قصة الأنبياء 31
31
رحيل النبي يعقوب من حاران
1وعرف النبي يعقوب اللي بيدور بين ولاد لابان وأنهم بيقولوا: «استولىَ يعقوب على مال أبونا، وجمع منه ثروته كلها». 2وكمان شاف النبي يعقوب أن معاملة لابان معاه اتغيرت ومبقتش زي الأول. 3فأوحى الله تعالى للنبي يعقوب وقال له: «يا يعقوب أرجع لأرض أبوك وأهلك، وأنا هكون موجود معاك».
4وكان النبي يعقوب بيرعىَ الغنم في الحقول، فبعت لراحيل وليئة علشان يجوا لعَنده. 5ولما جُم قالهم: «اسمعوا، معاملة أبوكم اتغيرت من ناحيتي ومبقتش زي الأول، لكن إله آبائي كان معايا. 6وأنتم عارفين قد إيه كان إخلاصي لأبوكم في خدمتي، 7أما هو فغشني وعشر مرات غَيَّر أجرتي. إلا أن ربنا مأرادش أنه يضرني، 8فلما أبوكم قال لي: الغنم المُبقعة هتكون أجرتك، كانت مشيئة ربنا أن الغنم القوية تيجي مُبقعة كلها. ولما أبوكم قال لي: الغنم المُخططة هتكون أجرتك، كانت مشيئة الله أن الغنم القوية تيجي مُخططة كلها. 9وبكده أخذها ربنا من أبوكم وخلاني امتلكها. 10فلما جه موسم تزاوج الأغنام، شفت في المنام الذكور من الفحول المُبقعة بتنكح الإناث من الأغنام. 11وفي الرؤيا ناداني ملاك الله: يا يعقوب! فرديت: أنا اهه موجود! 12فقال لي المَلَك: بص حواليك وشوف الفحول بتنكح الإناث من الأغنام. وأعلم أن الله عالم بإللي عمله معاك لابان. 13وأن الله تعالى بيبلغك ويقول لك: أنا اللي أوحيت لك في قرية بيت إيل، مكان ما مسحت العمود بالزيت وندرت لي ندر هناك. حان الوقت إنك ترحل عن الأرض دي وترجع لأرض مولدك. 14فردت راحيل وليئة وقالوا: وهو فيه حاجة فضلت لنا من ورث أبونا؟ 15ده كأننا مش بناته وزي الأغراب بيعاملنا، بعد ما باعنا في جوازنا وأكل كمان مهرنا! 16دلوقتِ اعمل زي ما أمرك ربنا، فكل الثروة دي حقنا وحق أولادنا، بعد ما ربنا أخذها من أبونا وخلاها في ايدنا».
17فقام النبي يعقوب، وجهز الجمال وحَمّل عليها حريمه والأطفال، 18وساق النبي يعقوب قدامه مواشيه وأغنامه، وكل اللي أتحصل عليه من لابان في بلاد ما بين النهرين، ورحلوا على أرض الكنعانيين مكان ما ساكن أبوه وأهله. 19في الوقت ده، كان لابان بيقص صوف غنمه في مكان بعيد عن مكان النبي يعقوب بـ3 أيام. فقبل ما يرحلوا استغلت راحيل غياب أبوها وسرقت التماثيل اللي كان بيتبارك بها. 20وبكده غفل النبي يعقوب خاله لابان وهرب من غير ما يقوله ناحية أرض كنعان. 21فعبر النبي يعقوب نهر الفرات ومعاه حريمه وأولاده وكل اللي اتحصل عليه، ومشوا ناحية أرض جلعاد الجبلية شرق نهر الأردن.
لابان يطارد يعقوب
22وبعد 3 أيام عرف لابان أن يعقوب رحل وهرب منه. 23-25فجمع لابان عزوته وراحوا ورا النبي يعقوب، وبعد سبعة أيام حصلوه عند منطقة جلعاد جنوب دمشق. ونصب لابان وجماعته خيامهم هم كمان بالقرب من مكان ما النبي يعقوب ناصب خيامه. وفي الليلة دي حذر الله لابان في المنام وقال له: يا لابان، أحذر أنك تؤذي يعقوب أو تمسه بسوء! 26والصبح راح لابان وقال للنبي يعقوب: ايه الي عملته يا يعقوب، ليه غفلتني وسُقت بناتي قدامك زي الجواري؟ 27إيه اللي خلاك تهرب من غير ما تعرفني؟ لو كنت قولتلي إنك ناوي على الترحال، كنت ودعتك بوليمة واحتفال. 28وليه يا يعقوب منعتني من أني أودع بناتي وأحفادي؟ دي كانت حماقة منك يا يعقوب. 29ودلوقتِ أنا قادر أني أؤذيك، لكن إله أبوك حذرني ليلة أمبارح في المنام وقال لي: أحذر أنك تأذي يعقوب أو تمسه بسوء! 30طيب أنا ممكن أفهم أنت رحلت علشان أشتقت لبيت أبوك، لكن أيه اللي خلاك تسرق تماثيل الهتي الي بتبارك بها؟
31-32لكن يعقوب ماكنش يعرف أن راحيل قبل ما ترحل معاه سرقت التماثيل اللي كان بيتبارك بها أبوها. فقال النبي يعقوب للابان: يا خال، أنا خفت إنك تاخد بناتك مني غصب عني، فرحلت من غير ما أقولك. أما تماثيل آلهتك فأنا ماعرفش حاجة عنها، فلو مع أي حد منا لقيتها فالموت له جزاء سرقتها. اَهُم قرايبك بيني وبينك شاهدين، وإن كان لك عندي حق فهو مردود.
