Yesaia 5
5
Bátu Ɔnu Ɔdi Na Unwoti Adingyii Kemo Lɛlɔ
1Ndubudie ɔnu lite mina ɔyɔne
ɔsiku nwuna adingyii kemo lɛlɔ.
Mina ɔyɔne ubo adingyii kemo kadi
na kɔbi kaƒɔna kalɔ buni lɛlɔ.
2Ɔ́tu kalɔ kammɔ únwini
na údie atabi ammɔ ƒui.
Na ɔ́va adingyii ebi abuni ani ndia geen.
Na ɔ́tu bagyumanane kenyekɔ únyene-ka ntɛ.
Na údie egyiibi ammɔ ntu kewikɔ ubu.
Na unye ɔgya egyiibi ammɔ bugyie na bede.
Nsu ebi ani na adingyii ammɔ ánwu ni,
ana ntu ese nyanyaanya na aaadia.
3“Na ɔƒɛni ni, amii Yerusalem ku Yudaƒuɔ,
bɛtɛ ami ku mina kemo ntɛ litemi lɛmɛni na bɔnu.
4Bi na nka ɔlɛka lɛsɔ lɛbla
na mina kemo kamɛni lɛlɔ
litulo kalɛ na lɛ́bla mɛni?
Ka nka ebi buni na mɔɔsia anu ka lide ni,
bi ɔsu na ebi ani nse nyanyaanya sɔɔn na kánwu?
5“Bɛya na lɛsu-mii
lɛla lɛni na ndubo mina adingyii kemo bɔbla.
Ndububile ɔban ɔni na lɛ́gyi lɛ́kya-ka na kayii udu.
Na ndubɔƒɛ awodu ammɔ ƒui liwi kalɔ
na bataanya-ka teesusu.
6Ndubo-ka atu budie na uyi ɔbla lɛku.
Na nsɔ neeedie adingyii ammɔ kɔgba akɔ
iye lidie livo kana kemmo.
Liyu ku alakpi bamba ndubɔƒɔ-ka kemmo.
Ndubutile liƒlukutu kuƒi
na ɔnantu ɔsɔ ulana ulewi-ka.”
7Unwoti Ɔyikune Ƒui adingyii kemo
ndi nwuna bekyuli Israelƒuɔ,
na Yudaƒuɔ badi nwuna kevomadɔ kemo
kani mɔɔyɔ́-nwu kaƒɔ.
Ɔsia anu ka batɛ bekyuli etemila ulu lɛlɔ siin
Nsu ubugya kani na beewi kalɔ.
Na ɔɔwia ka bekyuli babla ala siin.
Nsu bekyuli keku kani na uunú
ka ala étulo-ma na baanya-ma taakya ɔsu.
Yuda Kadi Bekyuli Báƒiɔ Na Unwoti Ɔ́ni-ma Kɔtu
8Bɔbuɛ ute amii bani muuyé lɛtɔ taasia kama
na bɛ́bɛbɛ bina kɔlɔ kuyedi bísela anumi ƒui.
Bekyuli bamba basɔ beeebo keliekɔ kana kemmo
mmomu kénwini amii lɛti keliekɔ.
9Unwoti Ɔyikune Ƒui ɔ́su
na ami ɔlati línu ku mina atu ɔnini,
“Lɛtɔ pii ku katu taasia lɛtɔ buni lɛmmɔ
lɛdubo buse ukpludi ɔni na basɔ balákɛ bekyuli
bani nelie-ni kemmo.
10Adingyii kemo kɔbuli eti atɛ
ku leevu muedi uledie
ntɛ abo aku.
Na edula ani báƒɛ bálɛku kemo
kani na bákya edula akyami leevu
aaadubo ebi bɔlɛ na edu lɛkyami linwi.”
11Na amii bani mɔɔta ɔtanta tutuutu
teelie ntɛ bɔni lɛlɔ teetédu usien lɛdiba ni,
Unwoti uwi úudu ka ɔkyula-mii.
