Xo̱jo̱n Salmoo̱ 64
64
Ni xi ka̱maa̱ xota̱ xi ꞌniú ndajiín
Só xi katsꞌénda Ndabii̱.
1Ji Ne, ndaꞌyé Ji nga ni̱ma̱ xián án nga kuichjiaá.
Chíi̱n kjo̱a̱mindyionna kjo̱a̱a̱ kui kondra̱ xi mindyiandíkoón.
2Tꞌíjñiꞌmíní kjo̱a̱a̱ kui ni ꞌma xi ndyi̱ꞌbínda xota̱ xi ꞌniú ndajiín,
ko̱jo kjo̱a̱a̱ kui xtín xota̱ xi achichí nga ndajiín,
3kui xi xikoó tsi tsꞌényojó na̱je̱n, xikó maá ki̱cha̱ndojó xi ꞌniú yojó,
kó tsꞌénkjién xikoó yáyojó xi ndikimaya tjiín,
4kó ꞌbíndoꞌmá nga kjinií yáyojoó xota̱ xi jmí jéjiín,
jmí ni tsakjónjín má, ti̱nde jmíjín xi tsakjoón nga tsꞌén kuí nii̱.
5Kjiꞌanga ꞌbínda ni xi ndajiín, ja̱kꞌi̱e̱ ja̱ngaján tsjangaꞌniuú xkjín,
ꞌbínda ꞌmá nga ꞌbíndo chja̱ya̱, kó bi̱ tsó: ꞌYá xí sku̱i̱e̱ kui nii̱.
6Ni xi ꞌniú ndajín ꞌbínda, kó bi̱ tsó:
¡Jè kamándo̱joná nga nda je ikꞌínda ngo ni!
Kó ni xi ꞌniú tjiꞌmaá kjo̱a̱niꞌánkjoó nga ngo nga ngo,
je tjítsꞌénkjátsón ngaskande nínga ꞌniú na̱nga̱a̱ ini̱ma̱a̱.
7Ta̱nga Néná ngo yáyojó ko̱sieén,
kó ta̱niján má nga ꞌniú ka̱maꞌoo̱n,
8kó ti̱kuii na̱je̱n sti̱ngíni,
kó xota̱ xi sku̱i̱e̱ kui nii̱, achichí stsa̱kjonní.
9Kó ngayeje xota̱ nga̱sondiee̱ stsa̱kjonní,
kósꞌe̱ kjiꞌá boá nga ku̱i̱chji̱a̱ kjo̱a̱a̱ ni xi je katsꞌén Néná,
kó ka̱makjiín kui nii̱.
10Xota̱ xi kixi̱i̱ tsja ka̱maa̱ kjo̱a̱a̱ Néná, kó ko̱ngase nga Néná skoón.
Kó ngayeje xota̱ xi kixi̱ síndo ini̱ma̱a̱, Néná tsja̱á kjo̱a̱je.
Currently Selected:
Xo̱jo̱n Salmoo̱ 64: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
