Sakariyaa̱ 13
13
Néná sa̱ꞌíntsjie xota̱ na̱xi̱ńdaá
1Kui ni̱xtjin jàn kꞌuié ngo ndáńchꞌi̱ xi tsjientíxa̱ tsi̱ꞌe̱ xota̱ tji̱e̱e̱ Ndabii̱, ko̱jo tsi̱ꞌe̱ xota̱ na̱xi̱ńdáꞌniú Jerusalee̱n, tsi̱ꞌe̱ nga si̱ꞌantsjie jeé ko̱jo ni ndándí xí katsꞌén xotaa̱. 2Kui ni̱xtjin jàn, tsó Néná xí tsi̱ꞌe̱ jájuún, kjoaꞌaxín an kui tꞌanangii̱ jaꞌeén ngayeje ne xi katsꞌéndikón xotaa̱, kó nginijánjín si̱ꞌankaxoma jaꞌeén, kó sa̱ꞌinkjié an kui nga̱sondiee̱ jáchji̱ni̱e̱ꞌe̱én, ko̱jo kui a̱siénni̱xtjin xi tsꞌéndándí. 3Kó bi̱ ka̱ma tsi tjín xí ka̱tso̱yàtjón nginí ngo ni: Kui na̱ꞌmi ko̱jo na̱an xi katsꞌéndaa̱, bi̱ ka̱tso̱o̱: ¡Ngiti̱ ku̱i̱ndyinjín ngase ji, ngatꞌa̱ ikꞌíndise ji nga kiniꞌínkjín jí jaꞌeén Néná! Kó ti̱kuii na̱ꞌmii̱, ko̱jo na̱aa̱n sa̱ꞌínkꞌién, kjiꞌanga ka̱tso̱yàtjón ngo ni.
4Kui ni̱xtjin jàn kui jáchji̱ni̱e̱ꞌe̱én soboá ka̱maa̱ kjo̱a̱a̱ ni xi akakoo̱ ko̱jo kjo̱a̱a̱ ni xi katsóyàtjón, kó nginijánjín ko̱a̱ja̱ ngase ńjño tsja̱xò tsi̱ꞌe̱ nga kꞌo̱ṉcha̱jo xotaa̱, 5kó bi̱ ka̱tso̱: Nda̱chji̱ni̱e̱ꞌénjín an, xota̱ xi tsꞌénxájin ngi̱jin jno̱o̱ boá án, ngatꞌa̱ ndeskande koó nga kjindí án nga ngi̱jin jno̱o̱ tjítsꞌenxá án. 6Kó bi̱ kꞌuiín nga ko̱si̱yaa̱: Kó míkjo̱a̱a̱ nga tsiejénꞌón kon ndse̱ ji. Kó kuí bi̱ ka̱tso̱: Ki̱a̱ kiniꞌánꞌónna ki̱a̱ ndiꞌaa̱ xota̱ xi tjoó an.
Nga akatíjé ko̱jo nga kiniꞌánjetakoón
7¡Ji ki̱cha̱ndojó, ye ꞌne̱, te̱ꞌéchjíi̱ ngito̱ko̱na, nda̱ xi koo̱n cho̱tsa̱nga̱a̱,
ko̱jo kui nda̱ xi nijan niꞌánxájne̱! Tsó Néná xí tsi̱ꞌe̱ jájuún.
¡Ti̱ꞌinꞌíi̱n nda̱ xi koo̱n cho̱tsa̱nga̱a̱, kó nga tsojoboa cho̱tsa̱nga̱a̱,
kó án boá xi tsjachjíi̱ cho̱tsa̱nga̱ xi xi̱xi̱ ngasee̱!
8Kó bi̱ ka̱ma ngayeje nga̱sondiee̱, tsó Néná:
Jó nga ján tíkjaá tꞌanangii̱ ku̱i̱chá, kó xcha̱ja,
ta̱nga xi ma ján tjiín kꞌuijñára,
9kó kui tíkjá xí ma jaán, ngi̱jin ndiꞌí sa̱ꞌinkjaꞌa an,
kó sa̱ꞌintsjie an xikótsꞌèn niꞌántsjie to̱ntiboaa̱,
kó skotꞌa an xikótsꞌèn chitꞌa to̱nsinieé.
Sa̱ꞌínkaxoma jaꞌénna, kó an sa̱ꞌinsée̱n, kó bi̱ xiáa̱n:
Jún boá xi xota̱ na̱xi̱ńdána, kó kuí, bi̱ ka̱tso̱na: Néná boá xi Néna.
