Esekiel 3
3
1Amu na Unwoti ɔ́su ɔnini, “Esekiel, ɔyawine ubi, si ákun kakunkɛ kamɛni áwɔlɔ ni, na esie na atátɛmiku Israel bekyuli.”
2-3Úti kakunkɛ kammɔ úte-mi na ɔ́su-mi ɔnini, “Kun kakunkɛ kamɛni na emo.” Na ami lɛnɔ lɛ́kun-ka na káyu-mi emini na kenye kemmo aani uwɔ.
4Unwoti ɔ́nini, “Esekiel, awɔ ɔlati ƒula bekyuli kudɔ na mɔɔtala-a. 5-6Na Israelƒuɔ na badi. Baaadi baƒɔ bani mɔɔtɛmi lɛdi bamba lɛni na alakana bunu. Si baƒɔ kudɔ na lɛ́tala-a ni, nka badubunu-ɔ litemi. 7Nsu Israel kadi bekyuli badubo buni na belénu litemi, ɔsika béni na bétenu-mi litemi. Bana ƒui bebo atuɔkplu na kayi kétitili-ma, 8anwuɔsu ndubo bɔya na awɔ lɛnɔ abla atuɔkplu akya-ma na kayi ketitili-ɔ bana kalɛ. 9Anumi adubo-ɔ bugyie geen ka asu mina litemi ɔni na lɛla lɛdi lilakana-a ulu butile. Ndubo bɔya na ayu ɔkplu kpakplaa aani sika lɛtabi kpakplaa lɛni muukeye. Batuɔkplune bammɔ lɛla lɛdi biala lilakana-a liƒu bɔkya na ataayia-ma.
10“Se atu na enu lɛla biala na ndubo-ɔ bɔsu kaduɛ na abla kasusu asiku-nya lɛlɔ. 11Ɔmmɔ kana na esie bekyuli bani na awɔ ku-ma na béti béboku Babilon mɛni kudɔ na asu-ma ka adanku linyesia lɛdi ásiku ami Unwoti Katɔti kudɔ éboku-ma. Beenú o-o, belenu o-o ni, awɔ bla kalɛ na lɛ́su-ɔ.”
12Amu na Kɔyu kɔmmɔ kúti-mi uwi ɔni kani na Unwoti bukeye bɔmmɔ búse kalɔ bɔɔyii taakya-mi anumi na línu lɛdi bonwu lɛdi na mina kama ku budu momoomo. 13Na kɔku kɔmmɔ kɔdi bebweyi ine bammɔ avwi ani muukuo lɛlɔ ku kɛɛkɛ ebi ammɔ bunwini. 14Ɔmmɔ kama Kɔyu kɔmmɔ kúti-mi kɔ́tɔlɔku.
Na Unwoti ɔyikun ɔ́ƒɔ-mi lɛlɔ kemmo ƒui na líti kɔnyi na livo lɛnɔ liiƒí-mi geen.
15Uwi ɔni na línwini líbo mina badi bani nli kɔbi kɔni baalɔ banii Abib na ude Keba Ketu kudɔ mmɔ ni, lɛ́kya-ma kudɔ mmɔ emeyi maatɛ na mina kasusu kábla-mi kalɛ kadi ku liƒu na lɛla lɛni nálɛku-mi mmɔ ɔsu.
Unwoti Údie Esekiel Úse Ka Utaasia Ala Anu
16Ka lɛ́nu Unwoti Bukeye emeyi maatɛ kama ni, Unwoti ɔ́su-mi ɔnini, 17“Esekiel, ɔyawine ubi, lídie-ɔ líse ka ataasia Israelƒuɔ anu. Anwuɔsu se atu na enu lɛla lɛni na mɔɔsu-ɔ na alɛ-ma kpakplaa ete-mi. 18Si lɛ́su balalane nnii badubo bukpi na bana ekpidi ɔsu ni, ɔlɛka alɛ-ma kpakplaa anii bada bana ekpidi bɔbla baya na benwini kayi kalɛ na baláni-ma kɔtu. Na si éni na átabla lɛni ni, bana kukpi kɔkɛ-ɔ. 19Nsu si álɛ-ma na bamu benye baabla bana ekpidi bɔdi ni, badubo bukpi na ekpidi ammɔ ɔsu, nsu awɔ édie lɛlɔ na lɛla lɛdi lɛɛɛda-a.
20“Ɔƒɛni si bekyuli babuni lɛnɔ bése kalɔ baabla ekpidi na lɛ́ya na ala aabala-ma na bana ngba keliela ulu lɛlɔ na ala asɔ alátɛku-ma ni, bámanku ka bekpi. Anwuɔsu si ébulo na átalɛ-ma ni, ndubo bɔyiƒala uwi ɔni na básiaku-mi kama siin na bekpi, nsu bana kukpi kɔsia-a lɛlɔ. 21Nsu si álɛ-ma na bénu na bénwini kayi ni, ndubɔya na belie ngba. Na lɛla lɛdi lɛɛɛda awɔ lɛnɔ.”
Unyemi Kabuli Káƒɛ Esekiel Na Ulakana Butemi
22Unwoti ɔyikun ɔ́ƒɔ-mi lɛlɔ kemmo na ɔ́su-mi ɔnini, “Ta nye! Teesie kɔwɛ kemmo ngye na ndubo-ɔ bɔtɛmiku na mmɔ.” 23Amu na lɛ́ta lísie kɔwɛ kemmo mmɔ kɔnakunwi kesii kani na ńtánu Unwoti bukeye aani kalɛ na lɛ́nu ḿbavi na Keba Ketu kɔtu mmɔ na lɛ́yu líbi anumi kalɔ.
24Nwuna Kɔyu kɔ́ƒɔ-mi lɛlɔ kemmo na kɔ́tala-mi kúnyene mina lɛgba lɛlɔ. Mmɔ na Unwoti ɔ́su-mi ɔnini, “Nwini sie na atákalɛ lɛlɔ akya ƒula ɔtɔ kemmo! 25Badubo-ɔ bunyimi kalɛ na asɔ akya mmɔ na alálɛ. 26Na ndubo bɔya na alakana bɔtɛmi iye alɛ bekyuli bani náta benye-mi lɛlɔ mmɔ. 27Nsu uwi ɔdi ɔdubo ɔni na ndubɔtina-a lɛla lɛni na adubo bɔsu na adubo bɔkana na asɔ atɛmi na uwi ɔmmɔ lɛlɔ na asu bekyuli bammɔ mina litemi. Badi badubo bunu na badi lɛnɔ beni na belénu.”
Currently Selected:
Esekiel 3: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
