Sakariyaa̱ 12
12
Néná sa̱ꞌínkjié xota̱ kondra̱a̱ na̱xi̱ńdáꞌniú Jerusalee̱n
1Én xí katsóyàtjón Néná kjo̱a̱a̱ na̱xi̱ńdá Israee̱l:
Bi̱ tsó Néná, kui xi katsꞌéntiyá nkꞌajmii̱,
kui xi katsꞌénda nga̱són tꞌanangii̱,
ko̱jo kui xi katsjaá a̱siénni̱xtjin nga íjin ngi̱jin yojoo̱ xota̱ nga̱sondiee̱.
2Ngotꞌe̱ ꞌne̱, án boá xi sa̱ꞌinkjatsonyà an na̱xi̱ńdáꞌniú Jerusalee̱n, kó xikoó tsi ngo chi̱tsen nínga kꞌuiyá ka̱ma, kó ka̱machꞌi̱ni ngayeje na̱xi̱ńdá xí síndo nga ngo foaꞌatjiyajoo̱n, kó kjiꞌanga je tjíchjáꞌyaá na̱xi̱ńdáꞌniú Jerusalee̱n, ti̱ bo̱a̱ ti̱ ka̱mataꞌin na̱xi̱ńdáꞌniú xí chji̱a̱ni Jundáa̱ nga.
3Kó kui ni̱xtjii̱n, án boá xi sa̱ꞌin nga na̱xi̱ńdáꞌniú Jerusalee̱n xikoó tsi ngo ndi̱jo̱ xi je ka̱ma tsi̱ꞌe̱ ngayeje na̱xi̱ńdaá. Kó ngayeje xota̱ xi sa̱ꞌín ngaꞌniú nga ko̱nkꞌa, ka̱maxi̱, ndatsi nijan ku̱i̱ꞌíkjo yojoo̱ ko̱jo ngayeje na̱xi̱ńdá xí tjín ngayeje nga̱sondiee̱.
4Kó kui ni̱xtjin jàn, tsó Néná, ꞌniú sa̱ꞌinꞌóo̱n ngayeje ndi̱je̱, kó stsa̱kjon má, kó ko̱jo já xí síndosoón ka̱matsobeé, ta̱nga skjíxꞌá án ndyikón án kjo̱a̱a̱ xota̱ tji̱e̱e̱ Jundáa̱, tji̱e̱nga sa̱ꞌinti̱ka̱ an ngayeje ndi̱je̱e̱ xota̱ na̱xi̱ńdaá. 5Kósꞌe̱ xota̱ ngito̱ko̱ xi botixómaá Jundáa̱, bi̱ ka̱tso̱ ngi̱jin ini̱ma̱a̱: Ngaꞌniúna, kuí boá xi xota̱ na̱xi̱ńdá Jerusalee̱n, ndokꞌóchji̱nií Néná xí tsi̱ꞌe̱ jájuún, kui xi Nee̱ kui xotaa̱.
6Kui ni̱xtjii̱n sa̱ꞌin an nga xota̱ ngito̱ko̱o̱ Jundáa̱, xikó maá tsi to̱ko̱yándíꞌí xi tjítíngá ngi̱jii̱n chikiín ko̱jo ngi̱jii̱n xtjieé ka̱ma, ngatꞌa̱ kuí boá xi sa̱ꞌínkjié xi kꞌi̱e̱ xi ján ngayeje na̱xi̱ńdá xí síndotꞌaa̱, kó na̱xi̱ńdáꞌniú Jerusalee̱n ingo ndi̱yà kꞌuíndo nginí xota̱. 7Ta̱nga Néná tjón má ndiꞌaa̱ xota̱ tji̱e̱e̱ Jundáa̱ xi kꞌo̱xiéꞌá, tsi̱ꞌe̱ nga nkꞌajín ka̱maa̱ yojoo̱ kjo̱a̱a̱ Jundáa̱ xota̱ tji̱e̱e̱ Ndabii̱, ko̱jo xota̱ na̱xi̱ńdáꞌniú Jerusalee̱n.
8Kui ni̱xtjin jàn Néná boá xi ku̱i̱ꞌíchjaá ngayeje ni xi ndajín xi ka̱maa̱ xota̱ na̱xi̱ńdáꞌniú Jerusalee̱n, kui ni̱xtjin jàn kui xota̱ xi inda ngase ka̱maa̱, bo̱a̱ kon ka̱ma xikoó Ndabii̱, kó xota̱ tji̱e̱e̱ Ndabii̱, xikó maá Néná ka̱ma, xikó maá ndítsjie xi Néná ka̱ma ngindyi̱ko̱n kui. 9Kui ni̱xtjin jàn kꞌuingòo̱ ko̱n an nga sa̱ꞌinkjié an ngayeje na̱xi̱ńdá xí kondra̱a̱ na̱xi̱ńdáꞌniú Jerusalee̱n kꞌuíndoni.
