Yesaia 27
27
Katɔti Údie Israel Kadi Bekyuli
1Na kɔnyi limeyi lɛmmɔ lɛlɔ ni,
Unwoti ɔdubo ku nwuna kewii bonwu
kani mbo ɔkplu na kebo ɔbi yayaaya,
na ɔni bayikune bani ntulo ƒui mmɔ kɔtu.
Ada bonwu ɔni muukeli,
na ɔɔkono lɛlɔ taatu teetéwi,
ku liƒu kebweyi bonwu kani na ɛpu kemmo,
na badi bayikune mmɔ na ɔdubo bɔdu ƒui.
2Na limeyi lɛmmɔ lɛlɔ ni,
Unwoti ɔdubɔsu ɔnini,
“Bidie ɔnu na egyiibi kemo
kani mɔɔnwu kaduɛ mɛni lɛlɔ.
3Bɛsu ka ami Unwoti mɔɔnu kemo kammɔ lɛlɔ.
Na muuwi-ka ntu uwi ndi uwi
na mɔɔgyumana-ka lɛnɔ usien ku ɔƒɛ
kalɛ na ukyuli ɔdi ulésie uletébile-ka.
4Ńtakɛ kɔnyi na kemo kammɔ lɛlɔ.
Ɔsika si bekisine badi-mi
aani liyu ku alakpigya ni,
nka ndubuduo-ma lɛlɔ mmɔ na lɛkyula-ma ƒui.
5Na si use lɛni na békeli bébekpi-mi kɔtɔ
na báwia ka buwi kenye ntu
na bɔbla unwi ni, ɔdia-ma utulo.”
6Uwi ɔdubo ɔni mina kadi bekyuli
badubo ligyiitu budie na Israel kadi bamɛni
badubo bɔta na bedie evete
na banwu ebi pii beyile kayawi.
7Bɔni na Unwoti ɔ́ni Israelƒuɔ kɔtu
kalɛ na ɔ́ni bana bekisine kɔtu?
Munuu ɔ́du-ma kalɛ na ɔ́du bekyuli
bani nádu Israelƒuɔ?
8Kekpo ku bana bɔbɔku taatákya kɔlɔ bamba kemmo
ndi lɛla lɛni na éti ékpoku-ma
aani ɔƒɛƒɛɛ kpakplaa ɔni muukpó taasi ɔƒɛ katukɔ
na uubó ala taatɔlɔku.
9Na ɔkɛnku ɔmɛni lɛlɔ
na ndubudie kɔtu bɔni
bana lɛlɔ
na bana ekpidi ammɔ alɛ-ma lɛlɔ ƒui.
Na lɛnɔ ni, ntu bábwɛ akpabi
ani na bátu ku atabi mmɔ kpɛtɛ kpɛtɛ.
Na babwɛ Asera baƒiɔ na bagyu-ma
ku lɛƒiɔgyii lɛmmɔ na abi lɛlɔ
kesii kani na baakyula oloƒui teete-ma mmɔ ƒui
na basɔ balanu ka ɔdi unye.
10Na Israel lɛma linengudi
lɛni na bátu bámana mmɔ ƒui
asɔ elénu kɔku kɔdi nina kemmo,
ɔsika badubɔda lɛma ku kɔduli kɔmmɔ bewi
na kɔkwɛ livo ɔbla aani kalɔ kakwiidi
kesii kani na bebuo baaví
na beekpeli egyii evete taakun taatɛ mmɔ
na evete asa kɔgba kɔmmɔ lɛlɔ.
11Na si egyii ammɔ kɔgba
kɔ́kwii ni,
kɔɔƒɛ na beleku babayɔ-ku basala ogya.
Ɔsika lɛni na Israel kadi bekyuli bamɛni bese
na belenu na balanu ala taati.
Anwuɔsu na bana udiene lɛnɔ
ɔɔɔdubo-ma kɔnyana bɔnu.
12Nsu ni, uwi ɔdi ɔdubo ɔni na Unwoti ɔdubo-mii bubo kedenkɛ lɛlɔ na ɔla-mii unwi unwi ɔsiku Euƒrate Ketu kɔtu na ɔƒɛ katukɔ útédu Egyipte utukwalɛ kalɔ na ɔƒɛ kanukɔ aani kalɛ na beebó kamu na kedenkɛ lɛlɔ teewiile-ka ebi. 13Na badubɔvwi lise bete bani na báyii bakya Asiria kalɔ lɛlɔ ku bani na bábɔku bálɛku Egyipte kalɔ lɛlɔ na limeyi lɛmmɔ lɛlɔ na bebo bebemwi Unwoti na kɔbi kedee kɔmmɔ lɛlɔ na Yerusalem.
Currently Selected:
Yesaia 27: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