33-35ففتش لابان وبدأ بخيمة النبي يعقوب وملقاش حاجة له فيها، وبعدين دخل خيمة لَيئة وخيمة الجاريتَين وفتش وبرضه ملقاش حاجة فيها، بعدها خرج وراح علشان يفتش خيمة راحيل. لكن راحيل كانت حطت التماثيل في الكيسة اللي كانت على ظهر الجمل وقعدت عليها، ولما دخل أبوها قالت له: سامحني يا أبويا إن كنت مش قادرة أقف في حضورك، لإن عادة النساء فاجأتني. ففتش لابان في خيمة راحيل لكنه ملقاش تماثيل آلهته اللي كانت مخبياها راحيل وقاعده عليها.
36فتملك الغيظ من النبي يعقوب وعاتب خاله لابان وصرخ وقال له: أنا إيه اللي عملته وأيه اللي أذنبته؟ وليه بتطاردني وكأنني في حقك أجرمت؟ 37أهُه أنت دورت في كل الي عندي وفتشت، فحط قدام قرايبي وقرايبك الي يخصك وعندي لقيت، وهم يحكموا بيننا في الي به عليَّ ادعيت! 38طول 20 سنة خدمتك فيها، مافيش واحده من غنمك سقطت وِّلدها، ولا في يوم حتى أكلت من لحمها. 39والي كان السبع بياكل منها، ماكنتش برجع لك بجثتها، وكنت أنا اللي بيتحمل خسارتها، والي كان بيتسرق في ليل أو نهار منها، من أيدي كنت بتطلب عوض عنها. 40قد إيه أتحملت من حر نهار ياكل جلدي، وبرد ليل خلىَ النوم يخاصم عيني. 41عشرين سنة عندك خدمتها، أربعة عشر سنة منها مهر بناتك، وست سنين مقابل الغنم الي اتفقنا عليها، لكنك خدعتني وغيرت كلامك عشر مرات معايا. 42ولولا أن إله آبائي إبراهيم وإسحاق كان معايا وبيؤيدني، لكنت بإيدي فاضيه طردتني، لكن الله حفظني فهو عالم بتعبي وقد إيه في خدمتك تعبتني، فأنبك على اللي أنت عملته (وحذرك ليلة أمبارح من أنك تمسني).
43فرد عليه خاله لابان: يا يعقوب، اما البنات فبناتي، وأولادهم أولادي، والغنم في الأصل غنمي، وكلّ الي تملكه هو في الأساس ملكي. لكن دلوقتِ أنا هاعمل إيه بيهم، فلا حيلة لي في بناتي ولا في أولاد بناتي؟ 44فتعالى نعمل عهد يشهد بيني وبينك. 45وأراد النبي يعقوب أنه ينصب عمود علشان يكون توثيق للعهد بينهم. 46فأمر النبي يعقوب رجالته أنهم يجمعوا حجارة وفي كومة يرصوها، وقعدوا أكلوا وليمة العهد جنبها. 47والكومة اللي تعاهدوا عندها سموها كومة الشهادة، ومعناهاجلعيد بلغة النبي يعقوب العبرية، ويجر سهدوثا بلغة لابان الآرامية. 48-49وبعدها قال لابان: يا يعقوب، من النهارده حتكون الكومة دي شاهد على اتفاقنا. ورب الأرباب رقيب علينا لما نفترق عن بعضنا. 50عاهدني إنك لا تأذي ولا تهين بناتي ولا تتجوز عليهم زوجة تانية، حتى لو مفيش حد يعلم بك، فالرب هو الشاهد عليك. 51-52والعمود والكومة يكونوا حدود بينا، لا تتجاوزها أنت علشان تؤذيني، ولا أتجاوزها أنا علشان أؤذيك. 53وإله جدك إبراهيم وإله جدي ناحور شاهد على عهدنا وهو الحَكَم بينا. فتعاهدوا وأقسم له النبي يعقوب بإله أبوه إسحاق. 54فقام النبي يعقوب وقدم أضحية تقرباً لله، وعمل وليمة احتفال بالمعاهدة وعزم فيها كل الموجودين، فأكلوا وباتوا ليلتهم في الجبل أمنين. 55والصبح قام لابان وودع بالقبلات أحفاده، ودعا بالبركة لبناته، ومشى مع عزوته راجع على بيته في آرام في شمال أرض ما بين النهرين.
Currently Selected:
قصة الأنبياء 31: EAT
Highlight
Share
Compare
Copy
Want to have your highlights saved across all your devices? Sign up or sign in
Wycliffe Bible Translators, Inc.
