Agba 21
21
1Ɔga ɔni mɔɔdi lɛlɔ kayi kese aani ketu kani mɔɔgbá.
Na Unwoti mɔɔtɔnku-ka na kaagbá taavi kesii kani na ɔɔyɔ́.
2Ukyuli ɔɔnu ka ulu ɔni lɛlɔ na ɔkɛ ɔdia geen,
nsu Unwoti mɔɔnu-nwu kayi kemmo taati kalɛ na kese.
3Lɛlɔ lɛɛyɔ́ Unwoti si bɔɔbla ala ani mɔɔyɔ́-nwu kaƒɔ
teetulo si búti akpala búboku-nwu.
4Anumi ani mɔɔnu ɔnusɛ ku kayi kani mɔɔtalaku lɛlɔ katɔ
ku likyulikpi ala bɔbla ƒui adi likpidi.
5Kabla lɛlɔ bɔbu bɔnu na
enye-ka lɛlɔ kpakplaa uute kɔsia.
Nsu ulu klukui lɛlɔ bɔsia
anii aakɛ́ lɛkɛ ɔɔyá na kɔwaba kuuƒie ukyuli.
6Lɛkɛ lɛni na ukyuli ɔ́sia ɔkɔ ulu lɛlɔ ɔ́kɛ ni,
lɛɛyii taakya aani ulɔyɔ
na lɛdi kakpagyuɛ kekpidi kani muudie ukyuli.
7Ka belikplune balayɔ ka babla ala ulu lɛlɔ ɔsu ni,
bana likyulikpi ala
adubo-ma buyu bɔtu na ayila-ma udu.
8Bekyuli bani na bana kayi
kaadú-ma kɔtɔ na bana ablala ɔsu ni,
lilu lɛni neeese siin lɛlɔ na baaví.
Na bani na lɛla lɛdi lɛɛɛda-ma ni,
baasia lilu siin lɛlɔ.
9Si awɔ lɛti elie ƒula lɛyu lɛdi kemmo kpoo ni, ɔdia-a
utulo ka awɔ ku uleku ɔni mɔɔyɔ́ ɔgyani kenye ɔdi
bɛkya lɛgbanya lɛdi kemmo.
10Balalane ebiti ndi ka babla bana bakpana kalala.
Na bekyuli beeebo bɔnwuna bɔdi na bana enu kemmo.
11Si uwi ɔni na baaní bekyuli bani muuti lɛla biala
taabla lɛmala kɔtu ni,
uwi ɔmmɔ na bekyuli bani na bana kasusu kásɔ
baatɛya lɛla.
Nsu banundane ni, si bálɛ-ma lɛla lɛdi lɛlɔ ni,
baatí lɛlɔ bɔda.
12Bekyuli bani nse siin
baatí ala ani
mɔɔlɛ́ku bekyuli bekpidi na bana kɔduli.
Na belikplune bammɔ badubɔsiaku ɔgbankpi.
13Bekyuli bani muutile atu
si bawabane beewulo kɔnyana ni,
ama lɛnɔ belénu belete-ma si baayaki lɛla lɛdi.
14Etela ani baabɛla teete ukyuli
aayá na kɔnyi kɔɔyɔ́ ukyuli.
Na etela ammɔ udu
aayala kayi.
15Ala bɔbla ulu lɛlɔ bɔɔyɔ́ bekyuli bani mɔɔyia Unwoti kaƒɔ.
Na ɔɔyá na liƒu lɛɛda alaekpidi bablane.
16Ukyuli ɔni naaasiaku kasusu kabuni
kani na baakya-nwu lɛlɔ ni,
anwu ku bekpine ndubo kɔkpana bɔdi.
17Bekyuli bani na ebiti keeke kama bɔsiaku
bɔdia-ma ni,
bawabane na beenwíni.
Ntɛ ku adikpi lɛlɔyɔ alaya na ukyuli ɔɔkɛ́ lɛkɛ.
18Uwi ɔdi ɔkya na baaní balalane kɔtu
kalɛ na bekyuli bani mɔɔyia Unwoti banwuna.
Lɛni kani baabla belikplune na bekyuli bani nse siin ɔsu.
19Ɔdia si awɔ lɛti akya ketele ntɛ
utulo awɔ ku uleku ɔni mɔɔyɔ́ ɔgyani kenye.
20Banundane bebo lɛkɛ ku ala ani mɔɔdia bɔnu.
Nsu badɔlɔdi baadi lɛla ndi lɛla teedie ku udu.
21Ukyuli ɔni anumi muugyie na Unwoti lɛƒɔyɔ bɔbla lɛlɔ
na Unwoti utaayɔ-nwu ni,
ɔdubulie ngba ku udu buni,
na bekyuli badubo-nwu butaabu.
22Banundane baadi bayikune lɛlɔ
na beeƒie bana ala taaƒɔ,
na baaƒɛ-ma awodu ani lɛlɔ
na békpo kama ƒui
teewi kalɔ.
23Si áti ƒula kenye bɔda kpoo ni,
eleti lɛlɔ alatákya litemi lɛdi kemmo.
24Bekyuli bani mɔɔkun lɛmɛnɛ
na baatalaku lɛlɔ katɔ
na baanu ka ama kani
ntulo ni,
baata teenye bekyuli lɛlɔ uwi biala.
25Lɛla lɛni kani na bakɔsɔne badubɔsia anu
ndi ka badubɔyii ku udu,
ɔsika béni banii balabla kabla kadi.
26Ama belemo kudii. Mmomu kalɛ na bakɛ bebu ni,
nwuna kasusu kani na beeti.
Nsu bani mɔɔyia Unwoti ni,
ama beete ala ku kaƒɔ ƒaa.
27Unwoti ukisi ukyuli ukpidi akpala.
Na ɔni nsɔ ntulo ƒui ndi ka ute-nya ku kasusu kekpidi
ka ɔkɛ nwuna lɛla lɛdi ɔsu.
28Ukyuli ɔni mɔɔnyi ɔkɔ teedie litemi kenye ni,
badubutile-nwu kuƒi.
Na ukyuli ɔni mɔɔsu lɛla lɛni nálɛ geen ni,
anwu na badubɔya na udie ala kenye.
29Ulikplune ɔɔƒwɛ anumi momoomo.
Nsu ukyuli ɔni mɔɔbla ala
siin ni,
ɔɔnu kaduɛ na nwuna
ablala lɛlɔ.
30Kɔkwɛ kɔni na bekyuli baakya ƒui
si ina dɛ na béti lɛnunda kemmo bákya-ku ni,
kulakana Unwoti lɛlɔ bɔdi kudii.
31Si ina dɛ báklibi bapɔnkɔ béte kekpo ni,
Unwoti kani mɔɔyá na baadi lɛlɔ.
Currently Selected:
Agba 21: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
