Xo̱jo̱n Salmoo̱ 75
75
Kixi̱ tsꞌén tsꞌensénná Néná
Só xi katsꞌénda Asaa̱f.
1Ndokꞌóchjì ndyi̱boeꞌéjne̱ Ji Ne, ndokꞌóchjì ndyi̱boeꞌéjne̱.
Ngatꞌa̱ achichí tiña tikónjne̱ Jaꞌée̱n.
Xotaa̱ ndyi̱chji̱a̱ kjo̱a̱a̱ ni xi fíndikoón xí niꞌín Ji.
2Jí boá xi bi̱ kase Ji:
Ni̱xtjin xi An koko An,
Án má bo̱a̱ xi kixi̱ kotijé Án.
3Kjiꞌanga ka̱mańdá tꞌanangii̱ ko̱jo ngayeje xota̱a̱,
Án má bo̱a̱ xi koꞌniú án nínga tikónsón.
4Bi̱ xiáa̱n xota̱ xi nkꞌakoo̱n:
Ngata̱ jejín ꞌnaxiéjnú yojojnú,
kó bi̱ xiáa̱n xota̱ xi ndajiín:
Ngata̱ nkꞌajín ꞌnaxiéjnú yojojnú,
5nga nkꞌakonjín maá yojoo̱ kjo̱a̱a̱ ngaꞌniú xí tjiín,
ti̱nde nga ꞌniújín ndikón ngase maa̱ yojoo̱ nga ku̱i̱chji̱a̱.
6Ngatꞌa̱ kjo̱a̱yandikoón, jmí tsi ki̱a̱ ndibání nínga fotjo ko̱jo tsi nínga ꞌbosꞌien tsꞌueé,
ti̱nde ki̱a̱jín ndibánií nínga tikón nangi kixií.
7Néná boá kui xi Nendiꞌamasiee̱n,
kó Kuí boá xi ni̱ma̱kjo̱a̱ ꞌbijñá kui xi nkꞌakon maa̱ yojoo̱.
8Ngi̱ya tsja Néná je tikón ngo chi̱tsen,
kó bino̱ xi ndyi̱a̱ kui xi je tsꞌájii̱n, je kjima xán.
Kuí boá xi kjitjón, kó chjiéngá ngayeje xota̱ xi ꞌniú ndajín xi tjín tꞌanangii̱ kꞌuí,
ngaskande nga ngiti̱ ingojín tín ku̱i̱ꞌíjñá ngase.
9Ta̱nga an boá xi ngatsjéni̱xtjin nga kuichjiá an kjo̱a̱a̱ kui,
kó sièe̱ salmo̱ Nee̱ Jakoo̱b.
10Bi̱ tsó Néná:
Sa̱ꞌínkjié An ngaꞌniuú ngayeje xota̱ xi ꞌniú ndajiín,
kó tsie ngase ngaꞌniú xí tsjáa̱ xota̱ xi kixi̱i̱.
Currently Selected:
Xo̱jo̱n Salmoo̱ 75: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
