Kɔgya 136
136
1Bɛgya Unwoti enu, ɔsika ɔdia.
Ɔsika ɔɔyɔ́-bu uwi ndi uwi.
2Bɛgya benwoti ƒui Unwoti enu.
Ɔsika ɔɔyɔ́-bu uwi ndi uwi.
3Bɛgya Unwoti ɔni ntulo ƒui enu.
Ɔsika ɔɔyɔ́-bu uwi ndi uwi.
4Bɛgya anwu ɔni mɔɔbla akɔla ala budie taatina enu.
Ɔsika ɔɔyɔ́-bu uwi ndi uwi.
5Bɛgya anwu ɔni nkɛnku nwuna lɛnunda bonwu kemmo na údie katɔ ku kana ala ƒui enu.
Ɔsika ɔɔyɔ́-bu uwi ndi uwi.
6Bɛgya anwu ɔni násala ntu bɔni náƒɔ kalɔ lɛlɔ ƒui na kénwini kalɔ kakwiidi enu.
Ɔsika ɔɔyɔ́-bu uwi ndi uwi.
7Bɛgya anwu ɔni nédie ala ani muukeye ƒui ɔ́kya katɔ enu.
Ɔsika ɔɔyɔ́-bu uwi ndi uwi.
8Bɛgya anwu ɔni náya na ɔƒɛ ɔɔdi limeyi lɛlɔ enu.
Ɔsika ɔɔyɔ́-bu uwi ndi uwi.
9Bɛgya anwu ɔni náya na kɔbuli ku ayabi aadi usien lɛlɔ enu.
Ɔsika ɔɔyɔ́-bu uwi ndi uwi.
10Bɛgya anwu ɔni náya na bebi bedeedi bani na Egyipteƒuɔ báwɔ ku bana bebuo bebi bedeedi ƒui békpi enu.
Ɔsika ɔɔyɔ́-bu uwi ndi uwi.
11Ɔ́ya na Israel kadi bekyuli ƒui bávi bálɛ Egyipte kalɔ kammɔ kemmo.
Ɔsika ɔɔyɔ́-bu uwi ndi uwi.
12Údie nwuna kɔnu na ɔ́bla ɔyikun ala úte-bu.
Ɔsika ɔɔyɔ́-bu uwi ndi uwi.
13Bɛgya anwu ɔni náya na Ɛpugyie ntu bɔ́bwɛ ntɛ enu.
Ɔsika ɔɔyɔ́-bu uwi ndi uwi.
14Ɔ́ya na Israel kadi bekyuli básia ntu bɔmmɔ ntɛ.
Ɔsika ɔɔyɔ́-bu uwi ndi uwi.
15Nsu ɔ́nyina Ƒarao ku nwuna badi ƒui ama ɔ́kya ntu bɔmmɔ kemmo.
Ɔsika ɔɔyɔ́-bu uwi ndi uwi.
16Bɛgya anwu ɔni nátɔnku nwuna kadi bekyuli ɔ́siaku kalɔ kakwiidi kemmo enu.
Ɔsika ɔɔyɔ́-bu uwi ndi uwi.
17Bɛgya anwu ɔni náya na búkpo bɔ́di baga bayikune lɛlɔ enu.
Ɔsika ɔɔyɔ́-bu uwi ndi uwi.
18Ɔ́ya na baga bani náƒɔ lɛnyi békpi.
Ɔsika ɔɔyɔ́-bu uwi ndi uwi.
19Baga bammɔ akɔ ɔdi ndi Sihon ɔni ndi Amoriƒuɔ ɔga.
Ɔsika ɔɔyɔ́-bu uwi ndi uwi.
20Ɔbambadi lɛnɔ ndi Basan ɔga ɔni ndi Og.
Ɔsika ɔɔyɔ́-bu uwi ndi uwi.
21Na bana kɔlɔ ni, ɔ́ya na kúnwini bula kese.
Ɔsika ɔɔyɔ́-bu uwi ndi uwi.
22Ɔdi kese ute Israel, nwuna kabla ɔblane.
Ɔsika ɔɔyɔ́-bu uwi ndi uwi.
23Únyimo-bu uwi ɔni bɔkya lɛbibo kemmo.
Ɔsika ɔɔyɔ́-bu uwi ndi uwi.
24Na údie-bu ɔ́lɛku bula bekisine enu kemmo.
Ɔsika ɔɔyɔ́-bu uwi ndi uwi.
25Na uute nwuna ala ediedi ƒui adila na baadi.
Ɔsika ɔɔyɔ́-bu uwi ndi uwi.
26Bɛgya Katɔti ɔni nkya katɔ enu.
Ɔsika ɔɔyɔ́-bu uwi ndi uwi.
Currently Selected:
Kɔgya 136: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