Currently Selected:
Sakariyaa̱ 13: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Sakariyaa̱ 13
13
Néná sa̱ꞌíntsjie xota̱ na̱xi̱ńdaá
1Kui ni̱xtjin jàn kꞌuié ngo ndáńchꞌi̱ xi tsjientíxa̱ tsi̱ꞌe̱ xota̱ tji̱e̱e̱ Ndabii̱, ko̱jo tsi̱ꞌe̱ xota̱ na̱xi̱ńdáꞌniú Jerusalee̱n, tsi̱ꞌe̱ nga si̱ꞌantsjie jeé ko̱jo ni ndándí xí katsꞌén xotaa̱. 2Kui ni̱xtjin jàn, tsó Néná xí tsi̱ꞌe̱ jájuún, kjoaꞌaxín an kui tꞌanangii̱ jaꞌeén ngayeje ne xi katsꞌéndikón xotaa̱, kó nginijánjín si̱ꞌankaxoma jaꞌeén, kó sa̱ꞌinkjié an kui nga̱sondiee̱ jáchji̱ni̱e̱ꞌe̱én, ko̱jo kui a̱siénni̱xtjin xi tsꞌéndándí. 3Kó bi̱ ka̱ma tsi tjín xí ka̱tso̱yàtjón nginí ngo ni: Kui na̱ꞌmi ko̱jo na̱an xi katsꞌéndaa̱, bi̱ ka̱tso̱o̱: ¡Ngiti̱ ku̱i̱ndyinjín ngase ji, ngatꞌa̱ ikꞌíndise ji nga kiniꞌínkjín jí jaꞌeén Néná! Kó ti̱kuii na̱ꞌmii̱, ko̱jo na̱aa̱n sa̱ꞌínkꞌién, kjiꞌanga ka̱tso̱yàtjón ngo ni.
4Kui ni̱xtjin jàn kui jáchji̱ni̱e̱ꞌe̱én soboá ka̱maa̱ kjo̱a̱a̱ ni xi akakoo̱ ko̱jo kjo̱a̱a̱ ni xi katsóyàtjón, kó nginijánjín ko̱a̱ja̱ ngase ńjño tsja̱xò tsi̱ꞌe̱ nga kꞌo̱ṉcha̱jo xotaa̱, 5kó bi̱ ka̱tso̱: Nda̱chji̱ni̱e̱ꞌénjín an, xota̱ xi tsꞌénxájin ngi̱jin jno̱o̱ boá án, ngatꞌa̱ ndeskande koó nga kjindí án nga ngi̱jin jno̱o̱ tjítsꞌenxá án. 6Kó bi̱ kꞌuiín nga ko̱si̱yaa̱: Kó míkjo̱a̱a̱ nga tsiejénꞌón kon ndse̱ ji. Kó kuí bi̱ ka̱tso̱: Ki̱a̱ kiniꞌánꞌónna ki̱a̱ ndiꞌaa̱ xota̱ xi tjoó an.
Nga akatíjé ko̱jo nga kiniꞌánjetakoón
7¡Ji ki̱cha̱ndojó, ye ꞌne̱, te̱ꞌéchjíi̱ ngito̱ko̱na, nda̱ xi koo̱n cho̱tsa̱nga̱a̱,
ko̱jo kui nda̱ xi nijan niꞌánxájne̱! Tsó Néná xí tsi̱ꞌe̱ jájuún.
¡Ti̱ꞌinꞌíi̱n nda̱ xi koo̱n cho̱tsa̱nga̱a̱, kó nga tsojoboa cho̱tsa̱nga̱a̱,
kó án boá xi tsjachjíi̱ cho̱tsa̱nga̱ xi xi̱xi̱ ngasee̱!
8Kó bi̱ ka̱ma ngayeje nga̱sondiee̱, tsó Néná:
Jó nga ján tíkjaá tꞌanangii̱ ku̱i̱chá, kó xcha̱ja,
ta̱nga xi ma ján tjiín kꞌuijñára,
9kó kui tíkjá xí ma jaán, ngi̱jin ndiꞌí sa̱ꞌinkjaꞌa an,
kó sa̱ꞌintsjie an xikótsꞌèn niꞌántsjie to̱ntiboaa̱,
kó skotꞌa an xikótsꞌèn chitꞌa to̱nsinieé.
Sa̱ꞌínkaxoma jaꞌénna, kó an sa̱ꞌinsée̱n, kó bi̱ xiáa̱n:
Jún boá xi xota̱ na̱xi̱ńdána, kó kuí, bi̱ ka̱tso̱na: Néná boá xi Néna.
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014