12Biiti lɛnu lɛni mɔɔdia bunu ku ntɛ bɔbuni
teesienku bina emeyi kadikɔ ku lɛbentaa
ku ese ku atoloyii ku kɔkpɛɛ lidu lidu.
Nsu bina kasusu kadi biala kelesie
Unwoti ku nwuna ablala lɛlɔ.
13Ɔmɛni ɔsu ndubɔya na mina bekyuli
benwini bekeline na lɛma bamba ala kalɔ tenu ɔsu.
Benengu bani nnye kunyekɔ kunengudi
ku babune ƒui kɔka kɔdubo-ma bɔdu.
Na utukwɛ ɔdu bekyuli lisu bakladi.
14Kaƒiɔtɔ kadaku akpu bɔta
na adila abuni ani na ɔdubɔkɛ
bɔsiku Yerusalem lɛlɔ ɔsu.
Babune ku bekyuli keeke ƒui
badubo-ma bubweli ku bana ntɛ bekpine ƒui.
15Limeyi lɛmmɔ lɛlɔ na bani mɔɔtalaku lɛlɔ katɔ ƒui
badubo bubuli bɔkpi ɔtumu.
Na bani mɔɔnu lɛlɔ katɔ katɔ ƒui beboku-ma kalɔ.
16Na Katɔti lɛnyi likeye
na lɛkɔ katɔ
ka ɔɔtɛ litemi siin ɔsu.
Na banu kalɛ na Unwoti use kedee,
na kalɛ na ɔɔbla ala siin ɔsu.
17Na kesii kani na Unwoti úbile ala mmɔ ni,
mmɔ na baƒonu badubo bɔdi.
Na baƒonubi ku besebi ƒui badubɔkɛ kadikɔ.
18Bɔbuɛ ute amii bani nda ɔkɔ etemila
na bɛ́ni ekpidi bɛdanku bɛkɛ aani kɔbuli,
na bina ulikplu ala bɔbla ese
aani kɔbuli kɔni mɔɔní kɛɛkɛ taavinku.
19Amii bani mɔɔpii Israel Unwoti Kedee bɛnini,
“Babla na abla lɛla lɛdi bɔnu!
Bo lɛlɔ na atina-bu lɛla lɛni na adubɔkana bɔbla.”
20Bɔbuɛ beete bekyuli bani mɔɔnu likpidi banii lɛbuni
na lɛbuni banii likpidi lɛdi,
ku bani mɔɔnu lɛla suu banii bukeye,
na si bánu bukeye banii
lise suu,
ku bani mɔɔnu ɔdu banii emini
na si bánu emini banii
ɔdu na ɔdi.
21Bɔbuɛ beete bekyuli bani mɔɔnu lɛlɔ banundane
na baakali ka bagyi lɛla lɛdi.
22Bɔbuɛ beete bani na ntɛ kanikɔ na badi bayikune
na ama ntulo ƒui ka baasála-mu lidu lidu taani ɔsu.
23Bekyuli bani mɔɔbɛ́ taaƒɔ ala,
na beete balalane ubo ka bekeli bana kɔtu bɔni,
na baaní bekyuli babuni mmomu kɔtu ni, bɔbuɛ beete-ma.
24Anwuɔsu bana ƒui badubo bɔkywi bɔyii udu
aani kalɛ na ogya ɔɔkyula livo ku keti.
Bana ligyiitu lɛdubo bubun na bana anwula awiɛ.
Ɔsika bekyuli bamɛni béni Unwoti Ɔyikune Ƒui ɔda bubo.
Na béni banii belenu Israel Unwoti Kedee litemi.
25Ɔmmɔ ɔsu na Unwoti uuti kɔnyi kpakplaa
taakya nwuna bekyuli.