10Kó xota̱ tji̱e̱e̱ Ndabii̱ ko̱jo xota̱ na̱xi̱ńdáꞌniú Jerusalee̱n kꞌuikitsiemáa̱ a̱siénni̱xtjin xi nda ko̱jo tsi̱ꞌe̱ nga ku̱i̱chji̱a̱na, kó an skotsíjenna, ngatꞌa̱ án boá xi katsꞌénꞌónna, kó skja̱ndá xikótsꞌèn chaꞌátjé ngo ndí xí tjón, kó ndasen ka̱maa̱ kjo̱a̱a̱ kui, xikó má tsꞌén ndasen máná kjo̱a̱a̱ ngo ndí xí tjón. 11Kui ni̱xtjin jàn achichí xchaꞌá ki̱a̱ na̱xi̱ńdáꞌniú Jerusalee̱n, xikó má tsꞌén kichaꞌá ki̱a̱ na̱xi̱ńdáꞌniú Andaa̱nd-Rimoo̱n ki̱a̱ nangi soón na̱xi̱ńdáꞌniú Mengindo̱. 12Kó tꞌanangii̱ ni̱ma̱ ka̱tso̱ nga skja̱ndá, ko̱jo xín tji̱e̱n ni̱ma̱ ka̱tso̱ nga skja̱ndá xki̱ xtín xota̱ ndiꞌa xikoó: Xota̱ ndiꞌa xi chji̱a̱ni xota̱ tji̱e̱e̱ Ndabii̱, xín tji̱e̱n, ko̱jo ínchjiín, xín tji̱e̱n, ko̱jo xota̱ ndiꞌa xi chji̱a̱ni xota̱ tji̱e̱e̱ Nataa̱n, xín tji̱e̱n, ko̱jo ínchjiín, xín tji̱e̱n nga, 13ko̱jo xota̱ ndiꞌa xi chji̱a̱ni xota̱ tji̱e̱e̱ Lebii̱, xín tji̱e̱n, ko̱jo ínchjiín, xín tji̱e̱n, ko̱jo xota̱ ndiꞌa xi chji̱a̱ni xota̱ tji̱e̱e̱ Simei̱, xín tji̱e̱n, ko̱jo ínchjiín, xín tji̱e̱n nga, 14ko̱jo ngayeje xtín xota̱ ndiꞌa xi ngasee̱, xki̱ xtín xota̱ ndiꞌa, kja̱xín kja̱xín, kó ti̱ xín tji̱e̱n ínchjiín nga.
Currently Selected:
Sakariyaa̱ 12: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Sakariyaa̱ 12
12
Néná sa̱ꞌínkjié xota̱ kondra̱a̱ na̱xi̱ńdáꞌniú Jerusalee̱n
1Én xí katsóyàtjón Néná kjo̱a̱a̱ na̱xi̱ńdá Israee̱l:
Bi̱ tsó Néná, kui xi katsꞌéntiyá nkꞌajmii̱,
kui xi katsꞌénda nga̱són tꞌanangii̱,
ko̱jo kui xi katsjaá a̱siénni̱xtjin nga íjin ngi̱jin yojoo̱ xota̱ nga̱sondiee̱.
2Ngotꞌe̱ ꞌne̱, án boá xi sa̱ꞌinkjatsonyà an na̱xi̱ńdáꞌniú Jerusalee̱n, kó xikoó tsi ngo chi̱tsen nínga kꞌuiyá ka̱ma, kó ka̱machꞌi̱ni ngayeje na̱xi̱ńdá xí síndo nga ngo foaꞌatjiyajoo̱n, kó kjiꞌanga je tjíchjáꞌyaá na̱xi̱ńdáꞌniú Jerusalee̱n, ti̱ bo̱a̱ ti̱ ka̱mataꞌin na̱xi̱ńdáꞌniú xí chji̱a̱ni Jundáa̱ nga.
3Kó kui ni̱xtjii̱n, án boá xi sa̱ꞌin nga na̱xi̱ńdáꞌniú Jerusalee̱n xikoó tsi ngo ndi̱jo̱ xi je ka̱ma tsi̱ꞌe̱ ngayeje na̱xi̱ńdaá. Kó ngayeje xota̱ xi sa̱ꞌín ngaꞌniú nga ko̱nkꞌa, ka̱maxi̱, ndatsi nijan ku̱i̱ꞌíkjo yojoo̱ ko̱jo ngayeje na̱xi̱ńdá xí tjín ngayeje nga̱sondiee̱.
4Kó kui ni̱xtjin jàn, tsó Néná, ꞌniú sa̱ꞌinꞌóo̱n ngayeje ndi̱je̱, kó stsa̱kjon má, kó ko̱jo já xí síndosoón ka̱matsobeé, ta̱nga skjíxꞌá án ndyikón án kjo̱a̱a̱ xota̱ tji̱e̱e̱ Jundáa̱, tji̱e̱nga sa̱ꞌinti̱ka̱ an ngayeje ndi̱je̱e̱ xota̱ na̱xi̱ńdaá. 5Kósꞌe̱ xota̱ ngito̱ko̱ xi botixómaá Jundáa̱, bi̱ ka̱tso̱ ngi̱jin ini̱ma̱a̱: Ngaꞌniúna, kuí boá xi xota̱ na̱xi̱ńdá Jerusalee̱n, ndokꞌóchji̱nií Néná xí tsi̱ꞌe̱ jájuún, kui xi Nee̱ kui xotaa̱.
