Yesaia 7
7
Likposela Úte Katɔti Ubidi Bɔwɔ
1Uwi ɔni na Ahas ɔni ɔti ndi Yotam, na ɔdi Usia uwɔ, ɔɔdi lɛga na Yuda ni, Aramƒuɔ Ɔga Resin ku Ramalia ubidi ɔni baalɔ Peka na ɔɔdi lɛga na Israel kalɔ lɛlɔ báta banii bebékpo Yerusalem, nsu bátakana na badi Yerusalem lɛlɔ.
2Kenye kébedu Ahas kudɔ banini, “Ɔga Resin ku Ɔga Peka bása lili na ama ku bana bekyuli báta ka bebékpo-bu.” Ɔmmɔ ɔsu ɔtɔtɔ ɔ́gyu Ɔga Ahas ku nwuna bekyuli na baatɔ́ kpakpaakpa aani kalɛ na ɔƒɛƒɛɛ uukpó taavi egyii akɔ.
3Amu na Unwoti ɔ́su Yesaia ɔnini, “Awɔ ku ƒ'ubidi Sea-Yasub, ɔni kalɔ ndi Badi Badubo Bubu, bisie na bitásiaku Ɔga Ahas na ketu kammɔ kawɔlɔkɔ kesii kani muuduo ligyu kemmo mmɔ. Mmɔ kedenku ulu ɔni néti úsela kesii kani na baakya adi kuvo mmɔ. 4Na asu-nwu anii, ‘Da kayi bukpoku ya, na utalɛka ayia Ɔga Resin ku Ɔga Peka, ku bana bekpone kɔnyi momoomo kɔni na béti. Ɔsika bese aani ogya egyukwii ani mɔɔkywí na adubo bɔsa. 5Sɔsɔ na ɔdi ka Aram ku Israel kalɔ baga bamɛni báta ka bebékpo-ɔ na baasu banini, 6“Bɛya na bukpoku Yuda na bɔgyingya ɔma ɔmmɔ na bule-nwu bɔkya lɛlɔ. Na bɔdubɔbwɛ buduo Yerusalem na buti Tabeel ubidi buse lɛga aani Yudaƒuɔ ɔga.” 7Nsu ami Unwoti Ɔyikune Ƒui mɔɔsu nnii,
“ ‘Ulebo ulete lɛni,
na balakana-mii lɛlɔ bɔdi kudii,
8ɔsika Damasko ndi ɔma unengudi ƒui na Aram kalɔ lɛlɔ
na Damasko ɔmmɔ lɛlɔ ɔdine kani ndi Resin.
Ɔƒɛni Israel kalɔ aka ni,
na akwa liti ku leevu-ɛlɔ kemmo ni,
badubo ɔma ɔmmɔ bɔbwɛ na bayila-nwu udu ƒui.
9Israel ɔma unengudi ƒui ndi Samaria.
Na ɔma ɔmmɔ lɛlɔ ɔdine kani ndi Ramalia ubidi Peka.
Na si eeenye mina bɔƒɔtaadi kemmo kpakplaa ni,
agyi anii eeebo kenyekɔ kadi.’ ”
10Unwoti ɔ́sɔ ɔsu Ahas ɔnini, 11“Vele ami Unwoti ƒula Katɔti na lɛtina-a likposela lɛdi ɔ́si kalɔ kemmo ƒui útédu katɔ kakaaka.”
12Nsu Ahas úbulo na ɔ́su ɔnini, “Oowo, lɛɛɛdubo mina Unwoti bɔkɔku bɔnu.”
13Amu na Yesaia ɔ́su ɔnini, “Binu kaduɛ, amii Dawid kaba bebi! Kalɛ na biléte bekyuli lɛlɔ buwi útabɔ? Ɔlɛka biti ɔmɛni bɛlɛku Katɔti lɛnɔ? 14Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel. 15Na uwi ɔni kemmo na ubi ɔmɛni ɔdubɔti bebuo lɛnyi ntu ku uwɔ bɔdi ni, ɔdubɔti lɛla kanaalɛ na ɔƒuna lɛla lɛni ndia na uni lɛla likpidi. 16Nsu asa na ɔdubɔti likpidi ku lɛbuni kavumana ni, baga inyɔ bani na aayia geen na badi Israel ku Aram baga mmɔ béekpi bábavi. 17Unwoti ɔdubɔya na uwi kpakplaa ɔni nétebo tɔ dii ɔ́si uwi ɔni na béle Salomo lɛga kadikɔ na kénwini Yuda ku Israel ubasiaku-mii, awɔ ku ƒula kadi bekyuli ku ƒula ɔtɔ kemmo bekyuli ƒui lɛlɔ, na ɔya na Asiria ɔga ubo ubekpoku-mii.”