Na ɔ́talaku kɔnu katɔ ka ɔƒiɛmi-ma ɔva kalɔ.
Abi ƒui ákunku, na bani nékpi ƒui ɔlɔna
uwi lilu lɛlɔ aani alakpi.
Nsu ɔmmɔ ƒui útayɔ tɔ Unwoti kaƒɔ.
Ɔsika ɔ́mu ɔ́tala kɔnu unye.
26Ɔ́kɔliku aƒlaga úte kadi bani na ɔgyu kakaaka.
Na ɔ́vwi uƒiomu ɔ́kpali bani na kayawi kawɔlɔkɔ ƒui.
Aanu-ma ka bakɛ ku usi badubo.
27Na lɛlɔ liletu ɔdi iye ɔgbanta lɛnɔ.
Lɛlɛɛ liléti ɔdi iye ɔtɛ ɔlɛɛ lɛnɔ.
Bana akɔ ɔdi kadii iye lɛgbanvuo kabuli kaláƒɛnimi.
28Bana atula inye bubo ɔbi yayaaya,
na báni bana kɔtaminta benye bete kekpo.
Na bana bapɔnkɔ lɛgbanvuo libo ɔkplu litulo abuala
na bana kɛɛkɛ kagba kuunwíni
teetulo ɔƒɛƒɛɛ ɔni mɔɔkya ligede.
29Na baakwanyi aani bagyata,
na beebó adi si béƒie lɛla lɛdi,
na beti-ni batɔlɔku ɔni na ukyuli ɔdi uuubo
na ɔkana-ni bɔƒɔ na bana kudɔ.
30Na limeyi lɛmmɔ ni, badubɔnwini bakya-ma,
aani kalɛ na ɛpu ɔɔnwini.
Na liƒlukutu suu lɛdi ku kɔnyana
kɔdubɔƒɔ Israel ƒui, na ɔkɛnku ɔmmɔ ɔsu
basɔ balanu bukeye bɔdi.
Currently Selected:
Yesaia 5: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Yesaia 5
5
Bátu Ɔnu Ɔdi Na Unwoti Adingyii Kemo Lɛlɔ
1Ndubudie ɔnu lite mina ɔyɔne
ɔsiku nwuna adingyii kemo lɛlɔ.
Mina ɔyɔne ubo adingyii kemo kadi
na kɔbi kaƒɔna kalɔ buni lɛlɔ.
2Ɔ́tu kalɔ kammɔ únwini
na údie atabi ammɔ ƒui.
Na ɔ́va adingyii ebi abuni ani ndia geen.
Na ɔ́tu bagyumanane kenyekɔ únyene-ka ntɛ.
Na údie egyiibi ammɔ ntu kewikɔ ubu.
Na unye ɔgya egyiibi ammɔ bugyie na bede.
Nsu ebi ani na adingyii ammɔ ánwu ni,
ana ntu ese nyanyaanya na aaadia.
3“Na ɔƒɛni ni, amii Yerusalem ku Yudaƒuɔ,
bɛtɛ ami ku mina kemo ntɛ litemi lɛmɛni na bɔnu.
4Bi na nka ɔlɛka lɛsɔ lɛbla
na mina kemo kamɛni lɛlɔ
litulo kalɛ na lɛ́bla mɛni?
Ka nka ebi buni na mɔɔsia anu ka lide ni,
bi ɔsu na ebi ani nse nyanyaanya sɔɔn na kánwu?
5“Bɛya na lɛsu-mii
lɛla lɛni na ndubo mina adingyii kemo bɔbla.
Ndububile ɔban ɔni na lɛ́gyi lɛ́kya-ka na kayii udu.
Na ndubɔƒɛ awodu ammɔ ƒui liwi kalɔ
na bataanya-ka teesusu.
6Ndubo-ka atu budie na uyi ɔbla lɛku.
Na nsɔ neeedie adingyii ammɔ kɔgba akɔ
iye lidie livo kana kemmo.
