Esekiel 19
19
Bédie Ɔkwanu Béte Israel Batɔnkune
1“Esekiel, die ɔkwanu ɔkɛnku Israel bagabi lɛlɔ 2na asu anini,
“ ‘Ƒ'ini ɔdi gyata uni ɔdi udu.
Na ɔ́kya bagyata bamba akɔ!
Ɔɔyu taatɛ bagyatabi
bammɔ akɔ
na ɔɔnyuɛ nwuna bebi.
3Na ɔ́tina bana akɔ unwi kabui
na ɔdi gyata ɔni na ubo
ogya geen.
Na ɔ́tɛya kalɛ na ɔsiaku ebuo
na uƒie-nwu ɔduli.
Na ɔɔduli bekyuli teebweli.
4Kadi bekyuli ƒui bénu-nwu
kɔku kɔmɛni.
Na béku ubu bonwu ɔdi
bákywɛ-nwu kakpagyuɛ na úbanu-ka.
Na bábala-nwu abuala
na báni-nwu bésienku Egyipte kalɔ lɛlɔ.
5“ ‘Uni únye utaanu-nwu ulu ka unwini ubo,
nsu únye ɔ́nɔ.
Ka ɔ́yila lɛnunsia ɔsu ni,
ɔ́ƒuna nwuna ubi bamba
na ɔ́nyuɛ-nwu na ɔɔbla
ogya geen.
6Anwu lɛnɔ ɔ́kya útaabwi
na bagyata bamba akɔ
na ɔdi gyata ɔni na ubo
ogya geen.
Ɔ́tɛya kalɛ na baasia ebuo teeƒie-nwu.
Na útaaduli bekyuli taakun teebweli.
7Ɔ́bwɛ lɛma kɔgyumanakɔ kɔni na bátu bényene mmɔ úwi kalɔ,
na úbile ala na lɛma kemmo na lɛ́ƒɔ lɛlɔ liwi ukpludi.
Na kalɔ kemodi kammɔ ku bekyuli bani ƒui nkya-ka kemmo ni,
liƒu geen liiƒie-ma si ɔɔkwanyi.
8Kadi ƒui bekyuli bábata bénye-nwu lɛlɔ.
Na bási kɔlɛkɛ bonwu bonwu
kɔni na amadɔ mmɔ ƒui kemmo bébo
bébeku ubu bákywɛ-nwu kakpagyuɛ.
Na kakpagyuɛ kammɔ kédie-nwu.
9Bábala-nwu abuala adi na báni-nwu bákya lɛyu lɛdi kemmo
na béti-nwu bésienku Babilonƒuɔ ɔga kudɔ.
Mmɔ na bátábala-nwu bákya ɔtɔ katɛnkɔ kadi.
Anwuɔsu ukyuli ɔdi ɔsɔ ulenu-nwu bɔkwanyi
na Israel abi lɛlɔ mmɔ
bene ƒui.
10“ ‘Ƒ'ini ɔdi kɔdingyii kabuli kani na kenye ketu kɔtu.
Na ka kɔɔƒɔ́ ntu pii na mmɔ ɔsu ni,
kúdie kɔgba ku ligyiitu pii.
11Nwuna kɔgba kpakplaa kɔmmɔ
kunye kute kenyekɔ ɔyikun
na kɔ́kuku kutulo egyii ƒui.
Na kalɛ na kɔ́lɛ lili na kubo ɔkplu ni,
ukyuli biala ɔɔnu taati.
12Nsu na kɔnyi ɔsu ni, lɛ́gyu-ku lídie mmɔ ku lidu ku lidu
lɛ́va kalɔ na ɔƒɛƒɛɛ ɔni mɔɔkula ala
ɔ́si kalɔ kakwiidi lɛlɔ úbo úbakula-ku ku ebi
ani na asia-ku lɛlɔ ƒui
na kɔ́yɛyɛ.
13Ɔmmɔ kama béti-ku bátálɛ kalɔ kakwiidi
kani náƒɔ ogya lɛlɔ.
14Na mmɔ ni, kugyii kɔmmɔ ntɛ kɔ́ƒɔ ogya
na ɔ́da úsie kuna kɔgba akɔ
na kɔ́kyula-ku ku ebi
ammɔ ƒui
na kagba kadi kásɔ kétebu
ɔni na kugyii kɔmmɔ kɔ́sɔ kunye salalaa.’
“Ɔkwanu ɔmɛni ni, budie na ɔlɛka bedie-nwu ku kɔnyana.”
Currently Selected:
Esekiel 19: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
