Sakariyaa̱ 11
11
1¡Ji na̱xi̱ Líbano̱, chjáxꞌé jí nga̱ntjo̱a̱a̱,
kó ndiꞌií ngatsꞌenkjié yákóo̱n!
2¡Cheꞌé jí yásipree̱, ngatꞌa̱ yákoón jè tsꞌáka,
kó kui yá tsjákoón je ikichá!
¡Chaꞌájnú jún yáꞌáxka̱ xi chji̱a̱ni nangi Basaa̱n,
ngatꞌa̱ kui kꞌijñá xí jñó má kisꞌijñaa̱, je kano!
3Ndaꞌyájnú: Ata̱ ni̱ma̱ ndyi̱tsó já xí koón cho̱tsa̱nga̱a̱,
ngatꞌa̱ ndi̱xcho̱ tsjakjiꞌii̱, je kichajá.
Ndaꞌyájnú nga ndyi̱kjandayà xandi̱je̱e̱,
ngatꞌa̱ kjo̱a̱tsjakjiꞌii̱ ndejèꞌ Jorndaa̱n je kichajá.
Nga jó já xí koón cho̱tsa̱nga̱a̱
4Bi̱ tsó Néná, kui xi Néna:
Chíi̱n kui cho̱tsa̱nga̱ xi je síndonda nga si̱ꞌankjiesoón, 5kui xi já xí ꞌbotsiee̱ nde jmí ni májiín nga tsꞌenkꞌién, kó kui xi botiñaá, bi̱ tsó: ¡Ndokꞌóchji̱ì Néná nga kjimacho̱n an! Kó ti̱nde kui já xí koón kui cho̱tsa̱nga̱a̱ ni̱ma̱jín maá nga.
6Kuíni nga ti̱nde an ni̱ma̱jín ka̱ma ngasena kjo̱a̱a̱ xota̱ xi síndo kui nga̱sondiee̱, tsó Néná. Ngotꞌe̱ ꞌne̱, an tsꞌenkꞌasꞌien an xota̱ nga̱sondiee̱ ngi̱ya tsja xota̱ xkjín, ko̱jo ngi̱ya tsja ree̱. Kuí boá xi sa̱ꞌínkjié kui tꞌanangii̱, kó sa̱ꞌindéjínjnúꞌun ngi̱ya tsja kui xotaa̱.
7Án boá xi askóo̱n cho̱tsa̱nga̱ xi kiniꞌánkꞌieén, kuí má xi ꞌniú ni̱ma̱ ngase xi síndo ki̱a̱ ngi̱jii̱n xtiín, kó jó yánísié iskjíbé án, kó ngo xi kjo̱a̱nda ko̱jo ngo xi ni xi ꞌbínda xtín itꞌa jaꞌén án, kó to̱kó katsꞌenyiꞌira an cho̱tsa̱nga̱a̱. 8Kó ján já xí koón cho̱tsa̱nga̱a̱ jaꞌaxíi̱n xaá nga ta̱ ngo sá, ngatꞌa̱ ini̱ma̱na tsꞌajoo̱n kui xotaa̱, kó ini̱ma̱a̱ kui tsꞌajoo̱n an. 9Kó bi̱ kixiáa̱n: Ngiti̱ ki̱a̱jín nijan sa̱ꞌinxájo̱jnúꞌun jún nga xchóo̱n cho̱tsa̱nga̱. Tsi ngo cho̱tsa̱nga̱a̱ ko̱yà, ngatꞌien, tsi ngo cho̱tsa̱nga̱a̱ xcha̱ja, ngachaja, kó xi kꞌo̱ngi ngasee̱, ¡ja̱kꞌi̱e̱ ja̱ngaján nga kjinie xkjín!
10Kó iskjíbé án yánísiéna kui ꞌmí kjo̱a̱ndaa̱, kó iskjítꞌó án, kó bo̱a̱ tsꞌén ako an nga katsꞌenkjié an ni xi indajo̱ an ngasꞌe̱ ngayeje xota̱ tji̱e̱e̱. 11Kui ni̱xtjii̱n katsꞌénkjié an kui kjo̱a̱ꞌbíndaa̱, kó já xí ꞌbotsie cho̱tsa̱nga̱a̱ kui xi ndyi̱kotsijenna, kamábe nga kui nii̱, eén Néná boá.
12Kó bi̱ kixiáa̱n: Tsi nda sasiénjnú, tꞌíchjíjnúꞌun, kó tsi jmí, ngatjaꞌbé. Kó kantié to̱ntiboa tsꞌenchi̱bo̱a̱ xi íchjína.
