Esekiel 15
15
Yerusalem Ɔdi Kɔdingyii Kukpidi Kɔni Neeebo Kɔsia
1Na uwi ɔdi kama ni, Unwoti ɔ́su-mi ɔnini, 2“Esekiel, ɔyawine ubi, bi mɔɔlɛ́ku atoo kabuli si béde ebi bédie-ka lɛlɔ ƒui báwɔlɔ? Kabuli kammɔ keeese aani lɛku kemmo egyii bamba. 3Ɔsika kabuli kammɔ kaaadi kugyii kɔni na kubo ɔkplu na ɔdia lɛla lɛdi bɔbla. Na nwuna kɔgba lɛnɔ kuladia bukulo bɔbla ewele na bebo balɛ kesii kadi na baƒala ala. 4Bɔmɛnɛ kani na bakana bamɛnɛ-ku bakya ogya. Na si ekuku ammɔ ákywi áwɔlɔ na énwini ntɔ ni, ɔsɔ uuubo kɔsia kɔdi. 5Kabuli kammɔ keeebo kɔsia kɔdi asa na badubo bɔkyula-ka muedi. Na si bákyula-ka báwɔlɔ lɛnɔ ni, ɔsɔ uuubo lɛblakula lɛdi munu munu.
6“Ami Unwoti Katɔti muusé kenye nnii kalɛ na baakyula atoo kabuli aani ekyweni kalɛ ni, 7lɛni na ndubo ogya buti bɔkyula Yerusalem bekyuli. Na si uwi ɔni na ala amɛni álɛ ni, awɔ Esekiel adubɔnu ati ka ami ndi Unwoti. 8Ndubo bɔya na bana kalɔ kenwini kalɔ kekpludi kani neeebo kɔsia kɔdi, ɔsika kaladia lɛla lɛdi bɔbla na ɔni na baládi litemi geen lɛlɔ teete-mi ɔsu. Ami Unwoti Katɔti násu.”
Currently Selected:
Esekiel 15: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
