Kɔgya 148
148
1Bɛya na bumwi Unwoti.
Bimwi Unwoti Katɔti na bibo-nwu kudu
bɛsiku katɔ ku kayaa kakaaka ƒui!
2Amii Katɔti batu ku amii nwuna kabla bablane
lisu ƒui, bimwi-nwu!
3Ɔƒɛ ku kɔbuli ku ayabi
ku ala ani ƒui muukeye na kayaa ƒui, bimwi-nwu.
4Amii kayaa ala ku ntu bɔni nƒa katɔ kakaaka ƒui,
bimwi Unwoti Katɔti.
5Bimwi-nwu, ɔsika Unwoti Katɔti údie lɛdi
na údie lɛla biala ku nwuna kenye litemi.
6Ɔ́ya na ala ammɔ enye ana kunyekɔ
úti úsela uwi ƒui.
Na lɛla lɛdi lilakana ala ani na ɔ́bla úse mɛni
bɔvumana uwi ɔdi kudii.
7Amii ala ani ƒui na údie ɔ́kya kalɔ lɛlɔ ƒui,
bimwi-nwu lɛnyi!
Na amii bani ƒui nkya ɛpu kemmo lɛnɔ
bimwi-nwu lɛnyi!
8Ogya ku etubankɛ ku ulɔyɔ ku ɔƒɛƒɛɛ kpakplaa ɔni muukpó
na biinú-nwu lɛdi ƒui bimwi-nwu.
9Abi ku abinkpo
ku adingyii ku egyii enengudi ƒui
10ku beƒiebuo ku bebuo bamba ƒui na aku kemmo
bani mɔɔkpɛ́ kaƒɔ lɛlɔ ku kayaa baasɛ
bani muunú-nwu litemi ƒui, bimwi-nwu.
11Kalɔ lɛlɔ baga ku bekyuli ƒui
ku lɛlɔ badine ku kalɔ lɛlɔ litemi batɛne
12ku bakloƒu ku begblebi, banana ku beleku ku banamu ƒui,
bimwi Unwoti Katɔti lɛnyi.
13Bina ƒui bɛya na bemwi Blɔti,
ɔsika anwu lɛti kani nse kede kede ƒui.
Na nwuna bukeye bɔ́ƒɔ kayawi ƒui,
na bɔ́kɔ búbo bɔ́vi kalɔ ƒui.
14Ɔ́ya na nwuna kadi bekyuli Israelƒuɔ
bani mma-nwu lɛlɔ bálɛ lili,
ɔsika ɔɔgyumana-ma kpakplaa
aani akɔ ɔni mbo ɔyikun ku ese kangyaa.
Bɛya na bumwi Unwoti.
Currently Selected:
Kɔgya 148: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