13Kó bi̱ katsóna Néná: ¡Ki̱a̱ tꞌíjnijìi̱n to̱o̱n kui Ndiꞌaa̱! ¡Achichí ndakjiꞌi chjí xí katseꞌéna! Kó iskjíbé án nga kantié kui to̱ntiboaa̱, kó ki̱a̱ indyiajìi̱n nínga tikón to̱o̱n Ndiꞌaa̱ Néná. 14Jaskan iskjítꞌó án xi ingo yánísiéna, kui xi ni xi ꞌbínda xtín ꞌmií, tsi̱ꞌe̱ nga si̱ꞌankjie nga ngo xtín má xota̱ tji̱e̱e̱ Jundáa̱ ko̱jo xota̱ Israee̱l.
Já xí koón cho̱tsa̱nga̱a̱ xi ndajiín
15Kó bi̱ katsóna Néná:
Bo̱a̱ ti̱ꞌin ji ngotꞌe̱ xikoó ngo nda̱ xi koo̱n cho̱tsa̱nga̱a̱ xi jmí ni chjíjiín, 16ngatꞌa̱ ngotꞌe̱ ꞌne̱ kꞌi̱e̱e̱, án boá xi tsꞌénꞌbijñá an ngo nda̱ xi koo̱n cho̱tsa̱nga̱ xi ndasénjín ka̱maa̱ cho̱tsa̱nga̱ xi xcha̱jaa̱, ti̱nde ko̱ngasejín kui xi je xín kijií, ti̱nde sa̱ꞌíndikijiín kui xi katsꞌo ti̱ꞌmi̱í, ti̱nde tsja̱ajiín nichinie xi nda síndoo̱, ta̱sá skji̱ni̱e̱ yojoo̱ kui xi bi̱ yiꞌii̱, kó kꞌo̱xié ningoo̱.
17¡Xi̱xꞌi̱a̱n xò kuí nda̱ xi koo̱n cho̱tsa̱nga̱a̱ xi jmí ni chjíjiín,
kui xi ꞌbíndomasien cho̱tsa̱nga̱a̱!
¡Ngo ki̱cha̱ ngatsꞌénꞌoón tsja kixi̱, ko̱jo ngatꞌaxié ndyi̱ko̱n xi kixi̱i̱!
¡Nga xí ndo̱jò ndójo̱ tjiaa̱!
¡Kó ngatsjéni̱xtjin nga ngatamati̱ka̱ ndyi̱ko̱n xi kixi̱i̱!
Currently Selected:
Sakariyaa̱ 11: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Sakariyaa̱ 11
11
1¡Ji na̱xi̱ Líbano̱, chjáxꞌé jí nga̱ntjo̱a̱a̱,
kó ndiꞌií ngatsꞌenkjié yákóo̱n!
2¡Cheꞌé jí yásipree̱, ngatꞌa̱ yákoón jè tsꞌáka,
kó kui yá tsjákoón je ikichá!
¡Chaꞌájnú jún yáꞌáxka̱ xi chji̱a̱ni nangi Basaa̱n,
ngatꞌa̱ kui kꞌijñá xí jñó má kisꞌijñaa̱, je kano!
3Ndaꞌyájnú: Ata̱ ni̱ma̱ ndyi̱tsó já xí koón cho̱tsa̱nga̱a̱,
ngatꞌa̱ ndi̱xcho̱ tsjakjiꞌii̱, je kichajá.
Ndaꞌyájnú nga ndyi̱kjandayà xandi̱je̱e̱,
ngatꞌa̱ kjo̱a̱tsjakjiꞌii̱ ndejèꞌ Jorndaa̱n je kichajá.
Nga jó já xí koón cho̱tsa̱nga̱a̱
4Bi̱ tsó Néná, kui xi Néna:
Chíi̱n kui cho̱tsa̱nga̱ xi je síndonda nga si̱ꞌankjiesoón, 5kui xi já xí ꞌbotsiee̱ nde jmí ni májiín nga tsꞌenkꞌién, kó kui xi botiñaá, bi̱ tsó: ¡Ndokꞌóchji̱ì Néná nga kjimacho̱n an! Kó ti̱nde kui já xí koón kui cho̱tsa̱nga̱a̱ ni̱ma̱jín maá nga.
6Kuíni nga ti̱nde an ni̱ma̱jín ka̱ma ngasena kjo̱a̱a̱ xota̱ xi síndo kui nga̱sondiee̱, tsó Néná. Ngotꞌe̱ ꞌne̱, an tsꞌenkꞌasꞌien an xota̱ nga̱sondiee̱ ngi̱ya tsja xota̱ xkjín, ko̱jo ngi̱ya tsja ree̱. Kuí boá xi sa̱ꞌínkjié kui tꞌanangii̱, kó sa̱ꞌindéjínjnúꞌun ngi̱ya tsja kui xotaa̱.
