Yeremia 12
12
Yeremia Ɔ́su Unwoti Ala Ani Muukpóku-nwu
1Unwoti, uwi biala na lɛ́su-ɔ ala ani muukpóku-mi ni, eenú na aabla lɛla biala na ulu siin lɛlɔ. Nsu ɔƒaani ni, mbo ala adi na liye-ɔ ɔ́siku kalɛ na aatɛ etemila lɛlɔ. Bi ɔsu na mɔɔnu aani ka ngba buse buɛɛ bute alaekpidi bablane? Na bi ɔsu na bana ala ƒui aatɛ teete-ma? 2Eenyene-ma kunyekɔ kɔbuni aani egyii ani na álɛ na aalɛ́ lili kaduɛ taanwu ebi. Na si ina beemwi-ɔ lɛnɔ ni, aanu taati ka ɔɔɔdi ku bana kaƒɔ nwaa na baabla ɔmmɔ. 3Nsu ni, Unwoti agyi kalɛ na nsiaku-ɔ kama na ńtalɛ-ɔ kama kudii iye mina kasusu muedi katimi ƒula lɛlɔ. Anwuɔsu ni, bekisine bamɛni lɛku na ebeyi-ma adu aani baƒonu kalɛ.
4Uwi ɛlɛ na adubɔya na kalɔ kamɛni kayaku ntu na kakwii lɛni ketédu? Na uwi ɛlɛ na livo lɛdubɔyɛyɛ linye bebuo kadikɔ lɛni utédu? Bebuo ku baasɛ bammɔ ƒui békpi na ɔdi ɔsɔ uuubo. Na bekyuli bamɛni alaekpidi ani na baabla ɔsu na ala amɛni ƒui aalɛ́ lɛni. Nsu bamu benye baakun lɛmɛnɛ taasu banini, “Katɔti ulánu alaekpidi ani na bɔɔbla.”
Unwoti Údie Yeremia Litemi Kenye
5Unwoti ɔnini, “Yeremia, si anii eekeli ada bekyuli na lɛlɔ líitu-ɔ lɛni ni, dɛ na aakali ka adubɔkana bukeli bɔda bapɔnkɔ? Na si kalɔ ntɛ nwaa mɛni na adaku bubuli ni, bi ndubo bɔlɛ na lɛku kemmo na Yordan Ketu kɔtu? 6Awɔ ɔlati ƒula lɛlɔ bekyuli muedi báta bénye-ɔ lɛlɔ. Baabla ala anumi kemmo aani bɔyɔ na bada-a, nsu tanyonu lɛlɔ tete-ma lo. Ulu na baawia kalɛ na bakɛ-ɔ aani kalɛ kani na bekyuli bamba benye baawia kuƒi kɔmmɔ.
Unwoti Úti Kɔnyi Kpakplaa Ɔ́kya Nwuna Bekyuli
7“Lɛ́yɔ mina bekyuli na lɛ́ƒuna-ma línwini mina badi geen. Nsu ɔƒɛni ni, ndubo-ma buni na liti-ma lɛkya bana bekisine enu kemmo. 8Mina bekyuli báta bénye-mi lɛlɔ na baakwanyiku-mi aani bagyata, anwuɔsu na muukisi-ma. 9Mina bekyuli bese aani aasɛ ɔni na basangbii básala beebó na lɛƒɛnyi ƒui lɛlɔ. Bɛsu beƒiebuo bammɔ na bebo na babakun na badi bemo.
10“Mina kalɔ kabuni kammɔ kébie aani kalɛ na baƒonu badane baakpanku bana bebuo na besusu kemo kadi ku kana edula ƒui na asɔ alanu lɛdila lɛdi. 11Na kadubɔƒɔ lɛlɔ katɛ ukpludi na mina anumi, na kasɔ kaladia lɛla lɛdi bɔbla ɔsika ukyuli ɔdi ɔɔɔdaku-ka lɛda. 12Bekpone bani muubile ala badanku lɛlɔ badubo na kalɔ kakwiidi ulu lɛlɔ na beekpó kesi kesii. Na ama ndi mina kewii kekpidi kani nda muukpó na ɔdi biala uuubo bɔnwuna iye ɔkɛ bɔƒɔ bɔdi na bana enu kemmo. 13Mina bekyuli, kamu na bɛ́kya, nsu ka líti kɔnyi lɛ́kya-mii ɔsu ni, livo kani na lɛya na lɛ́kwɛ. Anwuɔsu bíbo abi ekpludi na bítakɛ ku lɛla!”
Unwoti Ɔdubɔnu Kadi Bamba Bekyuli Kɔnyana
14Unwoti ɔnini, “Mina bekyuli Israelƒuɔ na líti kalɔ kamɛni líte. Nsu bekisine bani náka bámana-ka bekpo na béyu-ka ƒui. Ɔmmɔ ɔsu ndubo-ma bɔgyu budie bana kɔlɔ lɛlɔ aani kalɛ na ndubo Yuda bɔgyu budie nwuna kalɔ lɛlɔ. 15Nsu kama ƒui ni, ndubo kɔlɔ kɔmɛni bekyuli kɔnyana bɔnu na lɛsɔku-ma liboku bana kɔlɔ lɛlɔ. 16Ama nátina mina bekyuli kalɛ na baakpá Baal baƒiɔ uwi ɔdi návi kemmo. Nsu si bánu-mi báti ka ami lɛti kani ndi Katɔti geen ɔmmɔ na bátuna na mina bekyuli bátina-ma kalɛ na bakpa-mi ni, ndubɔƒɔ ama lɛnɔ na babla mina bekyuli. 17Mmomu si bétenu-mi litemi ni, ndubo-ma bɔgyu budie bana kalɔ lɛlɔ na lɛyila-ma udu ƒui kede kede.”
Currently Selected:
Yeremia 12: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
