Xo̱jo̱n Salmoo̱ 15
15
Ni xi chjién tsi̱ꞌe̱ nga Néná kꞌuijñájo̱ná
Só xi katsꞌénda Ndabii̱.
1Ji Ne, tꞌíyéní, ꞌyání xi ka̱ma kꞌuijñá Ndiꞌandikóo̱n.
ꞌYání xi ka̱ma kꞌuijñá na̱xi̱ tsjiée̱.
2Ta̱kuítsí xota̱ xi tsꞌén ni xi kixi̱i̱, ko̱jo xi tsꞌénkjó ni xi ja̱koxi̱i̱,
ko̱jo xi jmí kjo̱a̱ndiso chji̱a̱jín ngi̱jin ini̱ma̱a̱,
3kui xi jmí xota̱ chji̱a̱taꞌinjín na̱je̱n,
kui xi jmí ni xi ndajín tsꞌénjo̱jín xota̱ xkjín,
ko̱jo xi tsꞌénꞌónjiín xota̱ xi ngasee̱,
4kui xi tsꞌenchꞌó xota̱ xi Néná tsꞌenchꞌoó,
ta̱nga bendikón xota̱ xi ndyi̱bendikón Néná,
kui xi tsꞌénkjátjosón ni xi chji̱a̱, ndatsi ndajín fotjoo̱ ni xi tsꞌén,
5kui xi jmí ndyi̱ko̱n foaꞌáchjíjín nga to̱o̱n tsꞌénkíyà,
ti̱nde jmí to̱n kjíbéjín tsi̱ꞌe̱ nga ndajín si̱ꞌanjo̱ ngo xota̱ xi jmí jéjiín.
Kui xota̱ xi sa̱ꞌín ngayeje kui nii̱,
ngatsjéni̱xtjin nga ꞌniú kꞌuijñá.
Currently Selected:
Xo̱jo̱n Salmoo̱ 15: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
