Xo̱jo̱n Salmoo̱ 114
114
Nga katsꞌén xota̱ Israee̱l
1Kjiꞌanga jatjoni nangi Ejiptoo̱ xota̱ Israee̱l,
ko̱jo nga xota̱ tji̱e̱e̱ Jakoo̱b índomasien kui na̱xi̱ńdá xí kje̱ꞌe én chji̱a̱a̱,
2nangi Jundáa̱ boá nínga kamá Ndiꞌandikoón Néná,
kó na̱xi̱ńdá Israee̱l boá xi ngi̱ndie nínga atíxoma kamá.
3Kjiꞌanga ndáchíkoón kamábe xota̱ Israee̱l, tsangaboaꞌá,
kó ndejèꞌ Jorndaa̱n, tsanganijíngí ndáfoaa̱,
4na̱xi̱i̱ iskjínkꞌá, xikoó maá cho̱tsa̱nga̱ xi jaꞌatji ndi̱ja̱a̱,
kó tji̱ngi̱i̱, iskjínkꞌá xikoó ndií cho̱tsa̱nga̱.
5Mí ni xí kamaá ji ndáchíkón, ánní nga ikiyiboeꞌé kon ji.
Kó ji ndejèꞌ Jorndaa̱n, míkjo̱a̱a̱ nga kꞌinnijíngí kon ji.
6Kó jún na̱xi̱, ánní nga kichíkjinkꞌakonjnú, xikó maá cho̱tsa̱nga̱ xi jaꞌatji ndi̱ja̱a̱,
kó jún tji̱ngi̱, ánní nga kichíkjinkꞌakonjnú, xikó maá ndií cho̱tsa̱nga̱.
7¡Ji tꞌanangi, ngatjatsié jí ngindyi̱ko̱n Ndi̱a̱ná,
ngindyi̱ko̱n Nee̱ Jakoo̱b!
8Kui xi ngi̱ndiò katsꞌén ndi̱jo̱jee̱,
kó ndi̱jo̱ ꞌna̱a̱ ndáńchꞌi̱ katsꞌén.
Currently Selected:
Xo̱jo̱n Salmoo̱ 114: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