Liyu ku alakpi bamba ndubɔƒɔ-ka kemmo.
Ndubutile liƒlukutu kuƒi
na ɔnantu ɔsɔ ulana ulewi-ka.”
7Unwoti Ɔyikune Ƒui adingyii kemo
ndi nwuna bekyuli Israelƒuɔ,
na Yudaƒuɔ badi nwuna kevomadɔ kemo
kani mɔɔyɔ́-nwu kaƒɔ.
Ɔsia anu ka batɛ bekyuli etemila ulu lɛlɔ siin
Nsu ubugya kani na beewi kalɔ.
Na ɔɔwia ka bekyuli babla ala siin.
Nsu bekyuli keku kani na uunú
ka ala étulo-ma na baanya-ma taakya ɔsu.
Yuda Kadi Bekyuli Báƒiɔ Na Unwoti Ɔ́ni-ma Kɔtu
8Bɔbuɛ ute amii bani muuyé lɛtɔ taasia kama
na bɛ́bɛbɛ bina kɔlɔ kuyedi bísela anumi ƒui.
Bekyuli bamba basɔ beeebo keliekɔ kana kemmo
mmomu kénwini amii lɛti keliekɔ.
9Unwoti Ɔyikune Ƒui ɔ́su
na ami ɔlati línu ku mina atu ɔnini,
“Lɛtɔ pii ku katu taasia lɛtɔ buni lɛmmɔ
lɛdubo buse ukpludi ɔni na basɔ balákɛ bekyuli
bani nelie-ni kemmo.
10Adingyii kemo kɔbuli eti atɛ
ku leevu muedi uledie
ntɛ abo aku.
Na edula ani báƒɛ bálɛku kemo
kani na bákya edula akyami leevu
aaadubo ebi bɔlɛ na edu lɛkyami linwi.”
11Na amii bani mɔɔta ɔtanta tutuutu
teelie ntɛ bɔni lɛlɔ teetédu usien lɛdiba ni,
Unwoti uwi úudu ka ɔkyula-mii.
12Biiti lɛnu lɛni mɔɔdia bunu ku ntɛ bɔbuni
teesienku bina emeyi kadikɔ ku lɛbentaa
ku ese ku atoloyii ku kɔkpɛɛ lidu lidu.
Nsu bina kasusu kadi biala kelesie
Unwoti ku nwuna ablala lɛlɔ.
13Ɔmɛni ɔsu ndubɔya na mina bekyuli
benwini bekeline na lɛma bamba ala kalɔ tenu ɔsu.
Benengu bani nnye kunyekɔ kunengudi
ku babune ƒui kɔka kɔdubo-ma bɔdu.
Na utukwɛ ɔdu bekyuli lisu bakladi.
14Kaƒiɔtɔ kadaku akpu bɔta
na adila abuni ani na ɔdubɔkɛ
bɔsiku Yerusalem lɛlɔ ɔsu.
Babune ku bekyuli keeke ƒui
badubo-ma bubweli ku bana ntɛ bekpine ƒui.
15Limeyi lɛmmɔ lɛlɔ na bani mɔɔtalaku lɛlɔ katɔ ƒui
badubo bubuli bɔkpi ɔtumu.
Na bani mɔɔnu lɛlɔ katɔ katɔ ƒui beboku-ma kalɔ.
16Na Katɔti lɛnyi likeye
na lɛkɔ katɔ
ka ɔɔtɛ litemi siin ɔsu.
Na banu kalɛ na Unwoti use kedee,
na kalɛ na ɔɔbla ala siin ɔsu.
17Na kesii kani na Unwoti úbile ala mmɔ ni,
mmɔ na baƒonu badubo bɔdi.
Na baƒonubi ku besebi ƒui badubɔkɛ kadikɔ.