7Án boá xi askóo̱n cho̱tsa̱nga̱ xi kiniꞌánkꞌieén, kuí má xi ꞌniú ni̱ma̱ ngase xi síndo ki̱a̱ ngi̱jii̱n xtiín, kó jó yánísié iskjíbé án, kó ngo xi kjo̱a̱nda ko̱jo ngo xi ni xi ꞌbínda xtín itꞌa jaꞌén án, kó to̱kó katsꞌenyiꞌira an cho̱tsa̱nga̱a̱. 8Kó ján já xí koón cho̱tsa̱nga̱a̱ jaꞌaxíi̱n xaá nga ta̱ ngo sá, ngatꞌa̱ ini̱ma̱na tsꞌajoo̱n kui xotaa̱, kó ini̱ma̱a̱ kui tsꞌajoo̱n an. 9Kó bi̱ kixiáa̱n: Ngiti̱ ki̱a̱jín nijan sa̱ꞌinxájo̱jnúꞌun jún nga xchóo̱n cho̱tsa̱nga̱. Tsi ngo cho̱tsa̱nga̱a̱ ko̱yà, ngatꞌien, tsi ngo cho̱tsa̱nga̱a̱ xcha̱ja, ngachaja, kó xi kꞌo̱ngi ngasee̱, ¡ja̱kꞌi̱e̱ ja̱ngaján nga kjinie xkjín!
10Kó iskjíbé án yánísiéna kui ꞌmí kjo̱a̱ndaa̱, kó iskjítꞌó án, kó bo̱a̱ tsꞌén ako an nga katsꞌenkjié an ni xi indajo̱ an ngasꞌe̱ ngayeje xota̱ tji̱e̱e̱. 11Kui ni̱xtjii̱n katsꞌénkjié an kui kjo̱a̱ꞌbíndaa̱, kó já xí ꞌbotsie cho̱tsa̱nga̱a̱ kui xi ndyi̱kotsijenna, kamábe nga kui nii̱, eén Néná boá.
12Kó bi̱ kixiáa̱n: Tsi nda sasiénjnú, tꞌíchjíjnúꞌun, kó tsi jmí, ngatjaꞌbé. Kó kantié to̱ntiboa tsꞌenchi̱bo̱a̱ xi íchjína.
13Kó bi̱ katsóna Néná: ¡Ki̱a̱ tꞌíjnijìi̱n to̱o̱n kui Ndiꞌaa̱! ¡Achichí ndakjiꞌi chjí xí katseꞌéna! Kó iskjíbé án nga kantié kui to̱ntiboaa̱, kó ki̱a̱ indyiajìi̱n nínga tikón to̱o̱n Ndiꞌaa̱ Néná. 14Jaskan iskjítꞌó án xi ingo yánísiéna, kui xi ni xi ꞌbínda xtín ꞌmií, tsi̱ꞌe̱ nga si̱ꞌankjie nga ngo xtín má xota̱ tji̱e̱e̱ Jundáa̱ ko̱jo xota̱ Israee̱l.
Já xí koón cho̱tsa̱nga̱a̱ xi ndajiín
15Kó bi̱ katsóna Néná:
Bo̱a̱ ti̱ꞌin ji ngotꞌe̱ xikoó ngo nda̱ xi koo̱n cho̱tsa̱nga̱a̱ xi jmí ni chjíjiín, 16ngatꞌa̱ ngotꞌe̱ ꞌne̱ kꞌi̱e̱e̱, án boá xi tsꞌénꞌbijñá an ngo nda̱ xi koo̱n cho̱tsa̱nga̱ xi ndasénjín ka̱maa̱ cho̱tsa̱nga̱ xi xcha̱jaa̱, ti̱nde ko̱ngasejín kui xi je xín kijií, ti̱nde sa̱ꞌíndikijiín kui xi katsꞌo ti̱ꞌmi̱í, ti̱nde tsja̱ajiín nichinie xi nda síndoo̱, ta̱sá skji̱ni̱e̱ yojoo̱ kui xi bi̱ yiꞌii̱, kó kꞌo̱xié ningoo̱.
17¡Xi̱xꞌi̱a̱n xò kuí nda̱ xi koo̱n cho̱tsa̱nga̱a̱ xi jmí ni chjíjiín,
kui xi ꞌbíndomasien cho̱tsa̱nga̱a̱!
¡Ngo ki̱cha̱ ngatsꞌénꞌoón tsja kixi̱, ko̱jo ngatꞌaxié ndyi̱ko̱n xi kixi̱i̱!
¡Nga xí ndo̱jò ndójo̱ tjiaa̱!
¡Kó ngatsjéni̱xtjin nga ngatamati̱ka̱ ndyi̱ko̱n xi kixi̱i̱!
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014