Agba 11
11
1Unwoti ukisi uyedine mɔɔnya ukyuli akya.
Nsu lɛlɔ lɛɛyɔ́-nwu si ɔɔkɔ́ku ala teete-ma.
2Si aatalaku lɛlɔ katɔ ni, kɔƒa bɔdi nsia.
Nsu si eeboku lɛlɔ kalɔ ni, na aadá anu.
3Bekyuli babuni ni, bana litemi lɛni lɛlɔ
baadi ulu lɛlɔ mɔɔtina-ma kasiakɔ.
Na balalane ama ni, bana litemi lɛlɔ tadi
mɔɔyila-ma udu.
4Ukyuli lɛkɛ lɛɛɛdubo-nwu bubunku
Unwoti litemi bɔtɛ limeyi.
Nsu ngba buni bulie muudie ukyuli na kukpi kemmo.
5Bekyuli babuni ni, bana litemi lɛlɔ bɔdi ulu lɛlɔ
mɔɔtina-ma kasiakɔ.
Na balalane ama ni, bana ekpidi unu
mɔɔsia-ma lɛlɔ.
6Ngba buni bɔni na bekyuli babuni belie
muudie-ma ɔgbankpi kemmo.
Na lɛla lɛni lɛlɔ na balalane anumi eegyie ni,
ani muunwíni kakpagyuɛ teedie-ma.
7Si balalane békpi ni, ama ku bana lɛnunsia ƒui lɛ́yii udu,
ɔsika bana ɔyikun ɔni neeenye ligeen lɛlɔ kani na basia anu.
8Unwoti uudie bekyuli babuni na ɔgbankpi kemmo.
Na balalane ama uunye taanu
na beesié taatátua ɔgbankpi ɔmmɔ.
9Enyekpi aayila ukyuli ɔkpana udu.
Na ala bɔnu bɔti na lɛnunda kemmo
uudie bekyuli babuni.
10Si ala aatɛ teete ukyuli
ɔbuni ni,
ɔma ɔmmɔ bekyuli baakɛ́ lɛlɔyɔ.
Lɛni kani si ukyuli ukpidi úkpi ni,
kaƒɔ kaayɔ́-ma.
11Bekyuli bani nse siin beete ɔma kusɛ kusɛ
na ɔɔlɛ́ lili.
Nsu balalane etemila eele bekyuli ntɛ
na balakana bɔsala.
12Si eedie ukyuli kalɔ ni, kɔdɔlɔ kɔdi.
Na ukyuli ɔni na ɔ́da anu ni,
uubile nwuna kenye kpoo.
13Katɛ ɔtɛne keeke mɔɔví teebo abɛla kudu.
Nsu ukyuli ɔni báƒɔ bádi ka ulátɛmi kalɛ kalɛ ni,
baasu-nwu kɔbɛtɛ.
14Si kadi badi bekyuli beeebo ɔtɔnkune ɔnundane ni,
ɔma ulábla ɔma.
Nsu si bébo kasusu betine pii ni,
ɔma ɔmmɔ uusié kaduɛ.
15Aawia ɔgbankpi teete lɛlɔ
si éténye ɔƒɔ ɔdi kama na nwuna kayu ɔsu.
Si ébulo ni, ɔdia utulo
ka ebeteebo abi adi kama.
16Beleku bani mbo lɛƒɔndia baakɛ́ ɔbu teetulo banana
bani mbo ulikplu na baakɛ́ egulabi.
17Si aabla lɛƒɔndia ni, awɔ ɔlati ƒula kɔyu mɔɔlɛ́ lili.
Nsu si aabla kalala ni, aayila lɛlɔ udu.
18Bekyuli bekpidi ni, uwi klukui kani
na bana lɛkɛ liilie.
Nsu bekyuli babuni akɛla ni, eetu uwi.
19Bekyuli babuni baakɛ́ ngba.
Na bekyuli bekpidi baasiáku kukpi.
20Unwoti ukisi bekyuli bani na bana kayi
kaaakɛ ulu unwi.
Nsu bani mɔɔdi nwuna litemi lɛlɔ ulu lɛlɔ
baayɔ́-nwu kaƒɔ.
21Ɔbla-a nwaa ka Unwoti ɔdubɔni bekyuli bekpidi kɔtu.
Nsu bekyuli babuni bebi ni,
badubɔlɛ sɛɛn ɔni na lɛla lɛdi lilabla-ma.
22Uleku ɔni mɔɔdia bɔnu na ɔɔɔgyi lɛbuni
ku likpidi kavumana ni,
nwuna ablala ese aani sika kakwɛnimi
kani nda ɔplakuo enwu kemmo.
23Bekyuli babuni mɔɔsia anu ka badubɔkɛ ebiti.
Na bekyuli bekpidi ama ni,
kɔtu bɔni kani na badubɔnu ulu bete.
24Bekyuli badi bakya na beete bekyuli ala ku kaƒɔ,
nsu bana lɛkɛ limomo teebu.
Nsu babambadi lɛnɔ baabla lɛnumi,
nsu baayila lɛla biala na bebo.
25Bekyuli bani muute bekyuli ala ƒaa ni,
ala aadianku-ma na eedú-ma ɔkwɛ.
Lɛni kani na bekyuli bani muubunku bekyuli
kalɛ na belie ku kayi ƒaa ni,
ama alati lɛnɔ badubulie ku kayi ƒaa.
26Beyedine bani mɔɔbɛla ala teese
na basɔku beye kuye
kpakplaa ni,
bekyuli beewida-ma.
Na bani muuyé ala teete-ma
uwi ɔni na baayaki ala
ammɔ ni,
bekyuli beete-ma kusɛ kusɛ.
27Si aawia lɛbuni teete bekyuli ni,
bekyuli badubɔnu-ɔ kɔnyana.
Nsu si aawia-ma likpidi ni,
ɔgbankpi ndubo-ɔ bɔsiaku.
28Si éti anu ásia ƒula egulabi
lɛlɔ ni,
adubo bɔyii udu!
Nsu bekyuli babuni badubɔlɛ lili
aani ketudi evete wɔwɔɔwɔ.
29Bekyuli bani mɔɔkya lɛsɛ
na beeti kayu teeboku
kaduli ni,
lɛƒua na beesé-ma kama.
Na badɔlɔdi ni, ama muunwíni banundane kabla bablane.
30Bekyuli babuni bese aani egyii
ani mɔɔnwu ebi buni ani baadi teelie ngba.
Na bani muudie bekyuli na ɔgbankpi kemmo ni,
báda anu.
31Si ɔdubɔyu bekyuli babuni muedi ɔkplu
na kalɔ kamɛni kemmo ni,
bi malɛku ala ekpidi bablane ama?
Currently Selected:
Agba 11: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
