Xo̱jo̱n Salmoo̱ 96
96
Néná boá xi rená
1¡Ndàjnúu̱ Néná ngo só tja̱tsi̱e̱!
¡Ndàjnúu̱ Néná ngayeje jún xi tindyiónjnú kui nga̱sondiee̱!
2¡Ndàjnúu̱ Néná, kó ti̱ꞌantsjàjnúu̱ Jaꞌeén!
Ndyiojón ndyiojón tꞌíni̱jmijnú én tja̱tsi̱e̱ xi chji̱a̱a̱ kjo̱a̱a̱ kjo̱a̱ꞌnaxiéꞌaá.
3Tꞌíni̱jmijnú kjo̱a̱jee̱ ngi̱jii̱n na̱xi̱ńdaá,
kó ngi̱jii̱n ngayeje nangi tꞌíni̱jmijnú ni xi fíndikónná xí katsꞌén Kuí.
4Ngatꞌa̱ Néná achichí tsie kjo̱a̱je tjiín,
kó tsoboárií nga ꞌniú si̱ꞌantsjaa̱,
Kuí boá xi ndakon ngase ngi̱jii̱n ngayeje ne xi ngasee̱.
5Ngatꞌa̱ ngayeje ne xi tjiín xota̱ na̱xi̱ńdaá, ta̱ a̱si̱én tsí bo̱a̱,
ta̱nga Néná, Kuí boá xi katsꞌénda ndiꞌakꞌajmii̱.
6Kjo̱a̱jee̱ ko̱jo kjo̱a̱yandikoón boá xi síndo ngindyi̱ko̱n Kui,
kó ki̱a̱ Ndiꞌandikoón, ki̱a̱ tikón ngaꞌniuú ko̱jo kjo̱a̱tsjakjiꞌii̱.
7Jún xota̱ ndiꞌa xi chji̱a̱ni ngayeje xota̱ na̱xi̱ńdá, cha̱ndikónjnú Néná,
cha̱ndikónjnú kjo̱a̱je ko̱jo ngaꞌniú xí tjiín Néná.
8Cha̱ndikónjnú Néná xikótsꞌèn tsoboaá nga si̱ꞌandikón Jaꞌeén,
ndibájo̱jnúu̱ kjo̱a̱tjó, kó ti̱tjásꞌi̱e̱njnú ki̱a̱ ndi̱tsee̱n Ndiꞌandikoón.
9Ti̱ꞌantsjàjnúu̱ Néná, ta̱ngatꞌanii̱ kjo̱a̱tsjakjiꞌi xi tjiín nga tsjie Kui.
Ngayeje xota̱ nga̱sondiee̱ ngatjatsié má ngindyi̱ko̱n Kui.
10Bi̱ nga tsó xota̱ na̱xi̱ńdaá:
¡Néná boá xi tsꞌénbotixómá!
Kuí boá xi ꞌniú íjñá kui nga̱sondiee̱, kó ka̱matíyájiín.
Kuí boá xi kixi̱ ko̱tíxomaa̱ ngayeje na̱xi̱ńdaá.
11¡Tsjangatamaa̱ nkꞌajmii̱!
¡Tsjangatamaa̱ tꞌanangii̱!
Ngatjanie ndáchíkoón, ko̱jo ngayeje ni xi tjín ngi̱jii̱n.
12Tsjangatꞌieé kꞌijñaá, ko̱jo ngayeje ni xi tjín ngi̱jii̱n.
Ngayeje yá xí tjín ngi̱jin kꞌijñaá, tsja ka̱maa̱ nga si̱é.
13Nga sie ngindyi̱ko̱n Néná, ngatꞌa̱ jè ndibá,
ngatꞌa̱ jè ndibákatíjeé xota̱a̱ kui tꞌanangii̱,
kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱,
kó kjo̱a̱ꞌniátakoón sa̱ꞌínkjién nga ko̱tíjeé xota̱ na̱xi̱ńdaá.
Currently Selected:
Xo̱jo̱n Salmoo̱ 96: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