6Kui ni̱xtjii̱n sa̱ꞌin an nga xota̱ ngito̱ko̱o̱ Jundáa̱, xikó maá tsi to̱ko̱yándíꞌí xi tjítíngá ngi̱jii̱n chikiín ko̱jo ngi̱jii̱n xtjieé ka̱ma, ngatꞌa̱ kuí boá xi sa̱ꞌínkjié xi kꞌi̱e̱ xi ján ngayeje na̱xi̱ńdá xí síndotꞌaa̱, kó na̱xi̱ńdáꞌniú Jerusalee̱n ingo ndi̱yà kꞌuíndo nginí xota̱. 7Ta̱nga Néná tjón má ndiꞌaa̱ xota̱ tji̱e̱e̱ Jundáa̱ xi kꞌo̱xiéꞌá, tsi̱ꞌe̱ nga nkꞌajín ka̱maa̱ yojoo̱ kjo̱a̱a̱ Jundáa̱ xota̱ tji̱e̱e̱ Ndabii̱, ko̱jo xota̱ na̱xi̱ńdáꞌniú Jerusalee̱n.
8Kui ni̱xtjin jàn Néná boá xi ku̱i̱ꞌíchjaá ngayeje ni xi ndajín xi ka̱maa̱ xota̱ na̱xi̱ńdáꞌniú Jerusalee̱n, kui ni̱xtjin jàn kui xota̱ xi inda ngase ka̱maa̱, bo̱a̱ kon ka̱ma xikoó Ndabii̱, kó xota̱ tji̱e̱e̱ Ndabii̱, xikó maá Néná ka̱ma, xikó maá ndítsjie xi Néná ka̱ma ngindyi̱ko̱n kui. 9Kui ni̱xtjin jàn kꞌuingòo̱ ko̱n an nga sa̱ꞌinkjié an ngayeje na̱xi̱ńdá xí kondra̱a̱ na̱xi̱ńdáꞌniú Jerusalee̱n kꞌuíndoni.
10Kó xota̱ tji̱e̱e̱ Ndabii̱ ko̱jo xota̱ na̱xi̱ńdáꞌniú Jerusalee̱n kꞌuikitsiemáa̱ a̱siénni̱xtjin xi nda ko̱jo tsi̱ꞌe̱ nga ku̱i̱chji̱a̱na, kó an skotsíjenna, ngatꞌa̱ án boá xi katsꞌénꞌónna, kó skja̱ndá xikótsꞌèn chaꞌátjé ngo ndí xí tjón, kó ndasen ka̱maa̱ kjo̱a̱a̱ kui, xikó má tsꞌén ndasen máná kjo̱a̱a̱ ngo ndí xí tjón. 11Kui ni̱xtjin jàn achichí xchaꞌá ki̱a̱ na̱xi̱ńdáꞌniú Jerusalee̱n, xikó má tsꞌén kichaꞌá ki̱a̱ na̱xi̱ńdáꞌniú Andaa̱nd-Rimoo̱n ki̱a̱ nangi soón na̱xi̱ńdáꞌniú Mengindo̱. 12Kó tꞌanangii̱ ni̱ma̱ ka̱tso̱ nga skja̱ndá, ko̱jo xín tji̱e̱n ni̱ma̱ ka̱tso̱ nga skja̱ndá xki̱ xtín xota̱ ndiꞌa xikoó: Xota̱ ndiꞌa xi chji̱a̱ni xota̱ tji̱e̱e̱ Ndabii̱, xín tji̱e̱n, ko̱jo ínchjiín, xín tji̱e̱n, ko̱jo xota̱ ndiꞌa xi chji̱a̱ni xota̱ tji̱e̱e̱ Nataa̱n, xín tji̱e̱n, ko̱jo ínchjiín, xín tji̱e̱n nga, 13ko̱jo xota̱ ndiꞌa xi chji̱a̱ni xota̱ tji̱e̱e̱ Lebii̱, xín tji̱e̱n, ko̱jo ínchjiín, xín tji̱e̱n, ko̱jo xota̱ ndiꞌa xi chji̱a̱ni xota̱ tji̱e̱e̱ Simei̱, xín tji̱e̱n, ko̱jo ínchjiín, xín tji̱e̱n nga, 14ko̱jo ngayeje xtín xota̱ ndiꞌa xi ngasee̱, xki̱ xtín xota̱ ndiꞌa, kja̱xín kja̱xín, kó ti̱ xín tji̱e̱n ínchjiín nga.
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014