma ɔmmɔ kemmo muedi nnini,
“Bɛ́nu ukyuli ɔni na mɔɔyɔ́
ku mina kayi ku kɔyu ƒui mmɔ?”
4Nsu mina mmɔ bɔgyu
ku tagyu kani
na lɛ́nu-nwu na lɛ́tu lɛ́da-nwu,
na ńtanyonu-nwu úti útédu uwi ɔni na lɛ́kpanku-nwu
lísienku mina uni kaduli,
na búduo ɔtɔ ɔni kemmo na báwɔ-mi.
5Yerusalem begblebi,
muubó-mii ɔda
ɔkɛnku bakwa ku bete ɔyikun lɛlɔ,
na bise-mi kenye ka bɛɛɛdubo busie butágyila tɔ bɔyɔ
wetédu ka uwi údu ka ulu ɔ́lɛmi úte bɔyɔ bɔmmɔ alati.
6Ukyuli ɔmani na bɔɔnu ka ɔ́si kalɔ kakwiidi lɛlɔ
ɔdubo mɛni aani liƒlukutu uyɔ ɔdi udu?
Uyɔ ɔmmɔ ɔdanku nard ugyulo ku oloƒui
ku kutu akyala ƒɛƒɛɛ ɔnyi.
7Bɛnu! Salomo na ɔdi na badanku badububoku
na uli nwuna lɛgaboku lɛlɔ,
na Israelƒuɔ bekpone benengudi ƒui liti ku leevu
báka bámana-nwu.
8Kewii kama ɔdi biala ligu.
Na badi bekyuli bani na kekpo káma-ma enu
ɔni na usien muedi benye kagyumana bete lɛla biala.
9Lebanon egyii na béti bánwi lɛga boku lɛmmɔ.
10Liboku lɛmmɔ lɛgba lɛdi sika ɔƒualadi
na nina kama kekpokɔ kadi sika ugyiedi.
Na liboku lɛmmɔ alati egu keliekɔ geen ni,
kɔdi kugyiedi kɔni náƒɔ kuye geen
na béti bébi keliekɔ kammɔ.
Na kalɛ na ayu eduo liboku lɛmmɔ kemmo alati na elie kalɔ ni,
Yerusalemƒuɔ beleku bése béwi lɛlɔ buɛɛ geen bákya-ni bɔdia.
11Bɛlɛ bibo amii Sion belekubi
na bibanu kagabwa kani na Salomo uni úte-nwu
na nwuna uleku buti limeyi bɔdi lɛlɔ.
Currently Selected:
Lɛnu Ƒui Ɔnu 3: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