18Na limeyi lɛmmɔ lɛlɔ ni, Unwoti ɔdubɔvwi lise ɔkpali bekpone ɔkya-mii, na bana bumomo bɔdubɔbla aani baalɔlɔ ku banwɛnwɛ ɔsiku Egyipte ntukpa ɔvi na katɔ kakɛ ƒui ku Asiria kalɔ lɛlɔ. 19Badububo na babaƒɔ bina awɛ ƒui kemmo ku atakpɛ libu ku ana kɔka ƒui kemmo ku liyu akunkpo ku abiɔ ƒui kemmo. 20Na Unwoti ɔdubɔya na Asiria ɔga ku anwu badi bekpeyi-mii eli ku bina lɛlɔ linwini ku bina likwi lɛnɔ na bakya-mii kɔƒa. 21Na bebuo bani na badubuƒie bebu akɔ ni, ɔmantɛ akɔ ɔkɔdi ku koƒonu kɔkɔdi ku ese ɔkɔdi unwi unwi ɔdubo bubu kaduli biala. 22Na lɛnyi ntu pii lɛni na bebuo bammɔ badubo butaayu ɔsu ni, nkyuli ɛlɛɛ bani ndubo bubu mmɔ badubɔkɛ lɛnyi ntu pii na udu-ma bɔni. 23Na bina adingyii mmo bɔni na bíse na bɔdubɔƒɔ kuye sika ɔƒualadi mpim ɛlɛ ɛlɛ ni, bɔdububie bunwini liyu likpidi yayaaya aku sɔɔn. 24Na bina atula ku kɔtaminta na bɛdubuteeti teesie taatábui na mmɔ ka mmɔ kasɔ kaaadia bɔtuma ɔsu. 25Kalɔ kani na nka bɛ́kya-ka anwami bɛ́tuma dii ni, kadubunwini liyu yayaaya aku ani nsɔ naaadubo bɔdia bɔmɛnɛ buduo na bɛtuma. Mmomu ɔdubunwini kesii kani na bina bebuo badubuteesie taatávi taawia bana alakpi ani na bakun.
Currently Selected:
Yesaia 7: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Yesaia 7
7
Likposela Úte Katɔti Ubidi Bɔwɔ
1Uwi ɔni na Ahas ɔni ɔti ndi Yotam, na ɔdi Usia uwɔ, ɔɔdi lɛga na Yuda ni, Aramƒuɔ Ɔga Resin ku Ramalia ubidi ɔni baalɔ Peka na ɔɔdi lɛga na Israel kalɔ lɛlɔ báta banii bebékpo Yerusalem, nsu bátakana na badi Yerusalem lɛlɔ.
2Kenye kébedu Ahas kudɔ banini, “Ɔga Resin ku Ɔga Peka bása lili na ama ku bana bekyuli báta ka bebékpo-bu.” Ɔmmɔ ɔsu ɔtɔtɔ ɔ́gyu Ɔga Ahas ku nwuna bekyuli na baatɔ́ kpakpaakpa aani kalɛ na ɔƒɛƒɛɛ uukpó taavi egyii akɔ.
3Amu na Unwoti ɔ́su Yesaia ɔnini, “Awɔ ku ƒ'ubidi Sea-Yasub, ɔni kalɔ ndi Badi Badubo Bubu, bisie na bitásiaku Ɔga Ahas na ketu kammɔ kawɔlɔkɔ kesii kani muuduo ligyu kemmo mmɔ. Mmɔ kedenku ulu ɔni néti úsela kesii kani na baakya adi kuvo mmɔ. 4Na asu-nwu anii, ‘Da kayi bukpoku ya, na utalɛka ayia Ɔga Resin ku Ɔga Peka, ku bana bekpone kɔnyi momoomo kɔni na béti. Ɔsika bese aani ogya egyukwii ani mɔɔkywí na adubo bɔsa. 5Sɔsɔ na ɔdi ka Aram ku Israel kalɔ baga bamɛni báta ka bebékpo-ɔ na baasu banini, 6“Bɛya na bukpoku Yuda na bɔgyingya ɔma ɔmmɔ na bule-nwu bɔkya lɛlɔ. Na bɔdubɔbwɛ buduo Yerusalem na buti Tabeel ubidi buse lɛga aani Yudaƒuɔ ɔga.” 7Nsu ami Unwoti Ɔyikune Ƒui mɔɔsu nnii,
“ ‘Ulebo ulete lɛni,
na balakana-mii lɛlɔ bɔdi kudii,
8ɔsika Damasko ndi ɔma unengudi ƒui na Aram kalɔ lɛlɔ
na Damasko ɔmmɔ lɛlɔ ɔdine kani ndi Resin.
