Yesaia 6
6
Katɔti Ɔ́lɔ Yesaia Na Ɔ́bla-nwu Sɛɛn
1Lɛkwa lɛni kemmo na Ɔga Usia úkpi na lɛ́nu Unwoti. Na uli lɛgaboku kangyaa lɛdi lɛlɔ. Na nwuna awu gyɔlɔɔ bonwu ɔni na ɔkya atu áƒɔ Katɔti kakpakɔ mmɔ ƒui. 2Na Katɔti batu benengudi badi muukeye na bebo avwi aku aku na baalɔ-ma Seraƒim benye bámana-nwu. Ɔdi biala avwi anyɔ ebi-nwu anumi na anyɔ ebi-nwu lɛgba asa na ɔda anyɔ akladi uuveyi. 3Na bana ƒui baatu kɔgya ku lɛdi linwi momoomo banini,
“Unwoti Katɔti, ese kedee,
kedee, kedee!
Katɔ ku kalɔ kéyi ku
ƒula lɛlɔyɔ tɛɛ!”
4Na ebiti lɛnu lɛni na beedie lɛ́kunku Katɔti kakpakɔ kammɔ útéduoku kalɔ kemmo ƒui na uyɔ ɔ́ƒɔ Katɔti kakpakɔ kammɔ ƒui.
5Amu na lɛ́su nnini, “Mina bɔkywi uwi údu, ɔsika alaekpidi ɔblane na ndi na alaekpidi bablane kaba kemmo na lɛ́si, nsu mina anumi ánu Ɔga ɔni ndi Unwoti Katɔti Ɔyikune Ƒui!”
6Batu bamɛni akɔ unwi úveyi ɔ́vi lɛkpabi lɛmmɔ eli na údie lɛgyabi gaganga lɛdi ku lɛbuala lɛdi ɔ́siku ogya kemmo. 7Na úti útuku-mi enyekuli na ɔ́su-mi ɔnini, “Nu, líti ogya lɛƒɛ lɛmɛni lítuku-ɔ enyekuli lɛlɔ. Na ɔƒɛni ni, Katɔti údie ekpidi ƒui na ƒula lɛlɔ.”
8Amu na línu ka Unwoti uuye ɔnini, “Ɔma na ndubɔtala aani mina ɔtu kalɛ lɛkya mina bekyuli na ɔma ndubusie ute-bu?”
Mmɔ na lɛ́su nnini, “Ami ndubo busie! Tala-mi!”
9Na ɔ́su ɔnini, “Ɛɛn, awɔ sie! Tásu mina bekyuli anini,
“ ‘Bɛdubunu mina etemila, nsu bɛɛɛdubo-nya kalɔ bunu.
Na bɛdubɔnu ala ani mɔɔbla
nsu bɛɛɛdubo-nya bɔnu bɔti na binu kalɔ.’
10Geen ni, bana kɔyi kútili na bana atu áyu ɔkplu
na bana anumi lɛnɔ ábwɛ. Si ɔɔɔdi lɛni ni,
nka bana anumi adubɔnu nwaa
na bana atu lɛnɔ adubunu na benu kalɔ
na benwini bebo-mi kudɔ na lɛbwi-ma.”
11Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?”
Amu na údie kenye ɔnini,
“Úti útédu uwi ɔni na ndubɔya
na lɛma linengudi ƒui lɛbwɛ lɛyii udu,
na bekyuli basɔ balakya-ni kemmo,
na lɛtɔ lɛsɔ linye ukpludi,
na kalɔ kemodi kammɔ ƒui kebie.
12Na ndubo bekyuli ƒui
bɔbɔku budie kalɔ kammɔ kemmo
na libile kalɔ kammɔ.
13Na ina bekyuli bammɔ
lɛkpa leevudi kani nébu ni,
ama lɛnɔ ndubɔyila-ma udu.
Nsu kalɛ na egyukwii eebú teenye
si báda egyii báwɔlɔ ni,
lɛni na mina badi bani na
lɛ́ƒuna badi badubo bubu bulie kama.”
