Agba 5
5
Bɔlɛ Na Lɛsɔnɔdi Lɛlɔ
1Ubi, nu mina lɛnunda etemila kaduɛ.
Na enu-mi lɛlati etemila ani mɔɔsu-ɔ.
2Mmɔ na adubɔtɛya kalɛ na baabla ala ulu lɛlɔ,
na ƒula enyekuli aklibi lɛlati ala ese lɛlɔ.
3Uleku ɔsɔnɔ ɔdine ni,
nwuna enyekuli aatɛmi ala mini mini aani uwɔ.
Na etemila ani mɔɔlɛ́-nwu kenye
aayu kayi buɛɛ aani nnɔmii.
4Nsu lɛla lɛni mɔɔsia kama teebo lɛɛyu ɔdu kati kati
na use yayaaya aani kewii kani bádɔ-ka lɛvi inyɔ.
5Kekpine ulu na nwuna lɛgba lɛtɔ lísela.
Na kaƒiɔtɔ kemmo kani na ɔdubo buduo.
6Ɔsika ɔɔɔda ngba lɛda munu munu.
Lilu gonti lɛlɔ kani na ɔkɛ úsela na anwu ɔlati ɔɔɔgyi.
7Ɔƒaani ni, mina bebi, bise atu na binu.
Na lɛla lɛni na ndubo-mii bɔsu mɛni ni,
ɔdi utedeyi utesie kesii bamba.
8Sia ulu ɔni nse sɛsɛɛ
na ɔ́gyunku uleku ɔmɛni udu kakyakɔ.
Na tani tede nwuna ɔtɔ kayakun,
9si ɔɔɔdi lɛni ni, adubɔda ƒula ɔyikun ala abuni ƒui
ewi bekyuli bamba.
Na ɔlalane ɔdi enu kemmo na ƒula ngba bɔdubɔwɔlɔ.
10Na baƒɔ ndubo ƒula lɛkɛ bɔƒɔ bunwini bana lɛdi.
Na ƒula lɛbibo ƒui ebi enwini bekyuli bamba kaduli lɛkɛ kese.
11Na ɔmɛni ƒui kama ni,
ɔlɛ kemmo na adubo bɔtɛ buteedumo
uwi ɔni na éesusu ƒula ɔlɔna
ku ɔlɔgyii ɔmmɔ ébile áwɔlɔ.
12Mmɔ na awɔ ɔlati adubɔsu lɛlɔ anini,
“Ńtenu bɔlɛ!
Na líni na mina kayi kemmo ka lɛƒɔ bɔklibi
bɔni na baaklibi-mi.
13Ńtadi mina ala batinane litemi lɛlɔ.
Na ńtaƒɔ bekyuli bani mɔɔtina-mi ulu buni bɔlɛ.
14Líibo ḿbedu ubu kɔtu
kesii kani na mina ngba bɔyii udu ƒui,
na kadi bekyuli ƒui anumi.”
15Du ntu na awɔ ɔlati ƒula libiɔ kemmo ni,
ntu buni bɔni mɔɔgbá taasi ƒula libiɔ kemmo.
16Bɔda na aada ƒula libiɔ ntu buni ese
na buyi bɔgba butéwi lilu lɛlɔ?
Na aya na ƒula ntukpa buni ntu bamamba bɔgba
butéwi ɔma kemmo kadi ƒui kasakɔ?
17Ya na ala amɛni ƒui ese ete awɔ lɛti kani.
Na tele-nya tete baƒɔ.
18Ya na ƒ'ulekudi unwini libiɔ lɛni ndanku kusɛ kusɛ.
Na lɛlɔ lɛyɔ-ɔ na uleku ɔni ndi-ɔ lɛkloƒu uwi uleku
ɔni na éti mmɔ lɛlɔ.
19Use aani akwa ubi ɔkɔdi ɔni mɔɔdia bɔnu ku lɛlɔyɔ.
Ya na nwuna anyii ani nlɛ-nwu kayi emo-ɔ uwi ndi uwi.
Na nwuna bɔyɔ butaada-a kayi uwi ƒui.
20Mina ubi, bi ɔsu na ɔyalɛ mmomu ala
na ɔlɛka ada-a kayi,
na ataaƒuƒuɛ ukyuli bamba uleku anyii?
21Ɔsika Unwoti ɔɔnu ukyuli biala lɛla lɛni na ɔɔbla,
na ɔɔkɔ́ku nwuna kasiakɔ biala taanu.
22Ukyuli ukpidi ni, nwuna ekpidi lɛlɔ
na baasia teeƒie-nwu.
Na nwuna ablala muunwíni kɔbuli kɔni muudie-nwu.
23Na nwuna lɛlɔ lɛlɔ takana bɔdi ɔsu na ɔdubo bukpi.
Na nwuna kɔdɔlɔ pii ɔsu na ɔdubo bɔyii.
Currently Selected:
Agba 5: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