18Bɔbuɛ ute amii bani nda ɔkɔ etemila
na bɛ́ni ekpidi bɛdanku bɛkɛ aani kɔbuli,
na bina ulikplu ala bɔbla ese
aani kɔbuli kɔni mɔɔní kɛɛkɛ taavinku.
19Amii bani mɔɔpii Israel Unwoti Kedee bɛnini,
“Babla na abla lɛla lɛdi bɔnu!
Bo lɛlɔ na atina-bu lɛla lɛni na adubɔkana bɔbla.”
20Bɔbuɛ beete bekyuli bani mɔɔnu likpidi banii lɛbuni
na lɛbuni banii likpidi lɛdi,
ku bani mɔɔnu lɛla suu banii bukeye,
na si bánu bukeye banii
lise suu,
ku bani mɔɔnu ɔdu banii emini
na si bánu emini banii
ɔdu na ɔdi.
21Bɔbuɛ beete bekyuli bani mɔɔnu lɛlɔ banundane
na baakali ka bagyi lɛla lɛdi.
22Bɔbuɛ beete bani na ntɛ kanikɔ na badi bayikune
na ama ntulo ƒui ka baasála-mu lidu lidu taani ɔsu.
23Bekyuli bani mɔɔbɛ́ taaƒɔ ala,
na beete balalane ubo ka bekeli bana kɔtu bɔni,
na baaní bekyuli babuni mmomu kɔtu ni, bɔbuɛ beete-ma.
24Anwuɔsu bana ƒui badubo bɔkywi bɔyii udu
aani kalɛ na ogya ɔɔkyula livo ku keti.
Bana ligyiitu lɛdubo bubun na bana anwula awiɛ.
Ɔsika bekyuli bamɛni béni Unwoti Ɔyikune Ƒui ɔda bubo.
Na béni banii belenu Israel Unwoti Kedee litemi.
25Ɔmmɔ ɔsu na Unwoti uuti kɔnyi kpakplaa
taakya nwuna bekyuli.
Na ɔ́talaku kɔnu katɔ ka ɔƒiɛmi-ma ɔva kalɔ.
Abi ƒui ákunku, na bani nékpi ƒui ɔlɔna
uwi lilu lɛlɔ aani alakpi.
Nsu ɔmmɔ ƒui útayɔ tɔ Unwoti kaƒɔ.
Ɔsika ɔ́mu ɔ́tala kɔnu unye.
26Ɔ́kɔliku aƒlaga úte kadi bani na ɔgyu kakaaka.
Na ɔ́vwi uƒiomu ɔ́kpali bani na kayawi kawɔlɔkɔ ƒui.
Aanu-ma ka bakɛ ku usi badubo.
27Na lɛlɔ liletu ɔdi iye ɔgbanta lɛnɔ.
Lɛlɛɛ liléti ɔdi iye ɔtɛ ɔlɛɛ lɛnɔ.
Bana akɔ ɔdi kadii iye lɛgbanvuo kabuli kaláƒɛnimi.
28Bana atula inye bubo ɔbi yayaaya,
na báni bana kɔtaminta benye bete kekpo.
Na bana bapɔnkɔ lɛgbanvuo libo ɔkplu litulo abuala
na bana kɛɛkɛ kagba kuunwíni
teetulo ɔƒɛƒɛɛ ɔni mɔɔkya ligede.
29Na baakwanyi aani bagyata,
na beebó adi si béƒie lɛla lɛdi,
na beti-ni batɔlɔku ɔni na ukyuli ɔdi uuubo
na ɔkana-ni bɔƒɔ na bana kudɔ.
30Na limeyi lɛmmɔ ni, badubɔnwini bakya-ma,
aani kalɛ na ɛpu ɔɔnwini.
Na liƒlukutu suu lɛdi ku kɔnyana
kɔdubɔƒɔ Israel ƒui, na ɔkɛnku ɔmmɔ ɔsu
basɔ balanu bukeye bɔdi.
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.