Currently Selected:
Yesaia 6: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Yesaia 6
6
Katɔti Ɔ́lɔ Yesaia Na Ɔ́bla-nwu Sɛɛn
1Lɛkwa lɛni kemmo na Ɔga Usia úkpi na lɛ́nu Unwoti. Na uli lɛgaboku kangyaa lɛdi lɛlɔ. Na nwuna awu gyɔlɔɔ bonwu ɔni na ɔkya atu áƒɔ Katɔti kakpakɔ mmɔ ƒui. 2Na Katɔti batu benengudi badi muukeye na bebo avwi aku aku na baalɔ-ma Seraƒim benye bámana-nwu. Ɔdi biala avwi anyɔ ebi-nwu anumi na anyɔ ebi-nwu lɛgba asa na ɔda anyɔ akladi uuveyi. 3Na bana ƒui baatu kɔgya ku lɛdi linwi momoomo banini,
“Unwoti Katɔti, ese kedee,
kedee, kedee!
Katɔ ku kalɔ kéyi ku
ƒula lɛlɔyɔ tɛɛ!”
4Na ebiti lɛnu lɛni na beedie lɛ́kunku Katɔti kakpakɔ kammɔ útéduoku kalɔ kemmo ƒui na uyɔ ɔ́ƒɔ Katɔti kakpakɔ kammɔ ƒui.
5Amu na lɛ́su nnini, “Mina bɔkywi uwi údu, ɔsika alaekpidi ɔblane na ndi na alaekpidi bablane kaba kemmo na lɛ́si, nsu mina anumi ánu Ɔga ɔni ndi Unwoti Katɔti Ɔyikune Ƒui!”
6Batu bamɛni akɔ unwi úveyi ɔ́vi lɛkpabi lɛmmɔ eli na údie lɛgyabi gaganga lɛdi ku lɛbuala lɛdi ɔ́siku ogya kemmo. 7Na úti útuku-mi enyekuli na ɔ́su-mi ɔnini, “Nu, líti ogya lɛƒɛ lɛmɛni lítuku-ɔ enyekuli lɛlɔ. Na ɔƒɛni ni, Katɔti údie ekpidi ƒui na ƒula lɛlɔ.”
8Amu na línu ka Unwoti uuye ɔnini, “Ɔma na ndubɔtala aani mina ɔtu kalɛ lɛkya mina bekyuli na ɔma ndubusie ute-bu?”
Mmɔ na lɛ́su nnini, “Ami ndubo busie! Tala-mi!”
9Na ɔ́su ɔnini, “Ɛɛn, awɔ sie! Tásu mina bekyuli anini,
“ ‘Bɛdubunu mina etemila, nsu bɛɛɛdubo-nya kalɔ bunu.
Na bɛdubɔnu ala ani mɔɔbla
nsu bɛɛɛdubo-nya bɔnu bɔti na binu kalɔ.’
10Geen ni, bana kɔyi kútili na bana atu áyu ɔkplu
na bana anumi lɛnɔ ábwɛ. Si ɔɔɔdi lɛni ni,
nka bana anumi adubɔnu nwaa
na bana atu lɛnɔ adubunu na benu kalɔ
na benwini bebo-mi kudɔ na lɛbwi-ma.”
11Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?”
Amu na údie kenye ɔnini,
“Úti útédu uwi ɔni na ndubɔya
na lɛma linengudi ƒui lɛbwɛ lɛyii udu,
na bekyuli basɔ balakya-ni kemmo,
na lɛtɔ lɛsɔ linye ukpludi,
na kalɔ kemodi kammɔ ƒui kebie.
12Na ndubo bekyuli ƒui
bɔbɔku budie kalɔ kammɔ kemmo
na libile kalɔ kammɔ.
13Na ina bekyuli bammɔ
lɛkpa leevudi kani nébu ni,
ama lɛnɔ ndubɔyila-ma udu.
Nsu kalɛ na egyukwii eebú teenye
si báda egyii báwɔlɔ ni,
lɛni na mina badi bani na
lɛ́ƒuna badi badubo bubu bulie kama.”
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.