Yesaia 46
46
Babelƒuɔ Baƒiɔ Lɛlɔ Kɔtɛ
1Babelƒuɔ baƒiɔ bani ndi
Bel ku Nebo ɔdi ɔ́sa.
Bana baƒiɔ egyiiku na bála básia bebuo ala betine lɛlɔ bésela.
Na ɔdi etila úte bebuo bani náanɔ geen mmɔ.
2Aanu baƒiɔ bammɔ enu ku akɔnkɔ nlɛ kalɔ,
na bátakana na báƒɔ bekyuli bammɔ ngba
na bana ɔgbankpi kemmo.
Nsu básɔ bágyu-ma béti baatɔlɔku,
ɔni na kekpo kéƒie-ma na bésela kalɔ bamba lɛlɔ.
3“Amii bani nébu na Israel
kalɔ lɛlɔ
binu ami Unwoti lɛdi.
Ɔsika ɔ́si limeyi lɛni na báwɔ-mii
kani na líse kalɔ
mɔɔnu-mii lɛlɔ,
na nda-mii mɔɔvínku.
4Na ami ni, kalɛ nse
lɛni kani na ndubo buse
uwi ɔni na amii bɛ́ɛbi lɛlɔ na eli áƒuala-mii,
na ami ndi ukyuli ɔni nda-mii mɔɔnu lɛlɔ.
Ami nédie-mii na ami kani ndubo-mii lɛlɔ butaanu
na lidie-mii na lɛda-mii kɔkɔɔkɔ.
5“Ukyuli ɔdi ɔɔɔdi-mi ligye
na ɔdi lɛnɔ ulakana na weti lɛlɔ wakɔku-mi.
6Bekyuli badi beesié taatáƒɔ
ala bakywɛne na kayu kenye,
na bete-ma sika ugyiedi ku ɔƒualadi,
na betu-nwu babla baƒiɔ bete-ma na bataakpa.
7Baagyú baƒiɔ bammɔ taasia lɛmangba
taatáwia-ma kesekɔ, nsu ama alati balákana busie.
Na si uwi ɔni na lɛla lɛdi lítulo bekyuli bammɔ ni,
na besie batákpali-ma banii baƒiɔ bammɔ bebunku-ma
nsu balákpete-ma na bedie kenye kadi
na balákana-ma bubunku lɛnɔ.
8“Ɔƒaani ni, mɔɔyɔ́ ka biƒie ɔmɛni bɛkya lili,
amii alaekpidi bablane na bɛsɔ bitayiƒala.
9Bɛbla kasusu bɛsiku ala ani nálɛ akwa pii ábavi lɛlɔ.
Ami lɛti kani ndi Katɔti!
Na ɔbambadi ɔdi ɔsɔ uuubo uuubunku-mi mina kalɛ.
10Lɛla biala kalɔ kesekɔ ƒui
na lɛ́su líse ala ani
ndubo abálɛ
asa na aalɛ́ ɔmwi na bɛɛnu.
Na ɔɔtina ka lɛ́di mina
litemi lɛlɔ.
11Lɛ́kpaku ukyuli ɔdi lɛ́siku kalɔ na ɔgyu ƒui,
na úbo úbabla lɛla lɛni na mɔɔwia ka ɔbla ute-mi.
Úkpo bekyuli ɔ́si ɔƒɛ katukɔ
aani kalɛ na kasangbii kaatu taayu teeƒie lɛla lɛdi.
Na ɔƒaani ni, ndubo mina litemi lɛlɔ bɔdi
na lɛbla lɛla lɛni na lɛ́su líse.
12Bise atu na binu, bina atu ebo ɔkplu geen,
na kalɛ na bɛkana na bilie ƒaa ku atu bɔyɔ bɔ́gyunku-mii.
13Ndubo mbaƒɔ-mii, na uwi ɔsɔ uletu.
Ńtagyunku-mii, ɔsu lɛɛɛdubo uwi ɔdi bubile.
Ndubo Yerusalem budie na mina lɛnyi likeye na Israel.”
Currently Selected:
Yesaia 46: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
