Xo̱jo̱n Salmoo̱ 3
3
Si̱ꞌanꞌniátakón Néná
Ndabii̱ katsꞌénda kui soó kjiꞌanga tsangandikoón Absalo̱n ndií.
1Ji Ne, achichí jè kamá kjín kondra̱na,
achichí jè kjín má xi ndyi̱kjánjo̱na,
2achichí kjín má xi bo̱a̱ ndyi̱tsóna nga Ji jmíjín xoò kjo̱a̱ꞌnaxiéꞌá.#3:2 Xo̱jo̱n én ebreoo̱ ngo én tikoón nga fetꞌani kui xki̱i̱, kó Sela̱, Tsó, yajín mí ni xi mejeén tsó. Tjín xí tsꞌénkjiín kon nga tsó nga kjo̱a̱a̱ soó xó xí ikꞌíjñánii̱ kjiꞌanga niꞌándikón Néná, kó mejeén bi̱ xò tsó Nga sꞌijñaxió, ingo ndi̱yà nginí Ko̱jo tsi Nga ko̱síkjo nda̱a̱ xi siee̱. Kjín ndieè xo̱jo̱n salmoo̱ kjitꞌa, ta̱nga kjo̱a̱a̱ nga nde yajín mí ni xi tsó kui eén kuíni nga ta̱sá ikꞌíjñájínjne̱ kui xo̱jo̱o̱n.
3Ta̱nga ji Ne, ta̱ Jí tsí bo̱a̱ xi tichínní xikoó ngo ni xi ꞌbíchjaá ni xi ndajín,
Jí boá xi kjo̱a̱jena Ji, kó Jí boá xi chjaninkꞌe Ji tokó án.
4Nda̱na katsꞌénkjién án nga tsíchji̱a̱a̱ Néná,
kó ndeskande ki̱a̱ Na̱xi̱ Tsjièe̱ katsꞌénsénna Kui.
5An jajña an, kó kisꞌifé an,
kó ti̱ jaꞌá nginína, ngatꞌa̱ ta̱ngatꞌanii̱ Kui boá nga tikón an.
6Tsakjonjín má an ndatsi tie mi̱ xota̱ kondra̱ xi je íchjáꞌyána.
7¡Ti̱sítji̱n Ji, kó ꞌna̱xiéꞌéní Ne tsa̱ꞌa̱n!
Ngatꞌa̱ Jí boá xi fotꞌe Ji tꞌanijon ngayeje kondra̱na,
kó Jí boá xi chjátꞌé Jí ṉꞌni̱u̱ xota̱ xi ꞌniú ndajiín.
8Néná boá xi ꞌboxiéꞌáná,
¡ngatamachikonñé xota̱ na̱xi̱ńdáa̱!
Currently Selected:
Xo̱jo̱n Salmoo̱ 3: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
