Xo̱jo̱n Salmoo̱ 28
28
Ji Ne, Jí boá xi ngaꞌniuú xota̱ na̱xi̱ńdáa̱
Só xi katsꞌénda Ndabii̱.
1Ji Ne, Jí boá xi ni̱ma̱ tꞌíxiaán nga tsꞌénchji̱a̱a̱, Ji xi xikoó ngo ndi̱jo̱je Ji,
ngata̱ xiójín mindyin Ji, nga kuichjiaá,
ngatꞌa̱ tsita̱ ngiti̱ si̱ꞌinsénjínní,
kósꞌe̱ bo̱a̱ kon ka̱ma an xikoó xota̱ xi je kijíjaya nga̱tsjo̱ó.
2Ndaꞌyéní kjiꞌanga ni̱ma̱ xián án nga kuichjiaá,
ko̱jo kjiꞌanga skjininkꞌa an ndsa̱ án
ki̱a̱ xtji̱e̱e̱n nínga tikón ngi̱ndie xi ꞌniú ndikoón Ndiꞌandikóo̱n.
3Ngata̱ ki̱a̱jín nijan chjaféní ko̱jo xota̱ xi ꞌniú ndajiín,
kui xi ni xi ꞌniú ndajín ndyi̱tsꞌe̱én,
ngatꞌa̱ kui xotaa̱, kjo̱a̱a̱ kjo̱a̱xioó ndyi̱chji̱a̱jo xota̱ xi xkjín,
ta̱nga ngi̱jin ini̱ma̱a̱ jè tikoón ni xi ndajiín.
4Bo̱a̱ tsꞌén tꞌíchjíi̱ xikó katsꞌén,
ko̱jo xikó kjiꞌi ni xi ndajín xi ndyi̱tsꞌèn.
Bo̱a̱ tsꞌén te̱ꞌéchjíi̱ kjo̱a̱a̱ xikó kjiꞌi ni xi katsꞌén tsja.
¡Te̱ꞌée̱ xikó tsꞌén tsoboaá!
5Kó kjo̱a̱a̱ nga tsaꞌaxki̱jín ni xi je katsꞌén Néná,
ko̱jo ngayeje ni xi katsꞌénda,
Néná boá xi sa̱ꞌínkjié, kó ngiti̱ sa̱ꞌínkjastjíe̱njín ngase.
6¡Ngatamachikonñé Néná,
ngatꞌa̱ tsintꞌié nga ni̱ma̱ kixian an nga tsíchji̱a̱a̱!
7Néná boá xi ngaꞌniúna,
kó Kuí boá xi tsꞌénkónna, xikoó ngo ni xi ꞌbíchjaá ni xi ndajín.
Kuí boá xi kamáꞌniátakón ini̱ma̱na,
kó kuí boá xi asíko̱jona.
Kuíni nga achichí tsjá maá ini̱ma̱na,
kó tsꞌéntsjaà, nga siee sóna.
8Néná boá xi ngaꞌniuú xota̱ na̱xi̱ńdaá,
kó Kuí boá xi ngi̱ndie xi ꞌniú, nínga ko̱ꞌna̱xiéꞌá xi jaꞌájin Kui.
9¡ꞌNa̱xiéꞌé ji xota̱ na̱xi̱ńdáa̱, kó ti̱ꞌinchikonñí ji xota̱ xi tse̱!
¡Takée̱ ndi̱yà xikoó ngo nda̱ xi koo̱n cho̱tsa̱nga̱,
kó ngatsjéni̱xtjin nga chíi̱n!
Currently Selected:
Xo̱jo̱n Salmoo̱ 28: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
