Agba 6
6
Tɛya Lɛla Lɛdi Limeyi Ndi Limeyi
1Mina ubi, si ákya ɔku ɔdi kɔnu éte ƒula ɔkpana
iye enye-nwu kama na nwuna kayu kadi ɔsu,
nsu aaagyi-nwu kaduɛ,
2iye si ényimi lɛlɔ ku linyese lɛdi na ánu áti ka
ábala lɛlɔ na lɛla lɛni na ásu ɔsu ni,
3babla na awia ulu na edie lɛlɔ!
Use aani ka éti lɛlɔ ése ɔkpa éte-nwu.
Anwuɔsu sie-nwu kudɔ na etéboku lɛlɔ kalɔ
na evele ƒula ɔkpana ɔmmɔ kpakplaa!
4Tatɛ litemi lɛmmɔ lɛlɔ talɛɛ
na lɛlɛɛ biala litasia-a anumi.
5Keli ɔgbankpi aani kalɛ na akwa uukeli ɔgbini
iye aasɛ uukeli kakpagyuɛ kani na bákywɛ-nwu.
6Amii bakɔsɔne bɛnu balalɛ na bɛtɛya lɛla.
Bɛnu bana ablala na bɛda anu!
7Beeebo ukyuli ɔni muudie lɛdi taasu-ma
lɛla lɛni babla,
na beeebo ukyuli ɔni mɔɔví taanu-ma lɛlɔ
iye lɛlɔ ɔdine ɔdi.
8Nsu baaklibi edula buse kaƒɛndi uwi,
na baasála-nya na edula ɔƒɛwi.
9Na amii bakɔsɔne ni, uwi ɛlɛ sɔɔn
na bɛdubɔtɛ butaalɛɛ butédu?
Na uwi ɔmani na bɛdubɔta bina kalɛɛkɔ?
10Si ánu ka átɛ ávili, iye eli aalɛɛ teesie taasɔ,
iye eti enu ényimi kayi eli aanwuna ukpludi ni,
11kɔwaba kɔdubo-ɔ buyu bɔtu aani uyune kalɛ.
Na ayaki adubo-ɔ bukpoku aani kekpo ukpone kalɛ.
12Ukyuli ukpidi ku ɔlalane ni,
bɔkɛ kani na ɔɔkɛ taavi uwi ƒui ku ɔkɔ etemila.
13Anumi na baamana bekyuli.
Na lɛgba na baata ala taasia kalɔ
teeti taatina bekyuli ala.
Na animi na beedie kayaa teeti taatɛmi.
14Bana kayi kemmo kasusu kekpidi kaayá
na likpidi kɔkwɛ kani na baakya.
Na baakya lɛsɛ uwi ndi uwi.
15Nsu ɔgbankpi ɔdubɔsiaku-ma kɔnakunwi.
Na badubɔyii udu ɔni na baaagyi beeese,
na kakwɛ kadi keeebo.
16Alakpa aku adi akya na Unwoti ukisi geen.
Na maatɛ adi eesé-nwu lɛlɔ,
17ɔnusɛ ukpidi ukyuli bɔnu,
ku unyemi ɔni mɔɔnyi ɔkɔ,
ku enu ani mɔɔta pla pla taadu bekyuli
bani nátabla lɛla lɛdi,
18ku kayi kani muulie taakya likpidi kakwɛ,
ku lɛgba lɛni mɔɔta pla pla na likpidi lɛlɔ,
19ɔkɔ kenye litemi bediene
bani mɔɔnyi ɔkɔ taaka ala.
Ukyuli ɔni mɔɔkya bekyuli ntɛ taabla ala
ani na ubile banwani ntɛ.
Bɔlɛ Na Lɛsɔnɔdi Lɛlɔ
20Mina ubi, da ami ƒ'ɔti ɔda bubo kaduɛ,
na teni ala ani na ƒ'ini ɔɔtina-a.
21Bo-nya da ƒula kayi lɛlɔ uwi ƒui.
Na ebo-nya ada ƒula limɔ.
22Na ala ammɔ adubɔtina-a ulu kesi kesii na akɛ.
Si atɛ alɛɛ ni, adubɔgyumana-a.
Na si áta katɛnkɔ ni, adubɔtɛmiku-ɔ.
23Ɔsika ɔda bubo bɔmɛni bɔdi asogya,
na ala bɔtina bɔmɛni bɔdi-ɔ bukeye.
Na kalɛ na etemila amɛni aaklibi-ɔ
na ati lɛlɔ bɔda ni,
adi ulu ɔni lɛlɔ na adubɔsia na akɛ ngba.
24Ɔdubɔda-a udie uleku ɔyalɛ enu kemmo
ku uleku ɔsɔnɔdine kenyemini etemila kudɔ.
25Ƒula kayi ketenwini katasia nwuna bɔdia lɛlɔ
na ɔda-a limɔ.
Taya na uti nwuna anumi ani na uusé ɔtɔlɔ-ɔ
na uƒu-ɔ kasusu.
26Ɔsika ɔyalɛ ɔdubɔyila-a udu
butédu ƒula limeyi bodobodo muedi.
Na ngba bumodi bɔmmɔ geen
na uleku ɔsɔnɔdine ɔɔtú-ɔ uƒie aani eƒiebuo.
27Si ukyuli édie ogya ku agyabi ásia lɛlɔ ni,
webulo-ɔ bɔkyula ku ƒula adala?
28Na si ésie ávi ogya ku agyabi lɛlɔ ni,
lɛgba lɛdubo bubulo-ɔ bɔnani?
29Lɛni geen na use ute ukyuli
ɔni matɛ nwuna ɔkpana ulekudi kudɔ.
Na ukyuli ɔni makya ɔkpana uleku kɔgbu ni,
badubɔni-nwu kɔtu.
30Bekyuli beleni uyune si úyu
ɔsika kɔka mɔɔdú-nwu ɔsu na úyu ɔnii ɔɔdi umo.
31Nsu si béƒie-nwu ni, ɔdubɔƒɔ eyula ammɔ
kayu akpa maatɛ
ina nwuna ɔtɔ kemmo ala ƒui
na ɔdi ka uti uye asa waƒɔ kayu kammɔ.
32Na ɔnana ɔni nádi kɔsɔnɔ ni, ɔdɔlɔdi geen na ɔdi,
ɔsika ɔɔyila nwuna lɛlɔ udu ƒui.
33Anwu ku alɛlɛbi ku kɔƒa.
Na kɔƒa kɔmmɔ kulása-nwu lɛlɔ kudii.
34Ɔsika uleku ɔmmɔ ɔgyani kogyulo
kɔdubɔya na kɔnyi kutaakɔ-nwu.
Anwuɔsu ɔɔɔdubo kɔnyana bɔnu si uudie-nwu kasi.
35Na kɔnu bɔsia ku etela biala aaadubo-nwu kaƒɔ bɔyɔ
si ina dɛ na etela ammɔ emomo.
Currently Selected:
Agba 6: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