Ɔƒɛni Israel kalɔ aka ni,
na akwa liti ku leevu-ɛlɔ kemmo ni,
badubo ɔma ɔmmɔ bɔbwɛ na bayila-nwu udu ƒui.
9Israel ɔma unengudi ƒui ndi Samaria.
Na ɔma ɔmmɔ lɛlɔ ɔdine kani ndi Ramalia ubidi Peka.
Na si eeenye mina bɔƒɔtaadi kemmo kpakplaa ni,
agyi anii eeebo kenyekɔ kadi.’ ”
10Unwoti ɔ́sɔ ɔsu Ahas ɔnini, 11“Vele ami Unwoti ƒula Katɔti na lɛtina-a likposela lɛdi ɔ́si kalɔ kemmo ƒui útédu katɔ kakaaka.”
12Nsu Ahas úbulo na ɔ́su ɔnini, “Oowo, lɛɛɛdubo mina Unwoti bɔkɔku bɔnu.”
13Amu na Yesaia ɔ́su ɔnini, “Binu kaduɛ, amii Dawid kaba bebi! Kalɛ na biléte bekyuli lɛlɔ buwi útabɔ? Ɔlɛka biti ɔmɛni bɛlɛku Katɔti lɛnɔ? 14Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel. 15Na uwi ɔni kemmo na ubi ɔmɛni ɔdubɔti bebuo lɛnyi ntu ku uwɔ bɔdi ni, ɔdubɔti lɛla kanaalɛ na ɔƒuna lɛla lɛni ndia na uni lɛla likpidi. 16Nsu asa na ɔdubɔti likpidi ku lɛbuni kavumana ni, baga inyɔ bani na aayia geen na badi Israel ku Aram baga mmɔ béekpi bábavi. 17Unwoti ɔdubɔya na uwi kpakplaa ɔni nétebo tɔ dii ɔ́si uwi ɔni na béle Salomo lɛga kadikɔ na kénwini Yuda ku Israel ubasiaku-mii, awɔ ku ƒula kadi bekyuli ku ƒula ɔtɔ kemmo bekyuli ƒui lɛlɔ, na ɔya na Asiria ɔga ubo ubekpoku-mii.”
18Na limeyi lɛmmɔ lɛlɔ ni, Unwoti ɔdubɔvwi lise ɔkpali bekpone ɔkya-mii, na bana bumomo bɔdubɔbla aani baalɔlɔ ku banwɛnwɛ ɔsiku Egyipte ntukpa ɔvi na katɔ kakɛ ƒui ku Asiria kalɔ lɛlɔ. 19Badububo na babaƒɔ bina awɛ ƒui kemmo ku atakpɛ libu ku ana kɔka ƒui kemmo ku liyu akunkpo ku abiɔ ƒui kemmo. 20Na Unwoti ɔdubɔya na Asiria ɔga ku anwu badi bekpeyi-mii eli ku bina lɛlɔ linwini ku bina likwi lɛnɔ na bakya-mii kɔƒa. 21Na bebuo bani na badubuƒie bebu akɔ ni, ɔmantɛ akɔ ɔkɔdi ku koƒonu kɔkɔdi ku ese ɔkɔdi unwi unwi ɔdubo bubu kaduli biala. 22Na lɛnyi ntu pii lɛni na bebuo bammɔ badubo butaayu ɔsu ni, nkyuli ɛlɛɛ bani ndubo bubu mmɔ badubɔkɛ lɛnyi ntu pii na udu-ma bɔni. 23Na bina adingyii mmo bɔni na bíse na bɔdubɔƒɔ kuye sika ɔƒualadi mpim ɛlɛ ɛlɛ ni, bɔdububie bunwini liyu likpidi yayaaya aku sɔɔn. 24Na bina atula ku kɔtaminta na bɛdubuteeti teesie taatábui na mmɔ ka mmɔ kasɔ kaaadia bɔtuma ɔsu. 25Kalɔ kani na nka bɛ́kya-ka anwami bɛ́tuma dii ni, kadubunwini liyu yayaaya aku ani nsɔ naaadubo bɔdia bɔmɛnɛ buduo na bɛtuma. Mmomu ɔdubunwini kesii kani na bina bebuo badubuteesie taatávi taawia bana alakpi ani na bakun.
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.