Agba 2
2
Lɛnunda Libo Kɔsia
1Mina ubi, si áƒɔ mina etemila,
na áklibi mina ɔda bubo ése éte lɛlɔ,
2na ƒula kɔtu kɔsia lɛnunda etemila lɛlɔ
na áya na ƒula kayi kasia ala kalɔ bunu lɛlɔ
3na eevele ala kemmo bɔnu taati
na eevele ala kalɔ bunu kpakplaa
4na aawia-nya aani kalɛ baawia sika ɔƒualadi
na asia-nya kama aani akɛla abɛladi ni,
5na ɔdubɔya na enu kalɛ na baayia Unwoti kalɔ
na ati-nwu lɛnɔ.
6Ɔsika Unwoti muute lɛnunda!
Na nwuna etemila aayá na ukyuli ɔɔtí lɛla
na ɔɔdá anu.
7Bekyuli bani nse siin ni,
uusé-ma kama ka badi lɛlɔ.
Na ɔdi lɛgyumanala ute bekyuli
bani na lɛla lɛdi lɛɛɛda-ma na bana kasiakɔ.
8Na bekyuli bani mɔɔdi nwuna litemi lɛlɔ siin ni,
ɔɔgyumana-ma na bana kasiakɔ.
Na ɔɔda bani nsiaku-nwu kama siin
taasiaku bana kɔvinkɔ.
9Na adubunu lɛla lɛni ndia na lɛdi ulu lɛlɔ siin kalɔ
na ulu buni biala lɛlɔ.
10Ɔsika lɛnunda lɛdubuduo-ɔ kayi kemmo
na lɛlati lɛƒɔ-ɔ kɔyu kemmo ku ebiti.
11Na ala anu bɔsia taabla-nya ulu lɛlɔ
ɔdubɔgyumana-a
na ala kalɔ bunu bɔda-a kɔkɔɔkɔ.
12Lɛnunda lɛmmɔ lɛdubɔƒɔ-ɔ
lɛsiku bekyuli bekpidi kasiakɔ,
na alásala lɛlɔ ku bani mɔɔtɛmi enyekpi.
13Bekyuli bamɛni udu baada ulu geen ɔmmɔ taava
na beeti ulu ukpidi ɔni néti-ma úselaku kasuudikɔ.
14Na ebiti aada-ma ka bataabla likpidi
na lɛlɔ lɛɛyɔ́-ma na bana likyulikpi ala bɔbla lɛlɔ.
15Bana ala bɔbla ƒui buse gontii
na bana ablala adi likyulikpi sɔɔn.
16Lɛnunda lɛdubɔda-a lidie
uleku ɔsɔnɔdine unyemi kudɔ,
uleku ɔmmɔ ɔdi ɔgya uliene
ɔni mɔɔlɛ́ ɔgyani kama katɔlɔ.
17Ɔ́lɛ nwuna ligblebi uwi kɔgya kɔni na úlie
na údie lɛla lɛni na únyimiku-nwu
na Unwoti anumi atu.
18Nwuna ɔtɔ kemmo buduo ɔdi ulu
ɔni néti úsela kekpine,
na nwuna kavinkɔ ƒui kadi bekpine kakyakɔ ulu.
19Ɔdi uleduo-nwu kudɔ taasɔ teenwini
iye ɔsɔ ɔnu ngba ulu geen ɔmmɔ ɔsia.
20Sia bekyuli babuni kasiakɔ mmomu,
na asia bekyuli bani nse siin kavinkɔ.
21Ɔsika bekyuli bani kayi kemmo ablala nse siin
kani ndubulie ngba na kalɔ kammɔ lɛlɔ.
Na bani na lɛla lɛdi lɛɛɛda-ma kani
ndubɔkya-ka kemmo.
22Nsu belikplune ama ni,
Unwoti ɔdubɔda-ma udie kalɔ kammɔ lɛlɔ.
Na bani mɔɔlɛ́-nwu kama ni,
na ɔkpɛ-ma ɔlɛku-ka kemmo.
Currently Selected:
Agba 2: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
