Kɔnyana Buwulo 5
5
Yerusalemƒuɔ Bákpali Unwoti Bévele Kɔnyana Bɔnu
1O bula Unwoti, tayiƒala bula lɛbibo
ku kalɛ na béwi-bu anumi kalɔ.
2Baƒɔ bébeti-bu kɔlɔ ku bula kɔduli
bénwini bana ɔdi.
3Na búnwini aani bekpinebi,
na bula beni bénwini bekpinele.
4Na ntu bɔni na bɔni ku ekyweni ani na bɔsala ɔgya muedi
áƒɔ kuye geen ɔni ntulo bɔsu.
5Na baabla-bu kalala taasia kama
ɔni na bula ɔyikun ɔ́sa, na buuubo bɔnwuna bɔdi.
6Ɔlɛka bɔkya lili kalɔ na bɔblaku Egyipteƒuɔ ku Asiriaƒuɔ unwi
asa na bɔkɛ lɛla lɛni na bɔdi na kɔka ɔsu.
7Bula bati bene nábla likpidi na ama béekpi,
nsu abu nnye mɔɔƒɔ bana ekpidi ammɔ kayu.
8Na bekyuli bani mɔɔbla bula bekisine kabla mmomu
mɔɔdi-bu lɛlɔ ɔƒaani,
na ukyuli ɔdi uuubo na ɔƒɔ-bu na bɔkɛ bɔnwuna.
9Bɔkya ɔgbankpi kemmo na balalane
bani nkya kalɔ kakwiidi kemmo mmɔ ɔsu.
Na kalɛ na busie butáƒɛ bula edula buboku ɔma muedi
litemi lɛdi na bana lɛkɔkɔ.
10Kɔka ku lɛlɔ ogya bɔƒɔ bɔ́ya na bula ɔlɔna ɔ́ta ɔ́bla
aani kalɛ na lɛla lɛdi liikeyi ogya.
11Bekisine bekpone bammɔ béƒie-bu beleku ku begblebi báyɔ
na Yerusalem ku Yuda lɛma lɛmmɔ kemmo ƒui.
12Béƒie bula batɔnkune bényimi,
na bábla bula benengu kɔƒa ala na kadi anumi.
13Na bénye bakloƒu lɛlɔ na baabla-ma kabla.
Na bananabi bammɔ beeti egyuku bonwu bonwu.
14Na básɔ bétete kuƒi na bula litemi batɛne basu litemi lɛdi litemi katɛkɔ.
Na bakloƒu basɔ beeebo kuƒi na bataagya agyala adi teedie lɛnu.
15Kɔnyana kɔ́ƒɔ-bu kayi
kemmo ƒui.
Na ɔni na buteedie lɛnu
taatɔ ni,
kɔnyana mmomu na bulie buuwulo.
16Yerusalem ɔ́yila nwuna bukeye!
Na abu ɔdi ɔ́sa, na bɔ́yii udu na bula ekpidi ɔsu.
17Búnwini aani balɛne bɔkɛ
na bɔsɔ bulánu ligeen muedi.
18Bula ɔma ɔ́bwɛ
na lɛku kemmo begidi sɔɔn náƒɔ-nwu kemmo beli.
19Awɔ Unwoti kani ndubo lɛlɔ bɔdi úsela uwi ƒui!
Awɔ ndi Ɔga uwi ƒui.
20Bi ɔsu na áyiƒala-bu uwi gyɔlɔɔ lɛni?
21Sɔku-bu boku ƒula kudɔ!
Na aya na lɛla biala lɛsɔ lise kalɔ ɔwɔdi.
22Munuu, buni na éni-bu ƒui lɛni
na asɔ aláwia-bu
ka bubo-ɔ kudɔ?
Currently Selected:
Kɔnyana Buwulo 5: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
