Popular Bible Verses from Agba 11

Share

Bekyuli bani muute bekyuli ala ƒaa ni, ala aadianku-ma na eedú-ma ɔkwɛ. Lɛni kani na bekyuli bani muubunku bekyuli kalɛ na belie ku kayi ƒaa ni, ama alati lɛnɔ badubulie ku kayi ƒaa.

Bekyuli badi bakya na beete bekyuli ala ku kaƒɔ, nsu bana lɛkɛ limomo teebu. Nsu babambadi lɛnɔ baabla lɛnumi, nsu baayila lɛla biala na bebo.

Si aatalaku lɛlɔ katɔ ni, kɔƒa bɔdi nsia. Nsu si eeboku lɛlɔ kalɔ ni, na aadá anu.

Si kadi badi bekyuli beeebo ɔtɔnkune ɔnundane ni, ɔma ulábla ɔma. Nsu si bébo kasusu betine pii ni, ɔma ɔmmɔ uusié kaduɛ.

Bekyuli babuni bese aani egyii ani mɔɔnwu ebi buni ani baadi teelie ngba. Na bani muudie bekyuli na ɔgbankpi kemmo ni, báda anu.

Katɛ ɔtɛne keeke mɔɔví teebo abɛla kudu. Nsu ukyuli ɔni báƒɔ bádi ka ulátɛmi kalɛ kalɛ ni, baasu-nwu kɔbɛtɛ.

Si aabla lɛƒɔndia ni, awɔ ɔlati ƒula kɔyu mɔɔlɛ́ lili. Nsu si aabla kalala ni, aayila lɛlɔ udu.

Si éti anu ásia ƒula egulabi lɛlɔ ni, adubo bɔyii udu! Nsu bekyuli babuni badubɔlɛ lili aani ketudi evete wɔwɔɔwɔ.

Ukyuli lɛkɛ lɛɛɛdubo-nwu bubunku Unwoti litemi bɔtɛ limeyi. Nsu ngba buni bulie muudie ukyuli na kukpi kemmo.

Bekyuli babuni ni, bana litemi lɛni lɛlɔ baadi ulu lɛlɔ mɔɔtina-ma kasiakɔ. Na balalane ama ni, bana litemi lɛlɔ tadi mɔɔyila-ma udu.

Uleku ɔni mɔɔdia bɔnu na ɔɔɔgyi lɛbuni ku likpidi kavumana ni, nwuna ablala ese aani sika kakwɛnimi kani nda ɔplakuo enwu kemmo.

Unwoti ukisi uyedine mɔɔnya ukyuli akya. Nsu lɛlɔ lɛɛyɔ́-nwu si ɔɔkɔ́ku ala teete-ma.