Xo̱jo̱n Salmoo̱ 21
21
Néná asíko̱jo nga katsꞌén ree̱
Só xi katsꞌénda Ndabii̱.
1Ji Ne, nda̱ ree̱ achichí tsjátjiín kjo̱a̱a̱ ngaꞌniú xí tjiín Jí,
kó kjo̱a̱a̱ kjo̱a̱ꞌnaxiéꞌáa̱, achichí tsjá maá.
2Jí boá xi katseꞌée̱ ni xi ꞌniú kamámejeén ini̱ma̱a̱,
kó jmí tsi jmí kasée̱, ni xi tsíꞌaá nga tsíchji̱a̱a̱.
3Kꞌinchjeꞌéyindi̱yè jí nga katseꞌée̱ kjo̱a̱niꞌánchikonñé xi je kachjeꞌéjin ji,
kó ngo korona̱ to̱nsinié xi nda ikꞌíꞌé ji to̱ko̱.
4Ji tsíꞌaá nga kꞌuijñá nga̱sondie, kó jo̱ꞌo kasée̱,
sꞌe̱ achichí kjín nó katseꞌée̱ nga kisꞌijña,
ngatsjéni̱xtjin ko̱jo ta̱kjiꞌání.
5Achichí kjo̱a̱je tjiín kjo̱a̱ꞌnaxiéꞌáa̱,
Jí boá xi katseꞌée̱ kjo̱a̱yandikón ko̱jo kjo̱a̱je.
6Ngatsjéni̱xtjin nga niꞌínchikonñí ji,
kó sꞌikitsie maá kjo̱a̱tsja, nga ki̱a̱ tindyinje̱ Ji.
7Tsi kui nda̱ ree̱ xi kjimaꞌniátakón Néná,
ta̱ngatꞌanii̱ kjo̱a̱ni̱ma̱takoón Néná xí tikón ndiꞌakꞌajmii̱ nga ꞌniú kꞌuijñáni.
8Ndse̱ boá xi sa̱ꞌínkjiéni ngayeje kondra̱a̱,
ndse̱ kixi̱ boá xi sa̱ꞌínkjié ngayeje xi chꞌoo̱ Ji.
9Ngo orjno̱ xi tjítíngá má si̱ꞌin Ji, kjiꞌanga kjo̱chó ni̱xtjin nga si̱ꞌinxchín Jí.
Néná sa̱ꞌínkjié kjiꞌanga sa̱ꞌínxchán, kó ndiꞌí ku̱i̱ꞌítíni.
10Si̱ꞌinkjie Ji ngayeje ndií, ngi̱jii̱n ndií xota̱ nga̱sondiee̱.
11Ngatꞌa̱ ni xi ndajín katsꞌénkjó kondra̱ tse̱,
kamámejeén índa nga ndajín sa̱ꞌínjoo̱, ta̱nga kjo̱tjosónjín ni xi mejeén sa̱ꞌín.
12Ngatꞌa̱ Jí boá xi ku̱i̱yítji̱ngíi̱ kjiꞌanga sku̱i̱e̱ yáchjonyáa̱,
ko̱jo kjiꞌanga kjuinjìn Ji kje̱n.
13¡Take ji ngaꞌniú jèe̱ ji Ne!
Ko̱ndájne̱ só ko̱jo si̱ꞌantsjajne̱ Ji kjo̱a̱a̱ ngaꞌniú xí tjiín.
Currently Selected:
Xo̱jo̱n Salmoo̱ 21: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
