Kɔgya 140
140
1O Unwoti, die-mi
na bekyuli bekpidi enu kemmo.
Na agyumana-mi na lɛlɛ kalala bablane enu kemmo.
2Likpidi bɔbla kakali kani na bekyuli bammɔ beeti.
Na baakya kekpo uwi ndi uwi.
3Bágyu bana inye beti yayaaya aani balakpi.
Na bana inye bɔɔdú bekyuli aani kɔlakpi bɔdu kalɛ.
4O Unwoti, da-mi die bekyuli bekpidi bamɛni enu kemmo.
Na agyumana-mi na lɛlɛ balalane
bani mɔɔwia ka bekpeli-mi lɛgba na bayila-mi udu mɛni kudɔ.
5Ɔsika bekyuli bekpidi bákywɛ-mi kɔkpagyuɛ bése.
Na béwi bana lɛsawu lɛnɔ bése-mi kɔvinkɔ.
6O Unwoti, mɔɔkpali-ɔ, awɔ ndi mina Katɔti.
Nu-mi bɔkpali.
7O Unwoti Ɔyikune Ƒui, awɔ ndi mina ɔƒɔne
ɔni mɔɔgyumana-mi kpakplaa.
Na awɔ nékpo éte-mi na kekpokɔ.
8O Unwoti, taya na kakali
kani na mina bekisine bábla mina lɛlɔ
ubo-nwu kemmo.
Amu badubɔkɛ-mi lɛlɔ ɔyikun
na benye beteekpoku-mi uwi ƒui.
9Taya na bani náka-mi bákya
na baawia-mi likpidi badi-mi lɛlɔ.
Ya na ɔgbankpi ɔni baawia ka ubo-mi lɛlɔ
unwini usie-ma kudɔ.
10Na aya na agyabi ani náƒɔ ogya ewi-ma lɛlɔ.
Na ebo-ma atákya lɛgyavonku kemmo
na ubu voo kemmo kalɛ na basɔ balálɛ kudii!
11Taya na ukyuli ɔni muubile bekyuli anyi
ɔkɛ bɔnwuna bɔdi na kalɔ kamɛni lɛlɔ.
Ya na lɛbibo lɛsiaku bekyuli bani muuti kalala kasusu.
12Unwoti, ngyi nwaa ka eekpó
teete bawabane na ɔgbankpi kemmo.
Na aanu bani mɔɔyaki ala lɛlɔ.
13Sɔsɔ geen ni, bekyuli bani nse siin badubo-ɔ enu bɔgya,
ɔsika badubo bulie na ƒula anumi uwi biala.
Currently Selected:
Kɔgya 140: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
