Kɔgya 149
149
1Bɛya na bumwi Unwoti.
Bidie ɔnu ɔwɔdi bite-nwu.
Na bimwi-nwu na bekyuli kedee ƒui akɔ.
2Israel, lɛlɔ lɛyɔ-mii, amii bani na Unwoti Katɔti údie.
Na amii Sion bebi ku bawɔ ni, lɛlɔ lɛyɔ-mii na bina ɔga lɛlɔ.
3Bɛtɔ katɔ na biti bimwi-nwu lɛnyi.
Na biti enukpɛ agyala ku lɛbentaa bidie lɛnu bimwi-nwu.
4Ɔsika lɛlɔ lɛɛyɔ́ Unwoti Katɔti na nwuna bekyuli lɛlɔ.
Na ɔdubɔya na bani nse buɛɛ ƒui balɛ lili,
ɔsika ɔdubɔƒɔ-ma.
5Bɛya na bekyuli kedee ƒui bakɛ lɛlɔyɔ
na bekeye na bana kɔtɛnkɔ.
Na bedie lɛnu momoomo!
6Bɛya na buteenu bana bumwi lɛnu kɔku na bana inye kemmo.
Na beti kuwii kɔni bádɔ-ku lɛvi inyɔ bada.
7Na beti bedie baƒiɔkpane kasi
na bani bekyuli kɔtu.
8Na bana baga ku batɔnkune ni,
bebo-ma kɔgba.
9Na batɛku-ma litemi na badu-ma kɔtɔ
aani kalɛ na bénweni bése.
Kenyekɔ ku ɔbu ɔmmɔ udu na béti béte bekyuli kedee bamɛni.
Bɛya na bumwi Unwoti.
Currently Selected:
Kɔgya 149: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
