Kɔgya 138
138
1O mina Unwoti, ndubɔgya-a enu
na limwi-ɔ ku mina kayi ƒui
na lɛlɔ badine ku bayikune bamba bani náka bámana-a anumi.
2Ndububoku lɛlɔ kalɔ
na liti mina anumi lɛtina ƒula kakpakɔ kedee
na limwi-ɔ lɛnyi,
ɔsika aayɔ́-bu uwi ndi uwi
na asia ƒula litemi kama.
Na édie átina ka ƒula lɛnyi ku ƒula ɔda bubo
bɔ́kɔ katɔ ƒui butulo lɛla ndi lɛla.
3Limeyi lɛni na líwulo lɛkpali-ɔ ni, énu-mi bɔkpali
na ákya-mi kayi na áya na mina kɔyu kɔ́kɛ ɔyikun.
4Kalɔ lɛlɔ baga ƒui badubumwi-ɔ lɛnyi, O Unwoti,
ɔsika bénu ƒula kenye etemila.
5Na badubudie lɛnu bete-ɔ na ala ani na ábla ɔsu.
Ɔsika eekeye geen.
6Unwoti, ina ka eli katɔ katɔ mmɔ muedi ni,
aanu bani muuboku lɛlɔ kalɔ kɔnyana.
Na bani mɔɔkɔliku lɛlɔ katɔ ni,
bana ablala lɛnɔ átabɛ-ɔ.
7Ina ka ala ani muukpóku-mi áka ámana-mi ni,
amu ada mina ngba.
Na adubudie ƒula kɔnu atina mina bekisine ƒui.
Na ƒula kɔdianu kɔnu kɔdubɔƒɔ-mi ngba.
8Na ngyi ka kasusu kani na Unwoti ubo ute-mi
kadubo-nwu kemmo lɛni.
Ɔsika aayɔ́-bu uwi ndi uwi.
Na buuvele ka awɔlɔ ƒula kabla
kani kalɔ na ése na bula akɔ.
Currently Selected:
Kɔgya 138: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
