Kɔgya 137
137
1Uwi ɔni na búlie Babilon etukpa atu
na búnyimo Sion ni,
mmɔ na búlie búwulo keku.
2Na egyii ammɔ akɔ
na búti bula lɛbentaa bɔ́ƒala.
3Mmɔ na bekyuli bani néƒie-bu bátɔlɔku
básu-bu ka budie bula lɛnu lɛdi bute-ma.
Bula kalala bablane baasu-bu banii
“Bidie lɛlɔyɔ lɛnu lɛni bɛɛyɔ́ bɔtu na Sion mmɔ
biti bɛkya-bu ebiti!”
4Mmɔ na bɔ́su-ma ka bulakana bula Unwoti ɔnu ɔdi budie
na kesii kani naaadi bula kalɔ mɛni.
5O Yerusalem si lɛyiƒala-a ni,
mina kɔdianu kɔnu kɔsɔ kutata-mi
na kabla kɔkwɛ kɔni na kɔgyi lɛlɔ.
6Na si lɛ́yiƒala-a iye ńteti awɔ Yerusalem
ńtenwini mina lɛla lideedi lɛni mɔɔyá mɔɔkɛ́ lɛlɔyɔ ni,
unyemi ɔsɔ utata-mi na mina kenye kemmo.
7O Unwoti, nyimo lɛla lɛni na Edomƒuɔ bábla
na limeyi lɛni na Yerusalem ɔ́yu kalɔ.
Báva básu banini, “Bigyingya ɔma ɔmmɔ!
Bɛƒɛ lɛtɔ lɛmmɔ ku ana atabi ani bakya kalɔ ƒui kede kede!”
8Awɔ Babilon, ámanku ka bayila-a udu.
Lɛlɔ lɛdubɔyɔ ukyuli ɔni medie-ɔ kasi
aani kalɛ na éti ábla-bu.
9Na lɛlɔ lɛdubɔyɔ ukyuli ɔni mada ƒula bebi lɛgba
na waƒiɛmi-ma atabi lɛlɔ ni.
Currently Selected:
Kɔgya 137: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
