Xo̱jo̱n Salmoo̱ 97
97
Néná boá ngo re xi kixi̱
1¡Néná boá xi tsꞌénbotixómá!
¡Tsjangatamaa̱ tꞌanangii̱!
¡Tsjangatꞌieé tji̱ngi̱ kjín xi tjiín!
2Ṉdi̱ xi jñoó jaꞌatjiyajoo̱n nínga tikón Néná,
kjo̱a̱ndaa̱ ko̱jo kjo̱a̱kixi̱i̱ boá xi tsꞌénkjién ki̱a̱ ngi̱ndie nínga botixómá.
3Ngo ndiꞌí fítjoón ngindyi̱ko̱n Kui,
kó Kuí boá xi tsꞌenkjié kondra̱ xi síndo nga ngo foaꞌatjiyajoo̱n.
4Kjiꞌanga tsꞌénkjáꞌatꞌe tsꞌentsíjen ngayeje nga̱sondiee̱.
Kó tꞌanangii̱ kotsijen, kó fotsié má.
5Ngindyi̱ko̱n Néná, na̱xi̱i̱ ma ńdá xikoó ndo̱ꞌo̱si̱e̱én,
ngindyi̱ko̱n Ndi̱a̱ná xí tsi̱ꞌe̱ ngayeje tꞌanangii̱.
6Nkꞌajmii̱ tsóyà kjo̱a̱kixi̱ xi tjiín Néná,
kó ngayeje xota̱ na̱xi̱ńdaá be kjo̱a̱jee̱.
7¡Ngatꞌieé kjo̱a̱soboá ngayeje xota̱ xi ki̱a̱ ndyi̱tsꞌènxátꞌaa̱ ne xi kiniꞌándaa̱,
ko̱jo ngayeje xi tsꞌéndíkón ni xi nénájín!
¡Ngindyi̱ko̱n Néná tindyiájnú tikójnú, jún ngayeje ne xi ngasee̱!
8Kjiꞌanga tsintꞌié na̱xi̱ńdáꞌniú Sioo̱n, tsja kamaá,
ko̱jo na̱xi̱ńdáꞌniú xi chji̱a̱ni Jundáa̱, tsja kamaá kjo̱a̱a̱ Ji nga Ne,
ta̱ngatꞌanii̱ nga kixi̱ botíjé Jí.
9Ngatꞌa̱ Jí boá xi Ne xi tindyin Ji nínga nkꞌaa̱, nga̱soón ngayeje tꞌanangii̱.
Achichí ꞌniú yandikoón, ta̱bo̱a̱jiín xikoó ngayeje ne xi ngasee̱.
10Jún xi tjójnú Néná, ti̱ꞌanchꞌójnú ni xi ndajiín.
Kuí boá xi foaꞌátjó ini̱ma̱a̱ xota̱ xi tsjiee̱,
kó Kuí boá xi ꞌboxiéꞌáni ngi̱ya tsja xota̱ xi ndajiín.
11Ndiꞌií boá xi tsꞌentsíjee̱n xota̱ xi kixi̱i̱,
kó tsjaá kjo̱a̱tsja xota̱ xi kixi̱ síndo ini̱ma̱a̱.
12¡Jún xota̱ xi kixi̱, tsjangatamajnú kjo̱a̱a̱ Néná,
kó te̱ꞌéjnúu̱ ndokꞌóchji̱ì nga kjo̱a̱ꞌátsjienjnú Jaꞌén tsjiee̱!
Currently Selected:
Xo̱jo̱n Salmoo̱ 97: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
