قصة الأنبياء 33
33
لقاء النبي يعقوب مع أخوه عيسو
1وبعدين بَص النبي يعقوب فشاف أخوه عيسو ومعاه ٤٠٠ رجل من بعيد عليه جايين. فقسم أهل بيته وخلى كل أم من زوجاتهِ ليئة وراحيل مع أولادها، وكمان عمل نفس الشيء مع أولاد الجاريتين. 2وبعدين فرق بينهم وخلىَ الجاريتين وأولادهم في الأول، ومن بعدهم خلىَ ليئة وأولادها، وبعدين خلىَ راحيل ويوسف أخر ناس ماشين. 3أما النبي يعقوب فتقدم ومشى قدامهم ناحية أخوه عيسو، ولحد ما قرب منه كان انحنىَ قدامه سبع مرات بإحترام. 4فجرَى عيسو وحضن النبي يعقوب وقبله، وبكوا هم الاتنين. 5ولما شاف عيسو النساء والأولاد جايين، سأل النبي يعقوب: «مَن دول الي وراك جاين؟» فرد عليه النبي يعقوب: «دول أولادي الي انعم عليَّ بهم رب العالمين». 6فقربت الجاريتين وأولادهم وانحنوا باحترام قدام عيسو. 7ومن بعدهم قربت ليئة وأولادها وانحنوا باحترام قدام عيسو، ومن بعدهم قربت راحيل ويوسف وانحنوا باحترام قدام عيسو زي ما عمل الباقيين.
8فسأل عيسو النبي يعقوب: «إيه اللي قصدته يا يعقوب بقطعان البهائم والأنعام الي قابلتها واحنا في الطريق جايين؟» فجاوبه النبي يعقوب: «قصدت إن هديتي تسبقني يمكن أنول رضاك». 9فقال له عيسو: «احتفظ أنت باللي عندك، فأنا عندي منها دلوقت كثير». 10فقاله النبي يعقوب: «لا يا أخي، إن كنت رضيت عني، فتفضل وأقبل هديتي. فالرضا اللي شفته على وشك كأني شفت الرضا من رب العالمين. 11اتكرَم وباركني وأقبل هديتي. فربنا أكرمني بالكثير ومن كل النعم رزقني». فقبلها عيسو منه بعد ما شدد النبي يعقوب والح عليه.
12وبعدين قال عيسو للنبي يعقوب: «طيب خلينا نرحل من هنا وأنا هاكون قدامك واحنا في الطريق ماشيين». 13فقال النبي يعقوب لعيسو: «يا أخي، زي ما أنت شايف أولادي لسه ضعاف وصُغيرين، والمواشي مُرضعة أصابها الإعياء ويمكن تهلك لو زدت عليها يوم تاني من العناء. 14فتفضل أنت يا أخي الكريم واسبقني، وأنا من وراك أسوق ماشيتي وامشي بأهل بيتي في الطريق على مهلنا، لحد ما اوصل بهم جبل سعير وهناك نتقابل.» 15فقال عيسو للنبي يعقوب: «طيب بس خليني اسيب معاك رجالي يكونوا في صُحبتك.» فقاله النبي يعقوب: «وليه كل ده؟ يكفيني الرضا اللي لقيته في مودتك.» 16فمشىَ عيسو في طريقه في نفس اليوم راجع على سعير 17أما النبي يعقوب فقلبه مكانش مُطمئن، وبدل ما يمشي ورا عيسو رحل للغرب ناحية نهر الأردن، ونصب للمواشي بتاعته مظلات وبنى لنفسه ولأهله بيت. وعلشان كده المكان ده بقىَ اسمه سكوت (ومعناه الْمظلات).
18ومن هناك رحل لحد ما كمل رحلته من بلاد آرام ما بين النهرين ووصل بسلام لأرض الكنعانيين، ونصب خيامه عند أطراف مدينة شكيم (اللي اسمها دلوقت مدينة نابلس). 19وبعدين أشترى من أولاد حَمُور أبو شكيم قطعة أرض نصب عليها خيامه بـ100 قطعة من الفضة. 20وبنى هناك مكان لتقديم القرابين لله، وسماه مكان عبادة الإله رب يعقوب.
Currently Selected:
قصة الأنبياء 33: EAT
Highlight
Share
Compare
Copy
Want to have your highlights saved across all your devices? Sign up or sign in
Wycliffe Bible Translators, Inc.
