Xo̱jo̱n Salmoo̱ 2
2
Néná ko̱jo ree̱
1Ánní nga kjo̱a̱xti ndyi̱ꞌboxié kon xota̱ na̱xi̱ńdaá.
Kó míkjo̱a̱a̱ nga ni xi jmí ni chjíjiín xi ndyi̱tsꞌènkjó kón.
2Kjo̱stjíe̱n re xi tjín ngayeje nga̱sondiee̱,
kó nijan ku̱i̱ꞌínda xtín ko̱jo xota̱ xi botixómaá,
kótsꞌèn nga skjánjo̱ Néná, ko̱jo Kui xi jaꞌájin kui, kó bi̱ ndyi̱tsó:
3¡Xchjátindsó ńꞌniúki̱cha̱ xi tjitáꞌniúnií ñá!
¡Si̱ꞌandé yojoná kjo̱a̱a̱ kui ńꞌniú xí tjitáꞌniúnií ñá!
4Ta̱nga kui Néná xí tikón ki̱a̱ ndiꞌakꞌajmii̱ mojnó, kó mojnókie kui xotaa̱.
5Jaskan tsꞌénxchán, kó ꞌniú chji̱a̱jo,
ꞌniú tsꞌénxchán, kó mindyiandíkoón.
6Kó bi̱ tsó Néná nga mindyiandíkoón:
Án má bo̱a̱ xi je jaꞌajin An ngo re xi ko̱tíxoma ki̱a̱ tji̱ngi̱ Sioo̱n,#2:6 Sioo̱n Kiꞌmí kui ngi̱ndie ꞌniú nínga Ndabii̱ jaꞌáxiín xota̱ jebuseoo̱, tsi̱ꞌe̱ nga ki̱a̱ katsꞌén ngamasiee̱n ngi̱ndie nínga atíxoma. (2Sa 5:7) Jaskan ti̱ kuii̱ jaꞌeén katsꞌeén ngo tji̱ngi̱ xi tikón ngi̱chí xtji̱e̱e̱n ta̱ꞌin nínga re Salomoo̱ katsꞌénda na̱ngo̱xi̱i̱ Néná (Cf. Xsl 78:68-69), Kó ti̱ bo̱a̱ ti̱ katsoó ngayeje na̱xi̱ńdáꞌniú Jerusale̱n nga (Cf. Xsl 48:12-14). Salmoo̱ ngotjón ngotjón chji̱a̱ kjo̱a̱a̱ Sioo̱n ko̱jo kjo̱a̱a̱ na̱ngo̱xi̱i̱, kó Na̱xi̱ ndikónTsoó, ngatꞌa̱ Néná Ki̱a̱ boá nínga jaꞌájin tsi̱ꞌe̱ nga ki̱a̱ kꞌuijñá (Xsl 132:13). kui xi na̱xi̱ ndikónna.
7Án boá xi xiyà an kjo̱a̱botíxoma xi Néná katsóyàna, nga bi̱ katsóna:
Jí boá xi ndína ma ji,
ndeskande koó ngotꞌe̱ ꞌne̱ nga na̱ꞌmíi̱ ma An.#2:7 Ni̱xtjin nga je kui ree̱ xi ko̱tíxoma, kjiꞌá boá nga je Ndií NénáꞌMií, ngatꞌa̱ kjiꞌá boá nga je xikoó tsi Néná sa̱ꞌínxchá, xikó tsó ni xi índa ki̱a̱. 2Sa 7:14: Án boá xi ka̱ma an Na̱ꞌmii̱, kó kuí boá xi ndíná ka̱ma. (Cf. Xsl 89:26-27).
8¡Chji̱e̱ꞌéní, kó An tsjaa nga tse̱ ka̱ma ngayeje na̱xi̱ńdaá,
ko̱jo nga ti̱ tse̱ ka̱ma ngaskande nínga fetꞌanii̱ nga̱sondiee̱ nga!
9Tajátsꞌèn ko̱ti̱xomée̱ xota̱ na̱xi̱ńdaá nga si̱ꞌinkjìn jí ndse̱ xikoó tsi ki̱cha̱,
ko̱jo nga si̱ꞌinxi̱ ji xikó maá tsi ngo ti̱jì.
10Kó kuíni nga jún xi rejnú, nda ti̱ꞌánjnú nga si̱ꞌankjiénjnú kjo̱a̱kjínkónjnú.
Kó jún xi nendiꞌamasienjnú, te̱ꞌéndièjnú nga tjín xí sa̱ꞌínchji̱ni̱e̱jnú.
11Ndikóntsꞌèn ti̱ꞌánjnú xaá Néná,
kó tsjangatamajnú nga xcha̱ndikónjnú Kuí.
12¡Ti̱ꞌantsjàjnúu̱ Néná#2:12 Ti̱ꞌantsjàjnúu̱ NénáBo̱a̱ tsꞌén ikꞌíjñaá kui eén nga kiniꞌánkꞌatioya nga koxtira̱. Nga én ebreo̱ bi̱ tsó: Ngatjatsiémájnú nga tsjangatamajnú. Tatíndsoꞌájnú ndií., tatíndsoꞌájnú sé ndií,
ngatꞌa̱ tsita̱ sa̱ꞌínxchán, kó sa̱ꞌínkꞌiénjnú ngi̱ya ndi̱ya̱à,
ngatꞌa̱ Kui ta̱niján má ꞌniú tsꞌénxchán!
¡Achichíra̱ tsjaa̱ ngayeje xota̱ xi mongase nga Kui xi skoón!
Currently Selected:
Xo̱jo̱n Salmoo̱ 2: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
